2020 онд газрын дуудлага худалдаанаас 1.5 тэрбум төгрөг төвлөрүүлнэ

2019 оны 11 сарын 252019-11-25
2020 онд газрын дуудлага худалдаанаас 1.5 тэрбум төгрөг төвлөрүүлнэ

Нийслэлийн Засаг даргын зөвлөлийн өнөөдрийн хуралдаанаар хэлэлцсэн дараагийн асуудал нь Нийслэлийн газар зохион байгуулалтын 2019 оны төлөвлөгөөний биелэлт, 2020 оны газар зохион байгуулалтын төлөвлөгөөний төсөл байлаа.

Танилцуулгыг нийслэлийн Газар зохион байгуулалтын албаны даргын үүрэг гүйцэтгэгч А.Энхманлай хийв. Нийслэлийн газар зохион байгуулалтын 2019 оны төлөвлөгөөнд нийт дөрвөн бүлгийн 17 дэд бүлэгт хамаарах 654 төсөл, арга хэмжээг хэрэгжүүлэхээр тусгагдсанаас арваннэгдүгээр сарын 21-ний өдрийн байдлаар төлөвлөгөөний биелэлт 91.8 хувьтай байгаа аж.

Харин 2020 оны газар зохион байгуулалтын төлөвлөгөөний төсөлд таван бүлгийн 22 дэд бүлэгт хамаарах 704 төсөл, арга хэмжээг хэрэгжүүлэхээр тусган боловсруулжээ. “2019 онд иргэд, олон нийт газар өмчлөх, эзэмших, ашиглах эрхийн барьцааны лавлагаа, газар болон үл хөдлөх хөрөнгийн зах зээлийн үнийн мэдээ, мэдээллийг авах боломжийг бүрдүүлсэн “Газрын биржийн цахим төв”-ийг нээж, цахим системээр газрын эрхийн дуудлага худалдааг зохион байгуулсан. Ирэх онд Газрын биржийн үйл ажиллагааг өргөжүүлж, газрыг эрэлт хэрэгцээ, зориулалт, хүн амын нутагшилт, суурьшлын зохистой тогтолцоонд нийцүүлэн хөгжүүлэлт хийдэг, газар олгох үйл ажиллагааг цахимаар тэгш, хүртээмжтэй, шударга зохион байгуулах, эдийн засгийн үр өгөөжийг нэмэгдүүлэх замаар төсвийн орлогыг бүрдүүлэхээр төлөвлөжээ.

“2020 онд газрын төлбөрийн орлогоос 80.9 тэрбум, газрын эрхийн дуудлага худалдаанаас 1.5 тэрбум төгрөг, нийт 82.4 тэрбум төгрөг төсөвт төвлөрүүлэхээр урьдчилсан байдлаар төлөвлөөд байна. Ингэхдээ хаана, ямар байршилд, ямар зорилгоор ашиглахын тулд иргэн, аж ахуйн нэгжүүд газар авах сонирхолтой байгааг урьдчилж санал аваад, хотын ерөнхий төлөвлөгөөтэй уялдахаар бол  тэдгээр байршлуудад газрын эрхийн дуудлага худалдаа зохион байгуулах учраас төлөвлөсөн төсвийн орлогоо бүрдүүлэх боломжтой гэж харж байгаа. Мөн Нийслэлийн 2020 оны газар зохион байгуулалтын төлөвлөгөө нь “Нэг хот-Нэг стандарт” зорилтын хүрээнд хотхон, хороолол орчимд газар зохион байгуулалт хийх замаар иргэдийн ая тухтай, аюулгүй амьдрах орчныг сайжруулах, нэг хүнд ногдох ногоон байгууламжийг нэмэгдүүлэх зорилго тавьсан. Улаанбаатар хотод ногоон байгууламжгүй, явган хүний замгүй, автомашины зогсоолгүй орон сууцны барилгууд нэг дор олноор баригдаж байгааг ерөнхий төлөвлөгөөтэй уялдуулан хэрэгжүүлэхээр зорьж байна” хэмээн нийслэлийн Газар зохион байгуулалтын албаны даргын үүрэг гүйцэтгэгч А.Энхманлай танилцуулгадаа онцолсон. Энэ асуудалд зөвлөлийн гишүүд саналаа хэлж, нэгтгэснээр ИТХ-д өргөн барихаар  боллоо.      

Нийслэлийн ЗДТГ-ын Хэвлэл мэдээлэлтэй харилцах хэлтэс

 

Санал болгох

Ж.Батбаясгаланг жинхлэх шалгуур үерээр эхэллээ

С.Амарсайхан УИХ-ын гишүүн болсон учраас түүний орлогч Ж.Батбаясгалан НИТХ-ын сонгууль дуустал хотыг удирдахаар байна. Өөрт нь чилийсэн дөрвөн сарын хугацаа байна. Үерийн далангуудаа хогноос нь салгаж чөлөөлж, шугам хоолойнуудаа нэмж, бөглөрснийх нь бөглөөсийг гаргахгүй бол ямар нүүрээрээ Ж.Батбаясгалан хотын дарга болж чадах билээ.

1 өдрийн өмнө
Нийслэлийн 33 дахь Засаг дарга С.Амарсайхан тамгаа хүлээлгэн өглөө

Нийслэлийн Засаг дарга бөгөөд Улаанбаатар хотын Захирагч С.Амарсайхан УИХ-ын 2020 сонгуульд парламентын гишүүнээр сонгогдон өчигдөр УИХ-ын гишүүний тангаргаа өргөсөнтэй холбогдуулан үүрэгт ажил, тамга тэмдэг болон хотын томоохон бодлогын баримт бичгүүдээ нийслэлийн Засаг даргын Хөгжлийн бодлогын асуудал хариуцсан нэгдүгээр орлогч Ж.Батбаясгаланд хүлээлгэн өглөө.

3 өдрийн өмнө
“10 000 ПРОГРАММИСТ” төслийн эхний ээлжийн суралцагчид амжилттай төгслөө

Тус төслийн хүрээнд эхний ээлжид хамрагдсан 40 суралцагч 15 хоногийн хугацаанд амжилттай суралцан төгсөж, 2020 оны 06 дугаар сарын 17-ны өдөр сертификат гардан авлаа.

16 өдрийн өмнө
Түүхий нүүрсний хэрэглээг зогсоосон нь шийдэмгий алхам байсан гэж олон улсын судлаачид дүгнэжээ

“Цэвэр агаартай хот” олон улсын эрдэм шинжилгээний хурал болж байна. Энэхүү хурлын гол зорилго нь нийслэл хотыг цэвэр агаартай, эрүүл аюулгүй орчинтой хот болгох, агаар, хөрсний бохирдлын эх үүсвэрийг судлан тогтоох, хүний эрүүл мэндэд учирч буй сөрөг нөлөөллийг бууруулах, дэвшилтэт техник технологийг нэвтрүүлэх, хэрэгжүүлж буй асуудлыг хэлэлцэх, эрдэм шинжилгээний судалгаа, шинжлэх ухаанд суурилсан бодлого, хөтөлбөрийг боловсруулахад чиглэсэн зөвлөмж гаргахад оршиж байгаа юм.

17 өдрийн өмнө