Иргэдийн оролцоо чуулган эхэллээ

2019 оны 12 сарын 22019-12-02
Иргэдийн оролцоо чуулган эхэллээ

Монгол Улсын Засгийн газрын Хэрэг эрхлэх газрын дэргэдэх Удирдлагын Академи, ХБНГУ-ын Конрад-Аденауэр Сангийн Монгол дахь суурин төлөөлөгчийн газар, Швейцарын хөгжлийн агентлагийн “Иргэдийн оролцоо II” төсөл хамтран  “ИРГЭДИЙН ОРОЛЦОО” чуулганыг өнөөдөр буюу арванхоёрдугаар сарын 2-ны өдөр зохион байгуулж байна.

Чуулган иргэний оролцооны бодлого, үйл ажиллагааны хэрэгжилт, үр дүнг олон талын оролцоотойгоор хэлэлцэж дүгнэх, цаашид иргэний оролцооны чиглэлээр хэрэгжүүлэх үйл ажиллагааны чиглэлийг тодорхойлоход дэмжлэг үзүүлэх зорилготойгоор зохион байгуулж байна.

“Иргэдийн оролцоо” чуулганыг иргэний оролцооны чиглэлээр ажиллаж буй төрийн захиргааны төв болон орон нутгийн засаг захиргааны байгууллагууд, энэ чиглэлээр хэрэгжиж буй төсөл, хөтөлбөрүүд, их дээд сургууль, судалгаа, эрдэм шинжилгээний байгууллага, төрийн бус байгууллага, иргэдийн бүлэг, иргэд, судлаачид, хэвлэл мэдээллийн байгууллага, сонирхогч бусад талуудын сайн дурын оролцоонд түшиглэн зохион байгуулж байгаа бөгөөд чуулганд 25 байгууллагын 150 гаруй төлөөлөгчид оролцож байна.

Чуулганы үйл ажиллагаа үдээс өмнө нэгдсэн хуралдаан, үдээс хойш салбар хуралдааны хэлбэртэйгээр зохион байгуулагдана. Чуулган нэгдсэн хуралдаанаар эхэлж 3 үндсэн илтгэл хэлэлцүүлж, үндсэн илтгэлүүдийн дараа илтгэгчид болон экспертүүдийн оролцоотойгоор “Иргэдийн оролцооны өнөөгийн байдал, асуудал, шийдэл” сэдвээр панел хэлэлцүүлэг хийнэ. Үдээс хойш “Иргэний хяналт”, “Иргэдийн оролцооны сайн туршлага” гэсэн 2 сэдвийн хүрээнд салбар хуралдаан нэгэн зэрэг зохион байгуулагдана. Салбар хуралдааны дараа нэгдсэн хуралдаан хийж, чуулганы үйл ажиллагаа өндөрлөх юм.

 

Чуулганы үйл ажиллагааг Удирдлагын академийн дэд захирал доктор, профессор Ш.Батсүх санаачилан удирдан явуулж байгаа бөгөөд чуулганы нээлтэнд Удирдлагын академийн захирал доктор, профессор С.Зүльфикар, ХБНГУ-ын Монгол дахь Конрад-Аденауэр-Сангийн суурин төлөөлөгч Йоханн Фурманн, ХЗДХЯ-ны Бодлогын хэрэгжилтийг зохицуулах газрын дарга Э.Энхтуяа, Швейцарын хөгжлийн агентлагийн “Иргэдийн оролцоо II” төслийн удирдагч Д.Сүнжид нар оролцож үг хэллээ.

Нэгдсэн хуралдааны гол гурван илтгэлийг Удирдлагын академийн Бодлого, улс төр судлалын тэнхимийн эрхлэгч доктор, дэд профессор О.Цэрэнчимэд, Удирдлагын академийн доктрант Б.Ганцоож нар “Засаглал дахь иргэдийн оролцоо” сэдвээр, Удирдлагын академийн Эрх зүйн тэнхимийн багш доктор, профессор Д.Сүнжид “Иргэдийн оролцооны бодлого, эрх зүйн орчин” сэдвээр, Удирдлагын академийн Эдийн засаг, санхүүгийн тэнхимийн багш доктор, профессор Л.Отгонтуяа “Төсвийн үйл явц дахь иргэдийн оролцоо” сэдвээр тус тус тавьж хэлэлцүүлнэ.

Мөн нэгдсэн хуралдааны хүрээнд “Иргэдийн оролцооны өнөөгийн байдал, асуудал, шийдэл” сэдвээр  панел хэлэлцүүлэг хийгдэх бөгөөд хэлэлцүүлгийг Удирдлагын академийн дэд захирал доктор, дэд профессор Б.Баясгалан чиглүүлж, хэлэлцүүлэгт илтгэгчид болон Засгийн газрын Хэрэг эрхлэх газын Хяналт-шалгалт, үнэлгээ, дотоод аудитын газрын дарга Э.Бат-Идэр, Шинжлэх ухааны академийн Философийн хүрээлэнгийн Эрдэм шинжилгээний дэд ажилтан, доктор О.Хатанболд, Үндэсний стратегийн хүрээлэнгийн гүйцэтгэх захирал Б.Мөнхсоёл нар оролцох юм.

Үдээс хойш зохион байгуулагдах “Иргэний хяналт” сэдэвт салбар хуралдааныг Удирдлагын академийн Эдийн засаг, санхүүгийн тэнхимийн багш доктор, профессор Л.Отгонтуяа даргалан явуулж, тус салбар хуралдаанаар “Орон нутгийн хөгжлийн сан дахь иргэдийн оролцоо, иргэний хяналт” сэдвээр Тогтвортой амьжиргаа төслийн төсвийн гүйцэтгэл, худалдан авах ажиллагааны зөвлөх Б.Хоролмаа, “Дундын эзэмшлийн бэлчээрийн зүй зохистой ашиглалтад тулгуурласан малчдын хамтын ажиллагааг бэхжүүлэх нь” сэдвээр Швейцарын хөгжлийн агентлагийн Ногоон Алт Малын эрүүл мэнд төслийн зохицуулагч, доктор Ц.Энх-Амгалан, “Иргэний хяналтын тогтолцоо ба арга хэрэгсэл” сэдвээр “Ил тод байдал сан” ТББ-ын захирал Д.Цэрэнжав, “Төрийн байгууллагуудын иргэдэд хүрч буй мэдээллийн ил тод байдлын үнэлгээ” сэдвээр Хараат Бус Судалгааны хүрээлэн (IRIM)-ийн Үйл ажиллагаа хариуцсан захирал Н.Минжирмаа  нар илтгэл хэлэлцүүлнэ.

Дээрх салбар хуралдаантай зэрэгцэн “Иргэдийн оролцооны сайн туршлага” сэдвээр хоёрдох салбар хуралдаан зохион байгуулагдах бөгөөд уг салбар хуралдааныг Швейцарын хөгжлийн агентлагийн “Иргэдийн оролцоо II” төслийн менежер Г.Төгөлдөрзаяа даргалан явуулна. Тус салбар хуралдаар “Иргэдийн оролцоотой нутаг, дэвсгэрийн ерөнхий төлөвлөгөө боловсруулах арга зүй: туршлага, сургамж” сэдвээр Вектор Мэп ХХК-ын захирал Ш.Наран-Очир, “Иргэдийн оролцоотой сумын төвийн шинэчлэл: Дундговь аймгийн Гурвансайхан сумын жишээн дээр” сэдвээр Дундговь аймгийн Гурвансайхан сумын Нутгийн зөвлөлийн дарга Р.Эрдэнэбүрэн, “Бидэнд яагаад орон нутгийн жижиг төрийн бус байгууллагууд хэрэгтэй вэ?” сэдвээр Экосум ТББ-ын тэргүүн Г.Нарантуяа, “Аялал жуулчлалыг хөгжүүлэхэд иргэдийн оролцоо” сэдвээр Хэнтий аймгийн Норовлин сумын “Норовлин – Иргэдийн оролцоо” ТББ-ын Удирдах зөвлөлийн гишүүн Б.Баярмандал нар илтгэл хэлэлцүүлэх юм.

Мөн чуулганы үеэр иргэдийн оролцоотой холбоотой ном, бүтээлийн үзэсгэлэн, гэрэл зургийн үзэсгэлэн гаргаж чуулганд оролцогчдод иргэдийн оролцооны чиглэлээр гарсан судалгаа, эрдэм шинжилгээний ажлын үр дүн, тайлан, ном, гарын авлагын талаар мэдээлэл хүргэж байна. Гэрэл зургийн үзэсгэлэнд “Иргэдийн оролцоо II” төслөөс зарласан гэрэл зургийн үзэсгэлэнд ирсэн шилдэг бүтээлүүдийн дээжээс гадна иргэдийн оролцоотой хэрэгжүүлсэн ажлуудын үеэр авсан гэрэл зургуудаас түүвэрлэн 40 орчим зураг тавьж оролцогчдод сонирхуулахаар болжээ.

Чуулганы үдээс хойших салбар хуралдаануудад иргэдийн оролцооны чиглэлээр тодорхой ажлууд хийж буй хүмүүс илтгэл тавьж танилцуулга хийсэн илүү амьдралд ойр мэдээллүүд өгч хэлэлцүүлэг өрнүүлнэ.

 

Санал болгох

Өнөө орой УИХ-ын гишүүдийн танилцах үдэшлэг болно

2020 оны УИХ-ын сонгуульд Монгол Ардын нам 62, Ардчилсан нам 11 суудал авсан юм. Харин бие даан нэр дэвшигчдээс Н.Алтанхуяг, Та бидний эвслээс С.Ганбаатар, Зөв хүн электорат эвслээс Т.Доржханд нар ялалт байгуулж, парламентад суудал авсан билээ. 

1 өдрийн өмнө
Халдашгүй байдлын дэд хорооны даргаар Н.Энхболдыг сонголоо

Улсын Их Хурлын гишүүний халдашгүй байдлын дэд хороо анхны хуралдаанаа хийж, дэд хорооны даргаар Улсын Их Хурлын гишүүн Н.Энхболдыг сонголоо.

2 өдрийн өмнө
Ерөнхий сайд У.Хүрэлсүх Монгол Улсын Ерөнхийлөгч Х.Баттулгад бараалхлаа

Үндсэн хуулийн Гучин есдүгээр зүйлийн 3 дахь хэсэгт заасны дагуу Ерөнхий сайд өнөөдөр Засгийн газрын бүтэц, бүрэлдэхүүний талаарх зөвшилцөх саналаа холбогдох хуулийн төслүүдийн хамт Монгол Улсын Ерөнхийлөгчид ирүүлэв.

2 өдрийн өмнө
УИХ-ын Халдашгүй байдлын дэд хорооны гишүүдийг баталлаа

Олонхийн саналаар дэмжсэн тул УИХ-ын Халдашгүй байдлын дэд хорооны гишүүнээр Н.Энхболд С.Батболд, Б.Бат-Эрдэнэ, С.Бямбацогт, Ц.Мөнх-Оргил нарыг сонголоо. 

2 өдрийн өмнө