Бүх ахмадад 2.5 сая төгрөг олгохыг шаардаж жагсч байна

47
2020 оны 1 сарын 102020-01-10
Бүх ахмадад 2.5 сая төгрөг олгохыг шаардаж жагсч байна

 

УИХ-д суудалгүй Шударга иргэдийн нэгдсэн намын дарга Ж.Батзандан, Л.Болд нар Төрийн ордоны гадаа ахмадуудыг цуглуулан жагсаал хийж байна.


Тэд Тэтгэврийн зээлийг тэглэх тухай хуулийн төслийг эсэргүүцэж байгаа юм. Энэ талаар УИХ-ын гишүүн Ж.Батзандан "Бид баялгийн тэгш хуваарилалтыг дэмжиж байна. Зээл авсан ахмадуудад чихэр, зээл аваагүй ахмадуудад чихрийн цаас өгч болохгүй. Салхитын мөнгөний ордыг барьцаалан босгох 750 тэрбум төгрөгийг зөвхөн тэтгэврийн зээлийг тэглэхэд зарцуулах нь иргэдээ ялгаварлан гадуурхсан, Үндсэн хууль зөрчсөн хэрэг болно. ШИНЭ нам үүнийг бүх ахмадад тэгш хүртээх нь зүйтэй гэж үзэж бна. 1 ахмадад ойролцоогоор 2.5 сая төгрөг ногдоно." гэв.

УИХ-ын гишүүн Л.Болд, "Ахмадууд ихэвчлэн ХААН, Төрийн банкнаас тэтгэврийн зээлээ авсан байдаг. Үүнээс 500 тэрбум орчим төгрөгийг ХААН банкнаас авчээ. Өөрөөр хэлбэл, ахмадын тэтгэврийн зээлийг тэглэх нэрээр 500 гаруй тэрбум төгрөгийг Монголбанкнаас ХААН банк руу шууд шилжүүлж байгаа. Энэ нь хууль бус бизнесийн санаархал. Тэгэхээр энэ мөнгийг иргэдийн гар дээр шууд өгөх нь зүйтэй. Энэ хууль нь өөрөө Үндсэн хууль зөрчиж байгаа учраас Цэц дээр очоод унана. Ингээд л ахмадууд зээлтэйгээ үлдэж, мөнгө нь байхгүй болно. Үүнийг бид сонгуулийн шоу гэж хардаж байгаа. Төрийн гурван өндөрлөг МАНАН бүлэглэлтэй нэгдэж болохгүй. Та бүхэн гарын үсгээ зурцгаагаарай. Бид төр, засгийн удирдлагуудад гардуулж өгнө. Өндөр тэтгэвэртэй 10 мянган ахмад 100 тэрбум төгрөг авах гэж бна. Гэтэл 100 мянган бага тэтгэвэртэй, бага зээлтэй иргэн мөн адил 100 тэрбумыг авахаар бна. Зээл аваагүй бусад ахмад нь төрийн халамжийн гадна үлдэж болохгүй" гэв. 

Санал болгох

Төрөөс мөнгөний бодлогын талаар 2021 онд баримтлах үндсэн чиглэлийн төслийг УИХ-д өргөн барив

Улсын Их Хурлын дарга Г.Занданшатарт өнөөдөр (2020.09.25) Төрөөс мөнгөний бодлогын талаар 2021 онд баримтлах үндсэн чиглэлийн төслийг Монголбанкны ерөнхийлөгч Б.Лхагвасүрэн өргөн барив.

3 өдрийн өмнө
Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга Зэвсэгт хүчний Жанжин штабт ажиллалаа

Зэвсэгт хүчний удирдах бүрэлдэхүүний 2020 оны заах аргын цугларалтын нээлтэд оролцож, үг хэлэв.

3 өдрийн өмнө
СЕХ: Орон нутгийн сонгуулийн санал авах цаг богиноссон гэдгийг анхаарах хэрэгтэй

Орон нутгийн сонгуулийн бэлтгэл ажлын талаар СЕХ-ноос мэдээлэл хийлээ.

3 өдрийн өмнө
У.Хүрэлсүх: Цэргийн алба бол эр хүн, өрхийн тэргүүнийг бэлтгэдэг сайхан алба

Ерөнхий сайд У.Хүрэлсүх Батлан хамгаалах яаманд ажиллаж, Зэвсэгт хүчний удирдах бүрэлдэхүүний заах арга зүйн цугларалтад оролцож, нийт бие бүрэлдэхүүнд хандан үг хэлэв.

3 өдрийн өмнө