Opendata: Тагнуулч Д.Цогтбаатар яагаад Л.Гансүх, Н.Хүрэлсүх нартай нийлэв

3
2019 оны 11 сарын 62019-11-06
Opendata: Тагнуулч Д.Цогтбаатар яагаад Л.Гансүх, Н.Хүрэлсүх нартай нийлэв

 

Д.Цогтбаатар, Л.Гансүх, Н.Хүрэлсүх нарын гурван иргэн “Шударга бусын хонгилд хэлмэгдэгсдийн холбоо” нийгэмд үйлчлэх төрийн бус байгууллага үүсгэн байгуулжээ. Холбооны Удирдах зөвлөлийн даргаар Л.Гансүх ажилладаг юм байна.


Нямгарав овогтой Хүрэлсүх нь Цэвэр агаар сангийн захирлаар ажиллаж байхдаа ял шийтгүүлсэн. Түүнийг албан үүрэгтээ хайнга хандсаны улмаас нягтлан Хулан нь улсад 88 сая төгрөгийн хохирол учруулж, хувьдаа завшсан гэх үйлдэлд ялласан байдаг. Тодруулбал, УС-15, Цагаан даваа орчмыг төвлөрсөн дулаанд холбогдох тендерт шалгараад ажил явуулсан Набсан гэх компанид төсвөөс шилжсэн мөнгөнөөс 88 сая төгрөгийг “техникийн хяналтын зардал илүү шилжүүлсэн байна” хэмээн буцаан авч завшсан гэдэг. Мөн Н.Хүрэлсүхийг Цэвэр агаар сангийн 1.9 тэрбум төгрөгийг хувьдаа завшсан үйлдлээр шалгаж байсан юм.

Донров овогтой Цогтбаатар нь саяхан Улсын ерөнхий прокурорын газрын Хэрэг эрхлэх газрын даргаар томилогдсон. Хурандаа цолтой тэрээр Тагнуулын ерөнхий газрын Сөрөх тагнуулын даргаар ажиллаж байсан бөгөөд хошууч генерал Б.Хурцыг АТГ-ын дэд даргаар ажиллаж байх хугацаанд гэмт хэрэгт холбогдож, нэлээд шалгагдсан. Цагдан хоригдсон дээрх хугацаагаа “шударга бусын хонгилоор чирэгдсэн” гэж үздэг байж болохоор байна. “Шударга бусын хонгил” гэх нэршлийг Н.Алтанхуяг Ерөнхий сайдаар ажиллаж байх үедээ бий болгож, хэвшүүлсэн байдаг.

Лүймэд овогтой Гансүх нь “Нүүрс” хөтөлбөртэй холбоотой хэргээр ял шийтгүүлж байсан. Тэрээр Ерөнхий сайдын ахлах зөвлөхөөр ажиллаж байхдаа Засгийн газрын албан ёсны тогтоол гараагүй байхад “Нүүрс” хөтөлбөр хэрэгжүүлнэ хэмээн Багануурын уурхайгаас хямд үнээр нүүрс худалдан авч нийслэлийн иргэдэд худалдахдаа улсад онц их хэмжээний хохирол учруулсан гэдэг. Багануурын нүүрсийг шигшиж, иргэдэд хямд үнээр худалдсаны төлөө нунтаг нүүрсний жингийн зөрүүг надаас нэхэмжилж ялласан хэмээн одоог хүртэл гомдолтой явдаг нэгэн.

Ямартай ч, Н.Алтанхуягийн “шударга бусын хонгил” нэршлийг ТББ-даа хэрэглэж зөвлөх нь байсан Л.Гансүх, Н.Хүрэлсүх нар нэгджээ. Харин хурандаа Д.Цогтбаатар ямар сэжмээр иргэний хөдөлгөөн хамтдаа үүсгэн байгуулалцав гэдэг сонирхолтой байна.

 

Санал болгох

Ч.Хүрэлбаатар ₮3.8 их наядын алдагдалтай төсвийн тодотголын төслийг өргөн барьжээ

Засгийн газрын санхүүгийн нэгтгэсэн тайланд дурдсанаар нийт 67.2 их наяд төгрөгийн хөрөнгө, 33.2 их наяд төгрөгийн өр төлбөр байна

4 цагийн өмнө
ЗГХЭГ-ын дарга Л.Оюун-Эрдэнэ Засгийн газрын 2020-2024 оны үйл ажиллагааны хөтөлбөрийн төслийг өргөн барилаа

Монгол Улсын сайд, Засгийн газрын Хэрэг эрхлэх газрын дарга Л.Оюун-Эрдэнэ өнөөдөр (2020.08.14) “Монгол Улсын Засгийн газрын 2020-2024 оны үйл ажиллагааны хөтөлбөр батлах тухай”  болон “Монгол Улсыг 2021-2025 онд хөгжүүлэх таван жилийн үндсэн чиглэлийг батлах тухай” Улсын Их Хурлын тогтоолын төслүүдийг Улсын Их Хурлын дарга Г.Занданшатарт өргөн мэдүүллээ.

4 цагийн өмнө
Хятад иргэнтэй гэр бүл болсон монгол иргэд тус улс руу буцах хүсэлтээ ГХЯ-д гаргажээ

БНХАУ-д зорчих хүсэлт гаргасан Монгол Улсын 170 гаруй иргэний хүсэлтийг Гадаад харилцааны яам хүлээн авчээ.

10 цагийн өмнө
Саудын Арабаас зургаан иргэнээ авчрахад дэмжлэг хүслээ

Гадаад харилцааны сайд Н.Энхтайван эх орондоо ирэх хүсэлт гаргасан Саудын Араб-д байгаа зургаан монгол хүнийг авчрахад шаардлагатай тусламж дэмжлэг үзүүлэхийг хүсэв.

12 цагийн өмнө