Сайжруулсан түлшний нийлүүлэлт зарим хороодод жигдэрчээ

2019 оны 11 сарын 272019-11-27
Сайжруулсан түлшний нийлүүлэлт  зарим хороодод жигдэрчээ

Нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдөр Баянзүрх дүүргийн 23 дугаар хороонд байрлах сайжруулсан түлшний жижиглэн түгээлтийн 301 дугаар цэг дээр очиж ажиллалаа. Дээрхи цэгт “Таван толгой түлш” компаниас өдөрт 15-20 тонн түлш нийлүүлэгдэж, тэр хэрээр борлуулалт сайтай байгаа аж.

Бор,луулагч Д.Цэцэгмаа “Манайх гэр бүлээрээ ажиллаж, үйлдвэрээс ирж байгаа сайжруулсан түлшээ хашаандаа буулгаж шигшин шуудайлж өдөртөө 10 тонныг савлан борлуулдаг. Сүүлийн үед нийлүүлэгдэж буй түлш бутрах нь харьцангүй гайгүй болсон нь хэмнэлтийг үүсгэж байна, шигшээд шуудайлж савлахад гарсан нунтаг хогоо эргээд “Таван толгой түлш” компани руу ачуулдаг, цэгийн үйл ажиллагаа жигд хэвийн үргэлжилдэг, түлш тасарсан тохиолдол байхгүй, харин иргэдийн хувьд картаа мартах, төвөгшөөх хандлага нэлээд ажиглагддаг” гэж нийслэлийн Засаг даргад танилцуулсан юм.

Хотын Захирагч С.Амарсайхан “Танай борлуулалтын цэг их нямбай, зохион байгуулалт сайтай, түгээлт жигдэрсэн сайн хэрэг. Иргэд сайжруулсан түлшээ картаар авч хэвшвэл олон давуу талтай. Тухайлбал, хяналтын картаа байнга идэвхитэй хэрэглэснээр бид нүүрсний хэрэглээг хянах боломжтой болно, хөдөө орон нутаг руу түлш ачигдах магадлал буурна, мөн хяналтын картаа тогтмол сайн хэрэглэсэн айл жилээс  айл өрхүүдэд түлшний урамшуулал олгохөөр төлөвлөж байгаа. “Таван толгой түлш” компани үйлдвэрлэлийнхээ хүчин чадлыг аль болохоор нэмэгдүүлэн ажиллаж байгаа. Та бүхэн гэр бүлээрээ ажлын байр бий болгож, дүүрэг хорооныхоо  иргэдийг дулаан өвөлжүүлэхийн төлөө зүтгэл гарган  ажиллаж байгаад танай гэр бүлд баяртай байна, ажлын амжилт хүсье” гэлээ.

Нийслэлийн ЗДТГ-ын Хэвлэл мэдээлэлтэй харилцах хэлтэс

 

Санал болгох

Ж.Батбаясгаланг жинхлэх шалгуур үерээр эхэллээ

С.Амарсайхан УИХ-ын гишүүн болсон учраас түүний орлогч Ж.Батбаясгалан НИТХ-ын сонгууль дуустал хотыг удирдахаар байна. Өөрт нь чилийсэн дөрвөн сарын хугацаа байна. Үерийн далангуудаа хогноос нь салгаж чөлөөлж, шугам хоолойнуудаа нэмж, бөглөрснийх нь бөглөөсийг гаргахгүй бол ямар нүүрээрээ Ж.Батбаясгалан хотын дарга болж чадах билээ.

1 өдрийн өмнө
Нийслэлийн 33 дахь Засаг дарга С.Амарсайхан тамгаа хүлээлгэн өглөө

Нийслэлийн Засаг дарга бөгөөд Улаанбаатар хотын Захирагч С.Амарсайхан УИХ-ын 2020 сонгуульд парламентын гишүүнээр сонгогдон өчигдөр УИХ-ын гишүүний тангаргаа өргөсөнтэй холбогдуулан үүрэгт ажил, тамга тэмдэг болон хотын томоохон бодлогын баримт бичгүүдээ нийслэлийн Засаг даргын Хөгжлийн бодлогын асуудал хариуцсан нэгдүгээр орлогч Ж.Батбаясгаланд хүлээлгэн өглөө.

3 өдрийн өмнө
“10 000 ПРОГРАММИСТ” төслийн эхний ээлжийн суралцагчид амжилттай төгслөө

Тус төслийн хүрээнд эхний ээлжид хамрагдсан 40 суралцагч 15 хоногийн хугацаанд амжилттай суралцан төгсөж, 2020 оны 06 дугаар сарын 17-ны өдөр сертификат гардан авлаа.

15 өдрийн өмнө
Түүхий нүүрсний хэрэглээг зогсоосон нь шийдэмгий алхам байсан гэж олон улсын судлаачид дүгнэжээ

“Цэвэр агаартай хот” олон улсын эрдэм шинжилгээний хурал болж байна. Энэхүү хурлын гол зорилго нь нийслэл хотыг цэвэр агаартай, эрүүл аюулгүй орчинтой хот болгох, агаар, хөрсний бохирдлын эх үүсвэрийг судлан тогтоох, хүний эрүүл мэндэд учирч буй сөрөг нөлөөллийг бууруулах, дэвшилтэт техник технологийг нэвтрүүлэх, хэрэгжүүлж буй асуудлыг хэлэлцэх, эрдэм шинжилгээний судалгаа, шинжлэх ухаанд суурилсан бодлого, хөтөлбөрийг боловсруулахад чиглэсэн зөвлөмж гаргахад оршиж байгаа юм.

17 өдрийн өмнө