БНХАУ-ын иргэдтэй хамт зорчсон Монголын 17 иргэнийг ХӨСҮТ-д тусгаарлав

2020 оны 1 сарын 232020-01-23
БНХАУ-ын иргэдтэй хамт зорчсон Монголын 17 иргэнийг ХӨСҮТ-д тусгаарлав

 

Улаанбаатар төмөр замын төв буудлын галт тэрэгнээс өнөөдөр Монгол Улсын 17 иргэнийг эмч нар тусгаарлан Халдварт өвчин судлалын үндэсний төвд хүргэлээ. Тэд коронавирусийн халдвартай байж болзошгүй БНХАУ-ын найман иргэнтэй хамт нэг галт тэргэнд сууж явсан юм байна. Халдвартай байж болзошгүй БНХАУ-ын иргэнийг Эрээн хотод тус улсын эмч нар тусгаарлан авч үлдэж, эмчилгээ хийж байгаа юм.

ЭМЯ-наас мэдээлснээр нэгдүгээр сарын 10-наас эхлэн БНХАУ, Хонконгоос онгоцоор ирсэн халуурсан, ханиалгасан, амьсгалын замын халдварын сэжигтэй зургаан хүнийг ХӨСҮТ-д түр тусгаарлан, онош тодруулах шинжилгээ хийж, шинэ коронавирусын халдварыг үгүйсгэсэн байна. Өөрөөр хэлбэл, уг вирусээр өвчилсөн нь тогтоогдсон хүн албан ёсоор Монгол Улсад байхгүй юм.

Харин БНХАУ-ын Үхань, Манжуур, Эрээн хотод тус өвчний вирусээр халдварласан хүмүүс байгаа гэдгийг албаныхан хэлж байна. Үхань хот нийтийн тээврийн болон зорчигч тээврийн хөдөлгөөнийг зогсоож, хөл хорио тогтоогоод байна.

 

 

Санал болгох

Төв талбайн жагсагчид дундаас COVID-19-ийн сэжигтэй тохиолдол илэрчээ

Ийнхүү жагсаж байсан иргэд дундаас коронавирусийн сэжигтэй тохиолдол илэрсэн бөгөөд иргэд дунд халдвартай иргэний хавьтал байгаа аж. Иймд яг одоо Төв талбайг цагдаагийн хамгаалалтад авч, иргэдээс шинжилгээ авах ажлыг зохион байгуулж байна.

9 цагийн өмнө
Б.Энхбаяр: Монголын бүх шүүгчийг томилох Ерөнхийлөгчийн эрх хэвээрээ байгаа

УИХ дахь МАН-ын бүлэг Шүүхийн тухай хуульд тавьсан Монгол Улсын Ерөнхийлөгчийн хоригийг хүлээж авах боломжгүй гэсэн шийдвэр гаргасан. Энэ талаар өнөөдөр УИХ-ын Хүний эрхийн дэд хорооны дарга Б.Энхбаяр гишүүн мэдээлэл хийлээ. Тэрээр Шүүхийн тухай хуулийн ажлын хэсгийг ахалсан юм. Түүний хэлсэн үгийг бүрэн эхээр нь хүргэе.

14 цагийн өмнө
Ө.Шижир: АТГ-ын даргыг Ерөнхий сайд санал оруулах хуулийн төсөлд хэсэгчилсэн хориг тавьсан

Монгол Улсын Ерөнхийлөгч Х.Баттулга “Авлигатай тэмцэх газрын даргыг Ерөнхий сайдын санал болгосноор УИХ томилгооны сонсгол хийж 6 жилийн хугацаагаар томилно” гэсэн хэсэгт хэсэгчилсэн хориг тавьсан. Уг асуудалтай холбоотойгоор Ерөнхийлөгчийн тамгын газрын дарга Ө.Шижир мэдээлэл хийж байна. 

17 цагийн өмнө
УИХ-ын гишүүн С.Ганбаатар өлсгөлөн зарлаж байна

Тэрбээр өнөөдөр өглөөнөөс эхлэн төв талбайд өлсгөлөн зарлаж буй бөгөөд Монгол Улсын Засгийн газар Оюу толгойтой холбоотой асуудалд санаачилга гарган оролцохгүй байгааг шүүмжилж байгаа юм. 

17 цагийн өмнө