Н. Сугар
Сэтгүүлч

МУИС-ийн 6 давхар номын сан 19.8 тэрбум, Хөгжлийн банкны хоёр давхар оффис 27.6 тэрбум

2019 оны 11 сарын 132019-11-13
МУИС-ийн 6 давхар номын сан 19.8 тэрбум, Хөгжлийн банкны хоёр давхар оффис 27.6 тэрбум

Төрийн мөнгө уйлдаггүй гэсэн үг бий. Хөгжлийн банкны удирдлагууд Худалдаа хөгжлийн банкны хоёр давхарыг 2015 онд худалдаж авсан. Энэ оффисыг зах зээлийн үнээс хэт өндрөөр буюу 27.6 тэрбум төгрөгөөр худалдаж авсны цаана юу байв. Гэтэл ойролцоо байршилд байгаа МУИС-ийн номын сангийн 15 мянга 92 ам метр талбай бүхий зоорьтой зургаан давхар барилгыг 19.8 тэрбум төгрөгөөр барьжээ. Харин Худалдаа хөгжлийн банкны 3240 ам метр талбай бүхий хоёр давхар үл хөдлөх хөрөнгө, 10 ширхэг авто зогсоолыг Хөгжлийн банкныхан 27.6 тэрбум төгрөгөөр худалдаж авсан байгаа юм.

Үндэсний аудитын газрын тайланд дурдсанаар уг шийдвэрийг Хөгжлийн банкны ТУЗ нь гүйцэтгэх удирдлагаас 2015 онд баталсан журмыг зөрчиж гаргажээ. Энэ үедээ Хөгжлийн банкны ТУЗ эрх зүйн чадамжтай байсан гэж үзэхэд учир дутагдалтай байсныг баримтад дурдсан байна. Тухайлбал:

  • Засгийн газрын 2012 оны 83 дугаар тогтоолоор ЭЗХЯ-ны ТНБД-ын үүргийг түр орлон гүйцэтгэгч Б.Шинэбаатарыг МУХБ-ны ТУЗ-ийн даргаар томилсон боловч УИХ-ын 2014 оны аравдугаар сарын 15-ны өдрийн хуулиар ЭЗХЯ татан буугдсан тул Б.Шинэбаатар нь уг албан тушаалаас чөлөөлөгдсөн байна.
  • Засгийн газрын 2015 оны 30 дугаар тогтоолоор МУХБ-ны ТУЗ-ийн гишүүнээр Уул уурхайн яамны Стратеги бодлого төлөвлөлтийн газрын дарга байхаар томилсон бөгөөд уг албан тушаалд ажиллаж байсан Ч.Отгочулууг Уул уурхайн яамны ТНБД-ын 2015 оны гуравдугаар сарын 12-ны өдрийн 29 дүгээр тушаалаар үүрэгт ажлаас нь чөлөөлсөн тул ТУЗ-ийн гишүүнээр ажиллах боломжгүй байжээ. Гэтэл МУХБ-ны ТУЗ-ийн хурлаар уг үл хөдлөх хөрөнгийг худалдан авах асуудлыг 2015 оны зургадугаар сарын 16, 18-ны өдрүүдэд хэлэлцэх үед гишүүдийн ирц бүрдэхгүй байна гэдэг шалтгаанаар Ч.Отгочулууг уг хуралд оролцуулжээ.
  • МУХБ-ны ТУЗ-ийн 2015 оны зургадугаар сарын 16-ны өдрийн хурлаар уг асуудлыг хэлэлцэж гишүүд судлах шаардлагатай гэж үзсэн тул дахин хэлэлцэхээр хойшлуулсан байна. 2015 оны зургадугаар сарын 18-ны өдрийн хурлаар “үндсэн хөрөнгө худалдан авч, гэрээ байгуулах эрх олгох” тухай шийдвэрлэсэн хэдий ч ТУЗ-ийн тогтоол 2015 оны зургадугаар сарын 16-ны өдрөөр баталгаажсан, ТУЗ-ийн хурлын тэмдэглэлүүд гарын үсгээр баталгаажаагүй байна.

Худалдаа хөгжлийн банкны барилгаас худалдаж авсан дээрх оффисын 2015 оны долдугаар сарын байдлаар зах зээлийн бодит үнэлгээ 17.4 тэрбум төгрөг, 2018 оны дөрөвдүгээр сарын байдлаар зах зээлийн бодит үнэлгээ 14.9 тэрбум орчим төгрөг байна” гэсэн дүгнэлт гарчээ.

Иймээс хууль, эрх зүйн чадамжтай эсэх нь эргэлзээтэй ТУЗ-ийг болон түүний Хөгжлийн банкны 10.2 тэрбум орчим төгрөгийн хохирол учруулсан байж болзошгүй үндсэн хөрөнгө худалдан авахад гаргасан шийдвэрийг хууль, хяналтын байгууллагад шилжүүлэн шалгуулж, учирсан хохирлыг арилгах арга хэмжээ авч хэрэгжүүлэх шаардлагатай гэж төрийн аудитынхан үзжээ.

Санал болгох

ХХААХҮЯ-ны сайдын нэрэмжит грантыг шилдгүүдэд гардуулав

Салбарын шинжлэх ухаан, технологийн тэргүүлэх ач холбогдол бүхий судалгааны үр дүн, эрдэмтэн судлаачдыг дэмжих зорилгоор Хүнс, хөдөө аж ахуй, хөнгөн үйлдвэрийн Сайдын нэрэмжит грантын шагналыг олгодог уламжлалтай

11 цагийн өмнө
З.Мэндсайхан: Мэдлэгийн эдийн засгийг хөгжүүлэхэд онцгой үүрэг гүйцэтгэх арга хэмжээ болж байна

Монгол Улсын Ерөнхийлөгчийн ивээл дор зохион байгуулж буй “Хүнсний хангамж, аюулгүй байдал-Хүнс, хөдөө аж ахуй, хөнгөн үйлдвэрийн салбарын шинжлэх ухаан, технологи, инноваци” үндэсний зөвлөгөөнд Хүнс, хөдөө аж ахуй, хөнгөн үйлдвэрийн Сайд З.Мэндсайханы хэлсэн үгийг бүрэн эхээр нь хүргэж байна.

11 цагийн өмнө
Монгол Улсын Ерөнхийлөгчийн ивээл дор хүнсний салбарын эрдэмтэн, судлаачид чуулж байна

Монгол Улсын Ерөнхийлөгчийн ивээл дор “Хүнсний хангамж, аюулгүй байдал-Шинжлэх ухаан, технологи, инновац” сэдэвт үндэсний зөвлөгөөнийг Ерөнхийлөгчийн Тамгын газар, Хүнс, хөдөө аж ахуй, хөнгөн үйлдвэрийн яам хамтран зохион байгуулж байна

12 цагийн өмнө
Хүнсний хувьсгалын хүрээнд шинэ үеийн гидропоник хүлэмж байгуулах төсөл хэрэгжиж эхэллээ

Монгол Улсын Ерөнхийлөгч Ухнаагийн Хүрэлсүхийн санаачлан хэрэгжүүлж байгаа “Хүнсний хангамж, аюулгүй байдал” үндэсний хөдөлгөөний хүрээнд “Премиум групп” ХХК, БНСУ-ын “Plant TFarm” компани хамтран шинэ үеийн гидропоник хүлэмж байгуулах төслөө хэрэгжүүлж эхэллээ

12 цагийн өмнө