Н. Сугар
Сэтгүүлч

Opendata: ЖДҮХС-аас авсан зээлээ ББСБ-д хийж арвижуулсан найман компани

2019 оны 11 сарын 112019-11-11
Opendata: ЖДҮХС-аас авсан зээлээ ББСБ-д хийж арвижуулсан найман компани

АТГ-ын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Т.Баярхүү өнөөдөр сэтгүүлчдэд мэдээлэл өгөхдөө ЖДҮХС-аас авсан зээлийн мөнгөө банк бус санхүүгийн байгууллага, хадгаламж зээлийн хоршоонд байршуулсан гэх найман компанийг зарлав.

Энэ талаар УИХ-ын гишүүн О.Баасанхүү өнгөрсөн наймдугаар сард “Улсын ерөнхий прокурорын газраас хариулт авлаа. Банк бус санхүүгийн байгууллагадаа ЖДҮХС-аас гурван хувийн хүүтэй зээл аваад иргэдэд 30 хувийн хүүтэй зээлдэг найман аж ахуйн нэгжийг шалгаж байна” гэж мэдээлж байлаа.

Т.Баярхүү комиссарын мэдээлэл бас үүнтэй төстэй. Тэрээр, “Санхүүжилт авсан аж ахуйн нэгжүүдээс 34 нь банк бус, санхүүгийн байгууллага, хадгаламж зээлийн хоршоотой холбоотой байна. Үүнээс 11 аж ахуйн нэгж нь албан тушаалтантай холбоотой. Эдгээрээс найман аж ахуйн нэгж бага хүүтэй зээл аваад өндөр хүүтэй хадгаламжид мөнгөө байршуулсан асуудал байгаа. Энэ хүмүүс тайлбараа өгч байгаа. Мөнгө угаасан тохиолдол байхгүй. Зориулалтын бусаар зарцуулсан гэх асуудал яригдаж байгаа” гэсэн юм.

  1. Уран Сэлэнгэ ХХК-300 сая
  2. Эс Эй Эм И ХХК-500 сая
  3. Грийн тауэр констракшн ХХК -500 сая
  4. Цагийн эрч ХХК-950 сая
  5. Намжсод ХХК-250 сая
  6. Жигүүрт хөсөг ХХК-200 сая
  7. Цамбагарав трэйд ХХК-400 сая
  8. ТБМТ ХХК-400 сая төгрөгийн зээл ЖДҮХС-аас авчээ.

Бид хуулийн этгээдийн бүртгэлийн нээлттэй сангаас дээрх компаниудын эзэмшигчдийн мэдээллийг хүргэж байна. "Уран Сэлэнгэ" компани нь Сэлэнгэ аймгийн ИТХ-ын дарга Г.Бямбаагийн хүүгийн нэр дээр бүртгэлтэй ААН юм.

 

 

 

Санал болгох

Хянан шалгах түр хорооны нотлох баримтыг шинжлэн судлах хоёр дахь шатны сонсгол Даваа гарагт эхэлнэ

Монгол Улсын Их Хурлаас байгуулагдсан Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос Нотлох баримтыг шинжлэн судлах хоёр дахь шатны сонсголыг 2023 оны хоёрдугаар сарын 06-08-ны өдрүүдэд Төрийн ордны Их Эзэн Чингис хаан танхимд зохион байгуулна

7 цагийн өмнө
Г.Занданшатар: ХАА-д суурилсан өрхийн үйлдвэрлэлийг хөгжүүлснээр экспортын бүтээгдэхүүнийг нэмэгдүүлнэ

УИХ-ын дарга Г.Занданшатар “Ард түмнээ сонсъё” аяны хүрээнд орон нутагт ажиллаж байна

8 цагийн өмнө
У.Хүрэлсүх: Нэмүү өртөг шингээсэн эцсийн бүтээгдэхүүн үйлдвэрлэхэд онцгой анхаарч ажиллах шаардлагатай

Өнгөрсөн 100 жилд Монголын геологи, уул уурхайн салбар эх орныхоо алтан хөрс, газрын хэвлийд ямар их баялаг байгааг танин мэдэж, нээн илрүүлж, гар аргаар алт, нүүрс олборлодог байсан үеэс орчин үеийн дэвшилтэт техник, технологи нэвтэрсэн олон үйлдвэр, уурхайтай болон өргөжиж, геологи, уул уурхай, эрдэс баялаг судлалын олон мянган эрдэмтэн судлаач, инженер техникийн ажилтнуудыг бэлтгэн сургаж, үндэсний боловсон хүчний бааз суурьтай болсон төдийгүй Монгол Улсын хөгжил дэвшлийн хөдөлгөх хүч, эдийн засгийн тэргүүлэх салбар болон хөгжин дэвжиж байгааг Монгол Улсын Ерөнхийлөгч Ухнаагийн Хүрэлсүх хэлсэн үгэндээ тэмдэглэв.

8 цагийн өмнө
Б.Отгонтөгс: Иргэд идэвхтэй, оролцоотой байна

Улс оронд тулгамдаж байгаа нийгэм, эдийн засгийн асуудлыг иргэдээс асууж тодорхойлох “Зөвлөлдөж шийдье” зөвлөлдөх санал асуулгын нэгдүгээр үе шат амжилттай болж, өчигдөр (2023.02.02) дууслаа. Зөвлөлдөх санал асуулгыг удирдан зохион байгуулах чиг үүрэг бүхий Зөвлөлдөх зөвлөлийн орлогч дарга, доктор Б.Отгонтөгс мэдээлэл цуглуулалтын үйл явцад хяналт тавих ажлаар Дархан-Уул, Орхон, Сэлэнгэ аймагт ажиллаад иржээ. Түүнтэй ярилцлаа.

8 цагийн өмнө