Б.Содномдаржаа, Т.Чимгээ нарыг нэн даруй суллаж, нөхөн төлбөр олгох нь зүйтэй гэв

1 сарын өмнө
Б.Содномдаржаа, Т.Чимгээ нарыг нэн даруй суллаж, нөхөн төлбөр олгох нь зүйтэй гэв

Төр, нийгмийн зүтгэлтэн С.Зоригийг хөнөөсөн гэх хэрэгт санал дүгнэлт гаргах УИХ-ын Түр хороо өнөөдөр Төрийн ордонд мэдээлэл хийлээ. Хорооны бүрэлдэхүүнд УИХ-ын гишүүн Ж.Батзандан даргаар, Хууль зүйн байнгын хорооны дарга Х.Нямбаатар, Хууль зүй, дотоод хэргийн сайд Ц.Нямдорж, Шадар сайд Ө.Энхтүвшин, УИХ-ын гишүүн Л.Болд, А.Сүхбат нар гишүүнээр ажилладаг.

Түр хороог төлөөлж Ж.Батзандан, “Түр хороо байгуулагдсан цагаасаа хойш сард нэг удаа, зарим тохиолдолд хоёр удаа хуралдаж, Олон улсын парламентын холбооны шинжээчдийг Монгол Улсад хоёр удаа авчирч, энэ хэрэг дээр албан ёсоор дүгнэлтээ гаргалаа. Өнөөдөр дүгнэлтээ танилцуулахаар энд мэдээлэл хийж байна.

Түр хорооны дүгнэлт, Олон улсын парламентын холбооны дүгнэлттэй 100 хувь нийцсэн гэдгийг хэлье. Өөрөөр хэлбэл, Монгол Улсын Их хурал Олон улсын парламентын холбооны Хүний эрхийн хороотой хамтарч ажилласан гэж болно.

Нэгдүгээрт, Содномдаржаа, Чимгээ нарыг эрүүдэн шүүсэн болохыг Олон улсын парламентын холбооны шинжээчид албан ёсоор тогтоосон гэдгээ бидэнд хүргүүллээ. Үүнийг тогтоохын тулд хоёр байгууллага нийт 23 албан тушаалтантай уулзаж, хэрэгт холбогдсон Амгаланбаатар, Содномдаржаа, Чимгээ гуравтай хэд хэдэн уулзалт хийж, тэдний гэр бүлийн хүмүүс болон өмгөөлөгчид, холбогдох нотлох баримттай танилцсан. Ингээд хуурамч нотлох баримт бүрдүүлж, хилсээр Содномдаржаа, Чимгээ нарт ял өгсөн гэдэг дүгнэлтээ гаргасан.

Иймд ОУПХ-ны Хүний эрхийн хорооноос эрх баригч албан тушаалтнуудад хандан шүүхийн бусад шийдвэр, эрүүдэн шүүсэн бусад этгээдэд холбогдох хэргээс үл хамаарч Чимгээ, Содномдаржаа нарыг суллахыг шаардсан бичгээ бидэнд ирүүлсэн. Түр хорооны долоон гишүүн хуралдаж, ОУПХ-ны дүгнэлттэй санал нэг байгаа гэсэн шийдвэрээ гаргалаа.

Содномдаржаа, Чимгээ нарыг нэн даруй суллаж, шударга бусаар шүүгдэж, тамлуулан зовсных нь төлөө нөхөн төлбөрийг нь олгох нь зүйтэй гэсэн шийдвэрийг ОУПХ гаргасан. С.Зориг агсныг хөнөөсөн хэргийг улс төрийн намууд, улстөрчид олон жил ашиглаж ирснийг ОУПХ буруушааж байгаа төдийгүй, Түр хороог Монгол Улсын парламентаас сайшааж байгааг илэрхийлсэн байна” гэлээ.

Х.Нямбаатар: Түр хорооны шийдвэрээр шүүхэд нөлөөлөх боломжгүй

Түүнийг мэдээлэл хийсний дараа УИХ-ын Хууль зүйн байнгын хорооны дарга Х.Нямбаатар, “Сая Түр хорооны дарга Ж.Батзандан Олон улсын парламентын холбооноос гаргасан дүгнэлтийг уншиж танилцуулсан. Сэтгүүлчид үүсээд байгаа нөхцөл байдлыг нэг нэгэнгүй мэдэж байгаа. Эрүүгийн хэрэг хянан шийдвэрлэх тухай хуулиар эрүүдэн шүүсэн эсэх маргааныг шийдвэрлэсний дараа холбогдох эрх бүхий албан тушаалтан уг хэргийг шинээр илэрсэн нөхцөл байдлын улмаас дахиж шалгах ёстой гэсэн байр сууриа манай холбогдох хууль хяналтын байгууллагууд илэрхийлж байгаа. ОУПХ-ноос гаргасан шийдвэрийн гол үндэслэх хэсэг нь “нэн даруй суллах ёстой юм, эрүүдэн шүүсэн нь тогтоогдсон учраас” гэж. 

Хоёрт гэвэл Монгол Улс Эрүүдэн шүүхийн эсрэг конвенц болон энэ төрлийн олон улсын гэрээ хэлэлцээрүүдэд нэгдэж орсон. Цаашид бид үндэснийхээ хууль тогтоомжид, тэр дундаа Эрүүгийн хэрэг хянан шийдвэрлэх тухай хуульд шинээр илэрсэн нөхцөл байдлыг үүсгэх журмаа эргэж харах цаг болсон нь илэрхий байна. Түр хороо гаргасан шийдвэрээ холбогдох байгууллагуудад уламжилна. Шүүхэд нөлөөлөх эрх зүйн орчин өнөөдрийн хувьд байхгүй. Гэхдээ Монгол Улсын нэгдэн орсон гэрээ, конвенц, ОУПХ-ны шийдвэрийг хэрхэн талаараа холбогдох хууль хяналтын байгууллагуудтай уулзаж, нэн яаралтай үндэсний хууль тогтоомжид өөрчлөлт оруулах асуудлаа хэрхэх вэ гэдэг сэдэв болж үлдлээ” гэсэн.

Санал болгох

Үнэн ба зөв намын дарга А.Отгонбаатар нарыг саатууллаа

Нийслэлийн Засаг дарга авто зам ашигласны төлбөрийг тав дахин нэмэх санал гаргасныг НИТХ дэмжиж, нийслэлийн 2020 оны төсвийг баталсан. Үүнийг эсэргүүцэж Үнэн ба зөв намын дарга А.Отгонбаатар, МАХН-ын дэд дарга Ц.Оюунбаатар, Ардчилсан залуучуудын холбооны Бодлогын зөвлөлийн гишүүн Б.Цэгмид, МАХН-ын гишүүн Б.Жагар, Босоо хөх Монгол ТББ-ын дэд тэргүүн Б.Чойпүрэв нар Сүхбаатарын талбайд жагсаал зохион байгуулж, төв замыг хаасан. Тэд төлбөр нэмэх шийдвэрээ эргэн харах, нийслэлийн төсөвт тавьсан үрэлгэн зардлыг танах шаардлагыг тавьж байгаа юм.

9 цагийн өмнө
Opendata: УИХ-ын гишүүдийн эзэмшдэг, тэргүүлдэг ТББ-ууд

ТББ гэдэг малгайн дотор шашны байгууллага, бизнесийнхэн, спорт холбоод, нийтийн эрх ашгийн төлөө төрд шаардлага тавьдаг иргэний нийгмийнхэн, мэргэжлийн холбоод, сургуулиуд, нутгийн зөвлөлүүд, үйлдвэрчний эвлэлүүд, намууд, боловсролын байгууллагууд, шантаажчид багтана. ТББ-ын тамгагүй дарга гэж алга, холбоо, сангүй УИХ-ын гишүүн бараг алга.

10 цагийн өмнө
Нийгмийн сүлжээний хяналт ба УИХ-ын гишүүдийн байр суурь

УИХ, орон нутгийн 2016 оны сонгууль, 2017 оны Ерөнхийлөгчийн сонгуулиар улстөрчид иргэдэд бодлого, мөрийн хөтөлбөрөө танилцуулахаас илүүтэйгээр өрсөлдөгчөө гутаах доромжлох чиглэлийн мэдээлэл түлхүү цацсан. Ийм хар мэдээлэл Монголын эрх зүйн орноос гадуурх дүрэмгүй талбар буюу фейсбүүк, твиттэр зэрэг нийгмийн сүлжээгээр тархсан юм. Зохион байгуулалттайгаар нэгнийхээ эсрэг хийсэн эдгээр акциуд сонгогдсон болон сонгуульд ялагдсан улстөрчдийн нурууг авсан гэхэд болно.

11 цагийн өмнө