Ц.Нямдорж, Д.Лүндээцанцан нар 28 жил УИХ-д сууж байна

12
2020 оны 1 сарын 142020-01-14
Ц.Нямдорж, Д.Лүндээцанцан нар 28 жил УИХ-д сууж байна

 

Хэдхэн сарын дараа 2020 оны Улсын Их хурлын сонгууль болох гэж байна. Энэ удаагийн сонгуульд хэн, хэн нэр дэвших талаарх таамгууд хөвөрсөөр байна.

Мөн сонгууль бүрээр ёс юм шиг сонгогддог хэдэн гишүүд байдаг. Тухайлбал УИХ-ын гишүүн, Хууль зүй, дотоод хэргийн сайд Ц.Нямдорж МАН-аас жагсаалтаар болон тойргоос нийт долоон удаа УИХ-д сонгогдсон байна. Энэ нь 1992-2020 оны хугацаанд нийт 28 жил УИХ-ын гишүүн, Засгийн газрын гишүүний үүргийг давхар гүйцэтгэсэн байна.

Мөн УИХ-ын гишүүн Д.Лүндээжанцан 28 дахь жилдээ УИХ-ын гишүүнээр ажиллаж, давхар төрийн өндөр албан тушаалуудыг хашсан байна.

Харин МАН-ын гишүүн, УИХ-ын гишүүн Ч.Улаан, Н.Энхболд нар 20 жил УИХ-ын “тогоонд буцалж” мөн тэр хэмжээний сайдын албыг хашсан байдаг.

Үүний дараа дөрвөн сонгуулийн нүүрийг үзэж байгаа УИХ-ын гишүүн Б.Бат-Эрдэнэ, Д.Оюунхорол, Д.Тэрбишдагва, Ө.Энхтүвшин нар байгаа юм. Тэд парламентын танхимд 16 дахь жилдээ сууж байна.

Түүнчлэн Ц.Даваасүрэн, С.Бямбацогт, Г.Занданшатар, Ц.Мөнх-Оргил, Д.Хаянхярваа, Ч.Хүрэлбаатар, Б.Чойжилсүрэн, Ж.Энхбаяр, М.Энхболд нарын гишүүд УИХ-д гурвантаа сонгогдсон байна.

Харин Ардчилсан намаас Я.Санжмятав болон С.Эрдэнэ нар гурав дахь парламентийн нүүр үзэж байгаа бол УИХ-ын гишүүн Л.Болд Ардчилсан намаас дөрвөн удаа Их хуралд сонгогджээ.

Л.Болд гишүүн ШИНЭ намыг байгуулсан учраас энэ удаагийн сонгуульд шинэ улс төрийн хүчнээс өрсөлдөх нь лавтай. Харин дээрх эрхмүүд өөр, өөрсдийн намаас энэ удаагийн сонгуульд бүгд суудал горилж буй. Тэд энэ удаагийн сонгуульд дахиад сонгогдох уу? Өнгөрсөн 28 жилийн хугацаанд дээрхи эрхмүүд Монгол Улсад юу хийж бүтээсэн бэ гэдгийг уншигч та тунгаана биз ээ.

Ж.Ганцэцэг

Санал болгох

Ардчилсан намаас Өвөрхангай аймагт нэр дэвшигчид сумдад ажиллаж байна

Нэр дэвшигчид өнөөдөр Өвөрхангай аймгийн Бүрд, Есөн зүйл, Өлзийт сумдаар ажиллах юм.

2 цагийн өмнө
МАН-аас Өвөрхангай аймагт нэр дэвшигчид сонгуулийн хууль зөрчиж сурталчилгаа явуулжээ

УИХ-ын сонгуулийн сурталчилгаа албан ёсоор эхлээд 3 хонож байна. Сонгуулийн сурталчилгааны явцад хууль зөрчсөн тохиолдлууд гарч эхэллээ.

2 өдрийн өмнө
Ж.Эрдэнэбат нарт холбогдох эрүүгийн хэргийг шүүхэд шилжүүллээ

Яллагдагч Ж.Эрдэнэбат, Б.Отгонбаатар, Д.Ганбат, Д.Түвшинжаргал, С.Мандахбат нарт холбогдох эрүүгийн хэргийн урьдчилсан хэлэлцүүлгийн шүүх хуралдаан өнөөдөр өдрийн 11.00 цагт эхэлсэн.

3 өдрийн өмнө
МҮХАҮТ тэргүүтэй 17 ТББ, мэргэжлийн холбоод МАН-тай хүчээ нэгтгэв

МАН-ын мөрийн хөтөлбөрийг хэрэгжүүлэхэд хамтран ажиллах хүсэлтэй 100 орчим төрийн бус байгууллага, мэргэжлийн холбоод саналаа ирүүлсэн байна

3 өдрийн өмнө