Н. Сугар
Сэтгүүлч

Д.Одбаярт 7 сая вонын торгууль тавьж, хилийн хоригийг нь цуцаллаа

3
2019 оны 11 сарын 132019-11-13
Д.Одбаярт 7 сая вонын торгууль тавьж, хилийн хоригийг нь цуцаллаа

Үндсэн хуулийн цэцийн дарга Д.Одбаярт БНСУ-ын Инчеон хотын прокурорын байгууллага долоон сая вонын торгох шийтгэл ногдуулсныг прокурор Ян Кун Су нийтэд мэдэгдлээ. Мөн түүнд тавьсан хилийн хоригийг өнөөдрөөс цуцласан байна.

Д.Одбаяр нь,  аравдугаар сарын 31-нд Улаанбаатар-Сөүл чиглэлд Корэйн эйр компанийн онгоцоор зорчихдоо үйлчлэгч бүсгүйн өгзөгөнд хүрсэн, дарамталсан гэх асуудалд холбогдсон юм. Инчеон хотын цагдаагийнхан түүний зорчиж явсан онгоцыг тосч Д.Одбаярыг саатуулахад болсон явдлыг үгүйсгээд, Индонез улс руу Олон улсын цэцийн гишүүдийн хуралд эх орноо төлөөлөн явж байгаагаа учирлаж, эргэж ирээд тайлбар мэдүүлгээ өгье гээд явжээ. Түүнийг дипломат эрх ямбатай учраас сулласан гэх Инчеоны цагдаагийн албан хаагчид хариуцлага хүлээсэн юм.

Цэцийн дарга Д.Одбаяр хурлаа дуусгаад энэ сарын 6-нд БНСУ-д буцаж ирэхэд нь цагдаагийнхан баривчилж, 14 цагийн турш байцаалт авсан. Тэрээр эхний мэдүүлгээсээ буцаж, согтуурах ундаа хэрэглэсэн байсан тул юу болсныг санахгүй байна гэжээ.

Харин өнөөдөр Инчеоны прокурорын газрын Гадаад харилцааны асуудал хариуцсан прокурор Ян Кун Су Д.Одбаярыг яллах дүгнэлтэд тусгасан үйлдлүүдийн дийлэнхийг хүлээсэн хэмээн мэдэгдэв.

Д.Одбаяртай хамт онгоцонд зорчиж явахдаа мөн л хууль зөрчсөн гэгдэх О.Батчулуун Сингапур яваад эргэж ирээгүй. Түүнийг эрэн сурвалжлуулах хүсэлтийг прокурорын байгууллагаас Интерполд өгөөд байгаа юм.

Дашрамд дурдахад, Монгол Улсын Үндсэн хуулийн цэц болон УИХ-ын дарга Г.Занданшатар нар Д.Одбаярыг дээрх үйл явдалд буруугүй, тийм зүйл болоогүй гэж мэдэгдсэн юм.

Мэдээнд ашигласан эх сурвалж: http://www.donga.com/news/article/all/20191113/98341029/1

Санал болгох

Хянан шалгах түр хорооны нотлох баримтыг шинжлэн судлах хоёр дахь шатны сонсгол Даваа гарагт эхэлнэ

Монгол Улсын Их Хурлаас байгуулагдсан Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос Нотлох баримтыг шинжлэн судлах хоёр дахь шатны сонсголыг 2023 оны хоёрдугаар сарын 06-08-ны өдрүүдэд Төрийн ордны Их Эзэн Чингис хаан танхимд зохион байгуулна

9 цагийн өмнө
Г.Занданшатар: ХАА-д суурилсан өрхийн үйлдвэрлэлийг хөгжүүлснээр экспортын бүтээгдэхүүнийг нэмэгдүүлнэ

УИХ-ын дарга Г.Занданшатар “Ард түмнээ сонсъё” аяны хүрээнд орон нутагт ажиллаж байна

9 цагийн өмнө
У.Хүрэлсүх: Нэмүү өртөг шингээсэн эцсийн бүтээгдэхүүн үйлдвэрлэхэд онцгой анхаарч ажиллах шаардлагатай

Өнгөрсөн 100 жилд Монголын геологи, уул уурхайн салбар эх орныхоо алтан хөрс, газрын хэвлийд ямар их баялаг байгааг танин мэдэж, нээн илрүүлж, гар аргаар алт, нүүрс олборлодог байсан үеэс орчин үеийн дэвшилтэт техник, технологи нэвтэрсэн олон үйлдвэр, уурхайтай болон өргөжиж, геологи, уул уурхай, эрдэс баялаг судлалын олон мянган эрдэмтэн судлаач, инженер техникийн ажилтнуудыг бэлтгэн сургаж, үндэсний боловсон хүчний бааз суурьтай болсон төдийгүй Монгол Улсын хөгжил дэвшлийн хөдөлгөх хүч, эдийн засгийн тэргүүлэх салбар болон хөгжин дэвжиж байгааг Монгол Улсын Ерөнхийлөгч Ухнаагийн Хүрэлсүх хэлсэн үгэндээ тэмдэглэв.

10 цагийн өмнө
Б.Отгонтөгс: Иргэд идэвхтэй, оролцоотой байна

Улс оронд тулгамдаж байгаа нийгэм, эдийн засгийн асуудлыг иргэдээс асууж тодорхойлох “Зөвлөлдөж шийдье” зөвлөлдөх санал асуулгын нэгдүгээр үе шат амжилттай болж, өчигдөр (2023.02.02) дууслаа. Зөвлөлдөх санал асуулгыг удирдан зохион байгуулах чиг үүрэг бүхий Зөвлөлдөх зөвлөлийн орлогч дарга, доктор Б.Отгонтөгс мэдээлэл цуглуулалтын үйл явцад хяналт тавих ажлаар Дархан-Уул, Орхон, Сэлэнгэ аймагт ажиллаад иржээ. Түүнтэй ярилцлаа.

10 цагийн өмнө