Зэвсэгт хүчний олимп эхэллээ

2019 оны 5 сарын 172019-05-17
Зэвсэгт хүчний олимп эхэллээ

Зэвсэгт хүчний олимп гэгддэг, сургалт, бэлтгэлийн дээд шалгуур болсон Зэвсэгт хүчний аварга шалгаруулах марш-тусгай бэлтгэлийн цогцолбор тэмцээн, оны мэргэжлийн аварга шалгаруулах тэмцээний нээлтийн ажиллагаа энэ сарын 13-ны өдөр Зэвсэгт хүчний Сургалтын нэгдсэн төвд боллоо. Өнөө жилийн тэмцээнд Зэвсэгт хүчний 40 шахам ангийн 2000 гаруй баг, тамирчин хурд хүч, авхаалж самбаагаа сорин өрсөлдөхөөр бэлтгэлээ базаажээ. Энэхүү үзүүлэлт нь тэмцээний цар хүрээ урьд жилүүдийнхээс улам тэлж, оролцогчдын тоо нэмэгдэж буйг харуулж байгаа юм. ЗХЖШ-ын дарга, хошууч генерал А.Ганбат тэмцээнийг нээж, баг тамирчдад амжилт хүсэж хэлсэн үгэндээ цэргийн алба хаагчдын бие бялдар-сэтгэл зүйн бэлтгэлийг дээшлүүлэхэд нийтийн биеийн тамир, цэрэгжлийн спортын ач холбогдол чухал болохыг дурдаад, тэмцээнд оролцогчдын тоо жилээс жилд нэмэгдэж, цар хүрээ нь өргөжин тэлж байгаад сэтгэл хангалуун байгаагаа илэрхийлсэн юм. Тэмцээн хугацаат цэргийн алба хаагчдын гардан тулааны болон жагсаалын үзүүлэх тоглолтоор ийнхүү эхлэв.

 

Санал болгох

Үндэсний их баяр наадмын хязаалан насны морьдын уралдааныг хойшлууллаа

Мөн Төв аймагт Хязаалан, Шүдлэн насны хурдан морины өнөөдрийн уралдааны гарааны зурхайд гарах цагийг тодорхойгүй хугацаагаар хойшлуулж байгааг Төв аймгийн баяр наадмын Хурдан морины уралдаан зохион байгуулах салбар хорооноос мэдэгджээ. 

8 цагийн өмнө
Үндэсний их баяр наадмын ХӨТӨЛБӨР

Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний их баяр наадмын хөтөлбөрийг хүргэж байна. 

8 цагийн өмнө
Наадмын өдрүүдэд Нарантуул, Хархорин, Да хүрээ зэрэг худалдааны төвүүд амарна

Энэ жил Нарантуул, Хархорин, Да хүрээ зэрэг худалдааны төв наадмын өдрүүдэд буюу долдугаар сарын 11-15-нд амарч, 16-наас эхлэн ердийн цагийн хуваарир ажиллахаар болжээ. Харин Бөмбөгөр худалдааны төв хамгийн урт хугацаанд амрах бөгөөд энэ сарын 11-20-нд амрахаар төлөвлөсөн байна. Үндэсний их баяр наадмын өдрүүдэд томоохон сүлжээ дэлгүүрүүд амрахгүйгээр, ердийн цагийн хуваариар ажиллах юм.

8 цагийн өмнө
СЭРЭМЖЛҮҮЛЭГ: Наадмын өдрүүдэд дуу цахилгаантай бороотой

Цаг уурын байгууллагаас ирүүлсэн мэдээллээр баяр, наадмын өдрүүдээр буюу 7 дугаар сарын 10-нд төв, зүүн аймгуудын ихэнх нутаг, баруун болон говийн аймгуудын нутгийн зарим газраар 11, 12-нд баруун болон зүүн аймгуудын ихэнх нутаг, төв, говийн аймгуудын нутгийн зарим газраар, 13-нд ихэнх нутгаар дуу цахилгаантай, бороо орох төлөвтэй байна.

9 цагийн өмнө