Л.Энхболд гүний цэнгэг ус ашигладаг МАК, Страто тэргүүтэй зургаан уурхайг зарлав

2
2020 оны 1 сарын 152020-01-15
Л.Энхболд гүний цэнгэг ус ашигладаг МАК, Страто тэргүүтэй зургаан уурхайг зарлав

 

УИХ-ын гишүүн Л.Энхболд, А.Сүхбат, О.Батнасан, Х.Болорчулуун, Б.Энх-Амгалан, Л.Мөнхбаатар нарын таван гишүүн Усны тухай хууль болон бусад хуульд нэмэлт өөрчлөлт оруулах тухай хуулийн төслийг санаачилсан.

Өчигдөр УИХ-ын Байгаль орчин, хүнс хөдөө аж ахуйн байнгын хороо төслийг хэлэлцэж дэмжсэн. Энэ талаар хууль санаачлагч Л.Энхболд,ын өнгөрсөн онд хэлсэн үг анхаарал татдаг.

Тэрээр “Усыг газрын доорх ус буюу гадаргын ус гэж хоёр ангилдаг. Дэлхийн чиг хандлага бол 80 гаруй хувь нь газрын доорх усаа ашиглах биш 20 орчим хувийг л уул уурхайн үйлдвэрлэлийн зориулалтаар ашиглаж байгаа юм байна. Тэгвэл манайх харин эсрэгээр 80 орчим хувь нь газрын доорх уснаасаа ашиглаж байгаа юм байна. Тэгвэл манай газрын доорх усны нөөц өөрөө нийт Монгол Улсын усны нөөцийн 1.9 хувийг эзэлдэг юм байна. Тийм учраас энэ хууль бол агуулга нь ингэж орж ирж байгаа. Газрын доорх цэнгэг усыг уул уурхайн үйлдвэрлэлийн зориулалтаар ашиглахыг хориглосон заалт оруулж ирлээ. Газрын доорх усыг цэнгэг ус гэж юуг хэлж байгаа вэ гэвэл 0.5-аас доош эрдэстэй усыг цэнгэг ус гэнэ гэж стандарт тогтоосон. Бид нар цэнгэг усныхаа ордын тоо хэмжээг авсан. Байгаль орчин, аялал жуулчлалын яамнаас. Нийтдээ 26 цэнгэг орд байдаг юм. Эндээс уул уурхайн зориулалтаар ашиглаж байгаа орд бол 5, 6 ордын нэрс ирсэн. Тэгэхээр энэ 5, 6 ордыг бид нар бодох уу, Монгол Улсынхаа хүн амын ундны усыг хамгаалах уу? Нэгэнт одоо Монгол Улсын газар доорх усны нөөцийнхөө дөнгөж 1.9 хувьд байгаа тэр газрын доорх усаа хамгаалж авч үлдэх үү гэдгийг өөрөө харьцуулж үзэх хэрэгтэй байна. Тийм учраас ирсэн судалгаагаар бол 6 уул уурхайн компани одоо ашиглаж байгаагаар ирсэн байна. Энэ дээр бол одоо Баруун голын орд буюу Гурван тэс суманд оршдог Жавхлант орд гэдэг юм уу. Баруун овоо суманд нүүрс угаах үйлдвэр Зайрмагтайн орд гэдэг юм уу, Чойрт одоо Баянтээл суманд байдаг Чойр хайрхан гэдэг Ногоон тойром гэж нүүрсний орд байна. Энэ Цагаан цавын Мандах суманд МАК-ынх байна. Шивээ-Овоогийн Страто ХХК гэсэн ийм нэг 5, 6 ордын нэрс л ирсэн. Жишээ татахад Балга усны улаан нуурыг 2011 онд Засгийн газрын 237 дугаар тогтоолоор уул уурхайн зориулалтаар ашиглахаар ингээд заагаад өгсөн байна шүү дээ” гэж байв.

Санал болгох

Ч.Хүрэлбаатар ₮3.8 их наядын алдагдалтай төсвийн тодотголын төслийг өргөн барьжээ

Засгийн газрын санхүүгийн нэгтгэсэн тайланд дурдсанаар нийт 67.2 их наяд төгрөгийн хөрөнгө, 33.2 их наяд төгрөгийн өр төлбөр байна

5 цагийн өмнө
ЗГХЭГ-ын дарга Л.Оюун-Эрдэнэ Засгийн газрын 2020-2024 оны үйл ажиллагааны хөтөлбөрийн төслийг өргөн барилаа

Монгол Улсын сайд, Засгийн газрын Хэрэг эрхлэх газрын дарга Л.Оюун-Эрдэнэ өнөөдөр (2020.08.14) “Монгол Улсын Засгийн газрын 2020-2024 оны үйл ажиллагааны хөтөлбөр батлах тухай”  болон “Монгол Улсыг 2021-2025 онд хөгжүүлэх таван жилийн үндсэн чиглэлийг батлах тухай” Улсын Их Хурлын тогтоолын төслүүдийг Улсын Их Хурлын дарга Г.Занданшатарт өргөн мэдүүллээ.

5 цагийн өмнө
Хятад иргэнтэй гэр бүл болсон монгол иргэд тус улс руу буцах хүсэлтээ ГХЯ-д гаргажээ

БНХАУ-д зорчих хүсэлт гаргасан Монгол Улсын 170 гаруй иргэний хүсэлтийг Гадаад харилцааны яам хүлээн авчээ.

11 цагийн өмнө
Саудын Арабаас зургаан иргэнээ авчрахад дэмжлэг хүслээ

Гадаад харилцааны сайд Н.Энхтайван эх орондоо ирэх хүсэлт гаргасан Саудын Араб-д байгаа зургаан монгол хүнийг авчрахад шаардлагатай тусламж дэмжлэг үзүүлэхийг хүсэв.

12 цагийн өмнө