Борлуулалтын цэгүүдийг яаралтай түлшээр хангахаар нэмэлт тээвэрлэлт гарсан гэв

2019 оны 12 сарын 122019-12-12
Борлуулалтын цэгүүдийг яаралтай түлшээр хангахаар нэмэлт тээвэрлэлт гарсан гэв

Нийслэлийн онцгой комиссын 15 дугаар хурал өнөөдөр боллоо. Хуралдааны эхэнд нийслэлийн Онцгой комиссын орлогч дарга, хурандаа Ж.Чүлтэмсүрэн сайжруулсан түлшний тээвэрлэлт, борлуулалтын цэгүүдийн нөөцийн талаар мэдээлэл хийлээ. Тэрбээр мэдээлэлдээ “Нийслэлийн Засаг дарга бөгөөд Улаанбаатар хотын Захирагчийн өмнөх хуралдаанаас өгсөн үүрэг даалгаврын хүрээнд “Сайн” картын бүртгэлжүүлэлт 96.1 хувьтай байна. Дүүрэг хороодын Засаг дарга нар хуваарь гаргаж “Сайн” картны хэрэглээнд хяналт тавьж ажиллаж байгаа. Өнөөдөр өглөө 6 цагийн байдлаар Сүхбаатар дүүрэгт 10, Чингэлтэй дүүрэгт 17, Баянгол дүүрэгт 6, Сонгинохайрхан дүүрэгт 36 цэг, Хан-Уул дүүрэгт 1 цэг түлшгүй байна” гэв.

Мөн нийслэлийн Онцгой комиссын гишүүд, дүүрэг хороодын Засаг дарга нар Баянзүрх, Сонгинохайрхан, Сүхбаатар дүүргүүдийн борлуулалтын цэгүүдэд 24 цагаар хяналт ажиллаж байгаа талаар дуулгалаа. Түлш тээвэрлэлтийн хувьд үйлдвэрээс гарч байгаа нийлүүлэлт хангалтгүйн улмаас борлуулалтын цэгүүдэд хомсдол үүсч байна гэв.

“Тавантолгой түлш” компанийн гүйцэтгэх захирал М.Ганбаатар үйлдвэрлэлээс гарч байгаа  шахмал түлшний тээвэрлэлт, түгээлт нийлүүлэлтийн талаар мэдээлэл хийв. Тэрбээр “Манай компани 24 цагийн горимоор 1200 гаруй ажилтан албан хаагчид ажиллаж байна. Өнөөдрийн байдлаар өдөрт 2406578 кг түлш үйлдвэрлэж байна. Үйлдвэрийн хувьд бүрэн хүчин чадлаараа ажиллаж байгаа. Одоогийн байдлаар үйлдвэрийн шугамуудыг жигдрүүлэх ажил явагдаж байна. Тээвэрлэлтийн хувьд 1000 орчим авто машин тээвэрлэлт хийж, өдөрт 1820 тонн шахмал түлшийг дундын болон бөөний цэгүүдэд хүргэж байна. Нэг өдөрт 250 цэгийн захиалга авч байгаа” гэв. Мөн онцгой комиссын гишүүд, дүүргүүдийн Засаг дарга нартай хамтран түлшгүй цэгүүдийг яаралтай түлшээр хангахаар нэмэлт тээвэрлэлтийг гаргасан талаар дуулгалаа.

Нийслэлийн Засаг дарга бөгөөд Улаанбаатар хотын Захирагч С.Амарсайхан дүүрэг хороодын Засаг дарга, хэсгийн ахлагч нарыг картаар дамжуулан түлшгүй цэгүүдийг яаралтай түлшээр хангахыг үүрэг болгоод,  нийслэлийн Онцгой комиссын гишүүдийг сайжруулсан түлшний хэрэглээний зөвлөмж зөвөлгөөг айл өрхүүдэд өгөх ажлыг эрчимжүүлж 24 цагаар хяналт тавьж ажиллахыг даалгалаа. Мөн улстөржүүлэлгүй ажлаа хийж, төрийн бодлого шийдвэрийг хэрэгжүүлэхийг  нийслэл, дүүргийн албан хаагчдад хатуу сануулав.

Нийслэлийн ЗДТГ-ын Хэвлэл мэдээлэлтэй харилцах хэлтэс

 

Санал болгох

Зөвшөөрөлгүй газар нутаглуулсан ЗУУН шарилыг чандарлаж нүүлгэн шилжүүллээ

Улаанбаатар хотын захирагчийн ажлын албанаас зөвшөөрөлгүй газарт оршуулсан шарилыг нүүлгэн шилжүүлэх ажлыг зохион байгуулж байна. Тухайлбал өнөөдөр СХД-ийн 21 хороо Шүлэг уулын энгэр, 26-р хороо Нарангийн энгэрийн оршуулгын газар болон Гүнтээс 100 гаруй хүний шарилыг чандарлан далан давхарын суваргад оршоолоо. Энэхүү ажлыг цаашид үргэлжлүүлэн зохион байгуулах бөгөөд нийслэлд одоогийн байдлаар 20 орчим байршилд зөвшөөрөлгүй шарил нутаглуулсан байна.

1 өдрийн өмнө
Ж.Батбаясгалан: Хууль бусаар газар сунгасан МҮИС-тай хатуу тэмцэнэ

Тухайлбал өнгөрсөн амралтын өдрүүдэд МҮИС, ЭХЭМҮТ-ийн хашааг нурааж газар руу нь дайрчээ. Төрийн байгууллагын хашааг нурааж хууль бусаар газар руу нь дайрсан ААН-д хугацаатай мэдэгдэл хүргүүлж, албадан буулгах арга хэмжээ авна гэдгийг НМХГ болон газрын албаны зүгээс мэдээллээ. 

3 өдрийн өмнө
2020-2021 оны өвөлжилтийн бэлтгэл хангах тухай асуудлыг хэлэлцэв

Нийслэлийн Засаг даргын зөвлөлийн өнөөдрийн хуралдаанаар 2020-2021 оны өвөлжилтийн бэлтгэл хангах тухай асуудлыг Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр танилцууллаа.

7 өдрийн өмнө