Хөдөө аж ахуйг дэмжих сангаас зээлээр мал олгохгүй

2019 оны 12 сарын 302019-12-30
Хөдөө аж ахуйг дэмжих сангаас зээлээр мал олгохгүй

 

Засгийн газрын тусгай сангийн тухай шинэ хуулийг нөгөөдрөөс мөрдөж эхэлнэ. Хуулийн дагуу Засгийн газар 22 тусгай сантай байх бөгөөд үр дүн тааруу ажилласан Тариалан эрхлэлтийг дэмжих сан, Мал хамгаалах санг татан буулгаж нэгтгэсэн талаар Сангийн сайд Ч.Хүрэлбаатар мэдээлсэн билээ. Нэгтгэсэн сангийн нэр нь Хөдөө аж ахуйг дэмжих сан юм.

Уг сан нь, газар тариалан, мал аж ахуй эрхлэх үйл ажиллагааг дэмжих зориулалттай бөгөөд төсвийн хөрөнгө, хандив, тусламж, өөрийн үйл ажиллагаанаас олсон орлого, зээлийн хүүгийн орлогоос санхүүжих юм.

Хөдөө аж ахуйг дэмжих сангийн хөрөнгийг дараах арга хэмжээг санхүүжүүлэхэд зарцуулна. Үүнд:

  • хөнгөлөлттэй зээлийг дараах зориулалтаар олгох;
  • усалгаатай тариаланг хөгжүүлэх, услалтын систем байгуулах, сэргээн засварлах;
  • таримал ургамлын үрийн аж ахуйг хөгжүүлэх;
  • хөдөө аж ахуйн техник, технологийн шинэчлэлт хийх.
  • тариалангийн газрыг нөхөн сэргээх, хөрсний үржил шимийг сайжруулах;
  • тариалангийн үйлдвэрлэл эрхлэгчээс стандартын шаардлага хангасан буудай худалдан авах, худалдах;
  • Хөдөө аж ахуйг дэмжих сангийн үндсэн хөрөнгөд засвар үйлчилгээ хийх;
  • бэлчээрийн даацыг тодорхойлох, мал оторлон өвөлжүүлэхтэй холбогдсон судалгаа явуулах;
  • худаг сэргээн засварлах, уст цэг шинээр гаргах;
  • Хөдөө аж ахуйг дэмжих сангийн үндсэн болон өр барагдуулахтай холбогдсон үйл ажиллагаа, үндсэн хөрөнгөтэй холбогдсон зардлыг санхүүжүүлэх.

Хуульд зааснаар Хөдөө аж ахуйг дэмжих сангаас мал, амьтныг зээлээр олгохыг хориглоно. Сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журмыг Засгийн газар батална. Хөнгөлөлттэй зээлийг банкны зохистой харьцааны шалгуур үзүүлэлтийг тогтмол ханган ажиллаж байгаа, орон нутагт салбартай банкаар дамжуулан олгоно.

Санал болгох

Хятадын эдийн засаг ба нааштай төлөв

Олон улсын валютын сангийн таамгаар 2020 онд дэлхийн эдийн засгийн өсөлт цар тахлын улмаас -4.9 хувьтай гарахаар байна. Эхний хагас жилийн байдлаар цар тахлын үзүүлсэн эдийн засаг дахь нөлөөлөл таамаглаж байснаас хүнд туссан, буцаж сэргэх явц ч таамагласнаас удаан байна гэжээ.[1]

14 өдрийн өмнө
Талх чихэр  ХК  818 сая төгрөгийн ашигтай ажиллажээ

Монголын хөрөнгийн биржид бүртгэлтэй аж ахуйн нэгжүүд энэ оны эхний хагас жилийн санхүүгийн тайлангаа ирүүлсээр байна. Тус биржиийн нэгдүгээр ангилалд бүртгэлтэй “Талх Чихэр” компани тайлант хугацаанд борлуулалт болон ашгийн хэмжээгээ өмнөх оны мөн үеийнхээс өсгөж чаджээ.

17 өдрийн өмнө
ОПЕК: Нефть олборлох хэмжээг өдөрт 7.7 сая баррель болгон буурууллаа

Нефьт экспортлогч орнуудын байгууллага буюу ОПЕК өчигдөр мэдэгдэл хийж, ОПЕК болон газрын тос олборлогч ОПЕК-ийн бус орнууд наймдугаар сараас эхлэн үйлдвэрлэлээ өдөрт 7.7 сая баррель болгон бууруулахаар тохиролцов.

1 сарын өмнө
Я.Содбаатар: Эм, эмнэлгийн хэрэгслийн шууд худалдан авалт хийх санал боловсруулна

Монгол Улсын Шадар сайд Я.Содбаатараар ахлуулсан цагдаа, онцгой, Cангийн яамны холбогдох албаныхнаас бүрдсэн Улсын онцгой комиссын бүрэлдэхүүн эрүүл мэндийн салбарын бэлтгэл, бэлэн байдлыг шалгалаа.

1 сарын өмнө