Н. Сугар
Сэтгүүлч

Б.Мэргэн: Д.Гантулгын хэрэг дээр хуурамч дүгнэлт гаргасан шинжээчдийг удахгүй шүүнэ

3
2019 оны 11 сарын 132019-11-13
Б.Мэргэн: Д.Гантулгын хэрэг дээр хуурамч дүгнэлт гаргасан шинжээчдийг удахгүй шүүнэ

Монгол Улсын Ерөнхийлөгчийн 2017 оны сонгуулийн өмнө УИХ-ын гишүүн Д.Гантулгыг хүчингийн гэмт хэрэгт холбогдсон талаарх мэдээлэл түгсэн. Хохирогч болох Н-ийн эгч Ч.Саранзаяа олны өмнө мэдээлэл хийснээр ил болсон. Улмаар Д.Гантулга УИХ-ын гишүүнээсээ огцрох өргөдлөө өгснийг нь парламентын хуралдаанаар хэлэлцэж ёсоор болгосон. Өчигдөр Д.Гантулгад холбогдох эрүүгийн гэмт хэргийг Хан-Уул дүүргийн эрүүгийн хэргийн анхан шатны шүүх хэлэлцэж, түүнд хоёр жилийн хорих ял оноожээ.

Хохирогч Н-ийн өмгөөлөгч Б.Мэргэн дээрх үйл явдалтай холбоотойгоор фэйсбүүкт байр сууриа илэрхийлсэн байна.

Тэрээр, "2017 оны наймдугаар сард УИХ-ын гишүүнд хүчиндүүлсэн гэх хохирогч манай фирм дээр ирж уулзсан. Нийт 5 өмгөөлөгчтэй уулзсан гээд манайхыг сонгосон. Бид анхнаасаа л “Эрх мэдэл, мөнгө, албан тушаалаар далайлган эмэгтэйчүүдийг хүчирхийлдэг байж болохгүй. Хэн байхаас үл хамааран хүний эрхэд халдсан л бол хариуцлага хүлээх боломжтой гэдгийг харуулъя. Тэгж чадвал цаашид хохирч болзошгүй олон эмэгтэйчүүдийн эрхийг хамгаалж чадах байх гэдэг утгаараа үйлчилгээний хөлс авахгүй. Үнэ төлбөргүй өмгөөлье “ гэж хэлээд стратегийн өмгөөлөл хийх ажилдаа орсон.

Хэрэг хаагдсан байж байгаад дахин сэргээж нээсэн. Харьяалал нь СБД-ийн цагдаа, прокурорт байсан бол АТГ, ЦЕГ хамтарсан ажлын хэсэг байгуулж, Нийслэлийн прокурор хяналт тавьж эхэлсэн. Шинжээчийн дүгнэлтийг зориуд худал гаргаж, анх хэргийг хаах үндсийг тавьсан мөрдөгч, шинжээчид, даргад нь тусдаа эрүүгийн хэрэг үүссэн.

УИХ-ын гишүүний халдашгүй байдлын дор хамгаалагдан мэдүүлэг өгөхгүй, биологийн шинжилгээ авахуулахгүй байсан. Тэгэхээр нь Үндсэн хуулийн цэцэд хандаж, хэт өргөн халдашгүй эрх олгосон хуулийн заалтыг хүчингүй болгуулсан.

Цэцэд хандахаас өмнө Улсын Ерөнхий прокурор гишүүний бүрэн эрхийг түдгэлзүүлэх санал гаргасан ч УИХ хүлээж аваагүй. Цэцээс шийдвэр гарсны дараа ч хуулиа засаагүй байсан тул мөн бүтэлгүйтсэн. Улмаар яллагдагчаар татсан тогтоол танилцуулах гэж 18 удаа дуудсан ч очоогүй. Тиймээс хэрэг шалгах ажиллагаа таг гацсан.

Энэ хооронд бид Өргөдлийн байнгын хороо, Халдашгүй байдлын дэд хороо, Ёс зүйн дэд хороо, УИХ-ын дарга, дэд дарга нарт хандсан. Улмаар хуулийн төсөл боловсруулахдаа ямар байдлаар нэмэлт, өөрчлөлт оруулвал асуудал шийдэгдэх боломжтой талаар биднээс албан бусаар санал авсан. Хуулиа ч зассан.

Прокурор дахин гишүүний бүрэн эрхийг түдгэлзүүлэх санал оруулсан ч өөрийнх нь талаар санал хурааж байхад өөрөө санал өгөхгүй байх зарчмыг үл тоон санал өгч ганцхан саналаар бүрэн эрхийг нь түдгэлзэхийг дэмжээгүй. Гэвч өөрөө сайн дураараа хүсэлтээ өгч гишүүнээс чөлөөлөгдсөн.

Түүнээс хойш 5 сарын дараа буюу 2018.09.12-ны өдөр анхан шатны шүүх хуралдаан болсон ч хэргийг прокурорт буцаасан. Улмаар дахин жил шалгаад шүүхэд шилжсэн ч 3 удаа хойшлогдсоны эцэст 2019.11.12-ны өдөр шүүх хуралдаан болж, гэмт хэрэг үйлдсэн гэм буруутайг тогтоож 2 жилийн ял оногдууллаа.

Хэрвээ олон нийтэд мэдээлэл өгч, анхаарлыг нь татаагүй бол албан тушаалтнууд холбогдсон бусад олон хэргийн адил замхарч, жирийн нэгэн эмэгтэй хохироод үлдэж болох байсан. Зөвхөн эрүүгийн процесс дээрээ анхаарах биш хэргээ шийдүүлэхийн тулд Цэц, УИХ-ыг бүтцийн нэгжүүдэд хандах, хуулийн төсөл боловсруулахад санал өгөх, хүний, тэр дундаа эмэгтэйчүүдийн эрхийг хамгаалах байгууллага, хэвлэл, олон нийтэд хандах гээд маш олон цогц ажиллагааны хүрээнд үр дүнд хүрсэн учир стратегийн өмгөөлөл гэсэн болно. Мэдээж нөгөө тал давж заалдах байх. Гэхдээ эхний үр дүндээ хүрлээ. Мөрдөгчид ч хангалттай баримт цуглуулж, прокурор ч сайн хяналт тавьж, шүүх хуралдаанд оролцлоо.

Гэхдээ бүх зүйл бас хараахан дуусаагүй. Удахгүй хэргийг будлиантуулсан шинжээчдийн шүүх хуралдаан болно. Хуурамч дүгнэлт гаргасан 3 шинжээч шүүгдэгч болсон ч тэдэнд үүрэг даалгавар, захиалга өгсөн хүмүүс мултарчихсан байдалтай үргэлжилж байна.

Бид одоо дараагийн 2 эмэгтэйд туслах зорилгоор ажлаа эхлүүлээд эхний шүүх хуралдаанууддаа оролцоод яллагдагчийг цагдан хориулах шийдвэр гаргуулаад байна. Ямар нэгэн эцсийн шийдвэр гараагүй байгаа тул тодорхой мэдээлэл өгөөд яах вэ. Магадгүй нааштай шийдүүлж чадвал тэр үед нь хэлж болох юм" гэжээ.

Санал болгох

Ч.Хүрэлбаатар ₮3.8 их наядын алдагдалтай төсвийн тодотголын төслийг өргөн барьжээ

Засгийн газрын санхүүгийн нэгтгэсэн тайланд дурдсанаар нийт 67.2 их наяд төгрөгийн хөрөнгө, 33.2 их наяд төгрөгийн өр төлбөр байна

4 цагийн өмнө
ЗГХЭГ-ын дарга Л.Оюун-Эрдэнэ Засгийн газрын 2020-2024 оны үйл ажиллагааны хөтөлбөрийн төслийг өргөн барилаа

Монгол Улсын сайд, Засгийн газрын Хэрэг эрхлэх газрын дарга Л.Оюун-Эрдэнэ өнөөдөр (2020.08.14) “Монгол Улсын Засгийн газрын 2020-2024 оны үйл ажиллагааны хөтөлбөр батлах тухай”  болон “Монгол Улсыг 2021-2025 онд хөгжүүлэх таван жилийн үндсэн чиглэлийг батлах тухай” Улсын Их Хурлын тогтоолын төслүүдийг Улсын Их Хурлын дарга Г.Занданшатарт өргөн мэдүүллээ.

4 цагийн өмнө
Хятад иргэнтэй гэр бүл болсон монгол иргэд тус улс руу буцах хүсэлтээ ГХЯ-д гаргажээ

БНХАУ-д зорчих хүсэлт гаргасан Монгол Улсын 170 гаруй иргэний хүсэлтийг Гадаад харилцааны яам хүлээн авчээ.

10 цагийн өмнө
Саудын Арабаас зургаан иргэнээ авчрахад дэмжлэг хүслээ

Гадаад харилцааны сайд Н.Энхтайван эх орондоо ирэх хүсэлт гаргасан Саудын Араб-д байгаа зургаан монгол хүнийг авчрахад шаардлагатай тусламж дэмжлэг үзүүлэхийг хүсэв.

12 цагийн өмнө