З.Энхболд: Зөвлөмжийг биелүүлэх албагүй, Ерөнхийлөгч өр тэглэнэ гэж амлаагүй

15
2020 оны 1 сарын 22020-01-02
З.Энхболд: Зөвлөмжийг биелүүлэх албагүй, Ерөнхийлөгч өр тэглэнэ гэж амлаагүй

 

Засгийн газрын 2019 оны зургадугаар сарын 12-ны хуралдаанаар Салхитын мөнгөний ордын лицензийг төрд хураан авч, “Эрдэнэс Монгол” компанид шилжүүлсэн. Үндэсний аюулгүй байдлын зөвлөлийг гадаад, дотоодод тэргүүлдэг Ерөнхийлөгч Х.Баттулга, “Салхитын мөнгөний ордоо эдийн засгийн эргэлтэд оруулах замаар тэтгэврийн зээлийг нэг удаа тэглэх тухай Үндэсний Аюулгүй байдлын зөвлөлийн гишүүд санал нэгдэн шийдвэр гаргасан” гэдгээ он солигдох мөчид мэдэгдэв.

Үндэсний аюулгүй байдлын тухай хуульд зааснаар Ерөнхийлөгч, УИХ-ын дарга, Ерөнхий сайдаас бүрддэг ҮАБЗ-ийн шийдвэр нь “зөвлөмж” хэлбэртэй. Зөвлөмж болон тэтгэврийн зээлийг тэглэх эсэх асуудлаар УИХ-ын дарга байсан одоогийн З.Энхболд Ерөнхийлөгчийн Тамгын газрын даргын хувиар өнгөрсөн онд мэдээлж байжээ.

2019 оны гуравдугаар сарын 26. УИХ-ын чуулганы хуралдаан. Шүүгчийн эрх зүйн байдлын тухай хуульд нэмэлт, өөрчлөлт оруулах тухай, Прокурорын тухай хуульд нэмэлт оруулах тухай, Авлигын эсрэг хуульд нэмэлт, өөрчлөлт оруулах тухай хуулийн төслүүд.

УИХ-ын гишүүн М.Билэгт: ҮАБЗ-ийн зөвлөмж хэрэгжихгүй бол ямар арга хэмжээ авах вэ гэдгийг З.Энхболд даргаас асууя.

ЕТГ-ын дарга З.Энхболд: Зөвлөмжийг биелүүлэхгүй бол яах ч үгүй. Тухайн байгууллагын Үндсэн хуулиар олгогдсон бүрэн эрхэнд Үндэсний аюулгүй байдлын зөвлөл халдахгүй. Тийм учраас зөвлөмж гэж нэрлэгддэг. Зөвлөмж өөрөө эрх бүхий байгууллагад санал болгож байгаа болохоос заавал биелэгдэх албагүй болчихоод байгаа юм. Зөвлөмж гаргаад л халаад л, зөвлөмж гаргаад л түдгэлзүүлээд л, зөвлөмж гаргаад л огцруулаад байдаг ийм эрх хэмжээ Үндэсний аюулгүй байдлын зөвлөлд угаасаа байхгүй ээ.

2019 оны нэгдүгээр сарын 31. УИХ-ын чуулганы хуралдаан. Монгол Улсын Ерөнхийлөгчийн үйл ажиллагааны тайлан.

УИХ-ын гишүүн О.Баасанхүү: Манай Ерөнхийлөгч нөгөө тэтгэврийн зээл, оюутны зээл, нөгөөдөх нь цалингийн зээлийг хэзээ тэглэх вэ. Одоо чадах уу, чадахгүй юу. Нэг мөсөн нэг талдаа гармаар байна л даа. Би тэгвэл чадахгүй гэж хэлсэн. Тодорхой сэдвүүдийг хаагаад хаагаад явчихмаар байна л даа. Очих болгонд иргэд асуудаг юм. Нөгөө энэ зээлийг Ерөнхийлөгчөөс асууж өгсөн үү. Өр тэглэнэ гэсэн. Үнэн болов уу гээд.

ЕТГ-ын дарга З.Энхболд: О.Баасанхүү гишүүн тэтгэврийн зээлийг Ерөнхийлөгч тэгнэ гэж амласан гэж цуурхал тараахаа одоо болих хэрэгтэй. Ардчилсан нам Ерөнхийлөгчийг нэр дэвшүүлсний хувьд захиа даалгавар өгсөн. Та Ерөнхийлөгч болбол энэ 3 их наяд орчим төгрөгийн зээлийг төлөх талаар ард түмэндээ туслаарай гэж. Ерөнхийлөгчийн байр суурь сонгогдохдоо байсан. Одоо ч хэвээрээ байгаа. Үндсэн хуулийн 6.1-д заасан байгалийн баялгийн ногдол ашгаас энэ зээл бол төлөгдөх боломжтой. Тэгэхдээ иргэддээ ногдол ашиг хуваарилснаар тухайлбал Засгийн газар цагаан сарын өмнө Тавантолгойн 720-иос 80 тэрбум төгрөгийн ногдол ашгаас 1072 хувьцааны ногдох ашиг тараахаар бас бодож байгаа юм шиг байгаа юм. Тэр тохиолдолд авсан ногдол ашгаараа зээлээ төлөх үү, одоо ямар зорилгоор ашиглах вэ гэдэг нь иргэдийн өөрийнх нь сонголт болох юм. Ийм маягаар явах бол бодлогын хувьд дэмжсэн хэвээрээ байгаа. Ерөнхийлөгч ямар нэгэн өөр эх үүсвэрээр зээл, зээлийн төлбөр хийх тухай бодоогүй. Тийм эрх ч Үндсэн хуулиар байхгүй.

Санал болгох

Төрөөс мөнгөний бодлогын талаар 2021 онд баримтлах үндсэн чиглэлийн төслийг УИХ-д өргөн барив

Улсын Их Хурлын дарга Г.Занданшатарт өнөөдөр (2020.09.25) Төрөөс мөнгөний бодлогын талаар 2021 онд баримтлах үндсэн чиглэлийн төслийг Монголбанкны ерөнхийлөгч Б.Лхагвасүрэн өргөн барив.

2 өдрийн өмнө
Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга Зэвсэгт хүчний Жанжин штабт ажиллалаа

Зэвсэгт хүчний удирдах бүрэлдэхүүний 2020 оны заах аргын цугларалтын нээлтэд оролцож, үг хэлэв.

3 өдрийн өмнө
СЕХ: Орон нутгийн сонгуулийн санал авах цаг богиноссон гэдгийг анхаарах хэрэгтэй

Орон нутгийн сонгуулийн бэлтгэл ажлын талаар СЕХ-ноос мэдээлэл хийлээ.

3 өдрийн өмнө
У.Хүрэлсүх: Цэргийн алба бол эр хүн, өрхийн тэргүүнийг бэлтгэдэг сайхан алба

Ерөнхий сайд У.Хүрэлсүх Батлан хамгаалах яаманд ажиллаж, Зэвсэгт хүчний удирдах бүрэлдэхүүний заах арга зүйн цугларалтад оролцож, нийт бие бүрэлдэхүүнд хандан үг хэлэв.

3 өдрийн өмнө