"Оюу толгой" компани "Түншлэл 2019" нээлттэй өдөрлөг зохион байгууллаа

9.4 зуу
3 сарын өмнө
"Оюу толгой" компани "Түншлэл 2019" нээлттэй өдөрлөг зохион байгууллаа

Монгол Улс, Өмнөговь аймаг

Өмнөговь аймгийн ЗДТГ, Хөдөлмөр халамжийн үйлчилгээний газар, “Оюу толгой” компани хамтран Даланзадгад хотноо ээлжит нээлттэй өдөрлөгөө зохион байгууллаа. “Түншлэл 2019” өдөрлөгийг нээн Өмнөговь аймгийн Засаг дарга Н.Наранбаатар үг хэлэхдээ 2018 онд “Оюу толгой” компани орон нутгийн худалдан авалт, ханган нийлүүлэлтийн ажлын хүрээнд Өмнөговь аймгаас 126 сая ам.долларын худалдан авалт хийснийг онцлов. Энэ үеэр Өмнөговь аймаг, “Оюу толгой” ХХК 2019 - 2021 оны хөдөлмөр эрхлэлтийг дэмжих ажлын хэсгийн стратегийг баталсан нь орон нутгийн иргэдийн хувьд ихээхэн ач холбогдолтой үйл явдал байлаа.

Өдөрлөгт “Оюу толгой” компанийн томоохон хэлтэс албад, тус компанийн гэрээт, туслан гүйцэтгэгч 26 компани оролцож үйл ажиллагаагаа танилцуулав. “Оюу толгой” ХХК болон туслан гүйцэтгэгч компаниудын зарлаад буй ажлын байруудыг танилцуулсны зэрэгцээ техник, мэргэжлийн сургалтуудын тал аарх мэдээллийг хүргэсэн юм. Мөн өдөрлөгийн үеэр иргэд аюулгүй ажиллагааны үзүүлэн таниулах сургалт , гүний уурхайн виртуал орчны танилцуулгад сууж, Оюу толгойн уурхайн үйл ажиллагаа, байгаль орчны чиглэлээр хийж буй ажлуудын талаарх онцлох мэдээллийг авсан. “Оюу толгой” компани Өмнөговь аймаг, Ханбогд сумтай 2015 оны 4 дүгээр сарын 22 - ны өдөр “Хамтын ажиллагааны гэрээ” байгуулж, хамтын ажилл агааны хэв зарчмаа тогтсон байдаг. Уг гэрээгээ хэрэгжүүлэх зорилгоор “Говийн Оюу хөгжлийг дэмжих сан” -г мөн оны есдүгээр сард байгуулсан.

Түншлэгч сумдын иргэд, удирдлагуудад бизнесийн үйл ажиллагаагаа танилцуулан, хамтын түншлэлээ улам бэхжүүлэх зорилгоор гуравдахь жилдээ Нээлттэй өдөрлөг зохион байгуулж буй нь энэ юм. “Оюу толгой” компани “Говийн Оюу хөгжлийг дэмжих сан” -гаар дамжуулан жил бүр 5 сая ам долларыг Өмнөговь аймгийн тогтвортой хөгжил, иргэдийн сайн сайхан амьдралыг дээшлүүлэхэд чиглэсэн төсөл хөтөлбөрүүдийг санхүүжүүлэхэд зориулдаг билээ. Өнгөрсөн хугацаанд сангаас нийт 36.7 тэрбум төгрөгөөр 78 төсөл хөтөлбөр санхүүжүүлэн хэрэгжүүлээд байна. Төсөл хөтөлбөрийг орон нутгийн захиргаа, иргэд өөрсдөө санал болгож, хамтран хэрэгжүүлдгээрээ онцлог.

Санал болгох

Улсын начин Д.Анар зургаа давж, Улсын харцага цолны болзол хангалаа

Үндэсний их баяр наадмын хүчит бөхийн барилдааны зургаагийн даваанд 16 бөх барилдаж, хүч чадлаа сорилоо. Дорнод аймгийн харьяат, улсын начин Д.Анар зургаа давж, Улсын харцага цолны болзол хангаад байна.

3 өдрийн өмнө
 Тавын даваа өндөрлөж, таван бөх улсын начин цолны болзол хангалаа

Үндэсний их баяр наадмын хүчит бөхийн барилдааны тавын даваа өндөрлөж, таван бөх улсын начин цолны болзол хангалаа.

3 өдрийн өмнө
Онцгой байдлын байгууллагын алба хаагчдад Төрийн дээд одон, медаль гардууллаа

Монгол Улсын Ерөнхийлөгчийн  2019 оны 07 дугаар сарын 06-ны өдрийн 127 дугаар тушаалаар Тулгар төрийн 2228, Их Монгол Улсын 813, Ардын хувьсгалын 98 жилийн ой, Үндэсний их баяр наадмыг тохиолдуулан Онцгой байдлын байгууллагад олон жил үр бүтээлтэй ажиллаж байгаа алба хаагчдад Төрийн дээд одон, медаль гардууллаа.

3 өдрийн өмнө