Улаанбурхан, улаанууд өвчний эсрэг вакциныг хүлээлгэн өгөв

2019 оны 5 сарын 152019-05-15
Улаанбурхан, улаанууд өвчний эсрэг вакциныг хүлээлгэн өгөв

НҮБ-ын Хүүхдийн сангаас нийлүүлж байгаа  577 мянган хүн/тун вакциныг хүлээн авах ёслол ХӨСҮТ-ийн Вакцин биобэлдмэлийн төв агуулахад боллоо. Нийтдээ 500 мянган ам,долларын үнэ бүхий вакцин, тариур, аюулгүй хайрцаг гэх мэт зүйлсийг хүлээн авах баримт бичигт Эрүүл мэндийн сайд Д.Сарангэрэл, НҮБ-ын Хүүхдийн сангийн Суурин төлөөлөгч Алекс Хайкенс нар гарын үсэг зурлаа.

Энэ вакцинаар “Улаанбурханд цэг тавья” уриан дор 2019 оны тавдугаар сарын 15-аас 25-ны өдрүүдэд улсын хэмжээнд зохион байгуулах нэмэлт дархлаажуулалтын үеэр Баян-Өлгий, Баянхонгор, Говь-Алтай, Завхан, Увс, Ховд аймгийн 5-18 насны, бусад аймаг, нийслэлийн 10-18 насны хүүхдүүдийг дархлаажуулах юм.

Монгол Улсын Засгийн газар, НҮБ-ын Хүүхдийн сангийн хамтын ажиллагаа 50 гаруй жилийн баялаг түүхтэй бөгөөд дархлаажуулалтын чанартай үйлчилгээг хүүхэд бүрт хүргэх, товлолын дархлаажуулалтад ДЭМБ-ын шаардлагад нийцсэн чанартай вакциныг хямд үнээр худалдан авах, вакцин биобэлдмэлийн хүйтэн хэлхээний тоног төхөөрөмжөөр хангах чиглэлээр хамтран ажиллаж байгааг  Эрүүл мэндийн сайд Д.Сарангэрэл хэлсэн үгэндээ дурдаад улаанбурхан өвчний дэгдэлтийн болзошгүй нөхцөл байдал үүсээд байгаа энэ үед шаардагдах юакцин, тариур, аюулгүй хайрцгийг нийлүүлж байгаад нь талархал илэрхийлэн, цаашид хамтын ажиллагаагаа өргөжүүлэх хүсэлтэй байгаагаа илэрхийллээ.

Вакцин, дагалдах хэрэгслийг гардуулах ёслолд ХӨСҮТ-ийн Ерөнхий захирал Д.Нямхүү болон ЭМЯ-ны газар хэлтсийн дарга нар, ХӨСҮТ-ийн удирдлага алба, нэгжийн нар оролцлоо.

Санал болгох

Нийслэлийн хэмжээнд Гал түймрээс урьдчилан сэргийлэх зорилгоор хөдөлгөөнт эргүүл ажиллаж байна

Өнөөдөр Нийслэлийн хэвлэл мэдээллийн төвд Ой хээрийн түймрээс урьдчилан сэргийлэх арга хэмжээний талаар НЭМГ-ын Эмнэлгийн тусламжийн хэлтсийн дарга М.Мөнхдэлгэр, НБОГ-ын Ойн хэлтсийн дарга Б.Болортуяа, НОБГ-ын Гамшгийн шуурхай удирдлагын хэлтсийн дарга Э.Эрдэнэбаатар нар мэдээлэл хийлээ.

5 минутын өмнө
Халдвартай 21 хүн зэрэг эдгэрсэнд баярлаж, ЭМЯ-нд машин бэлэглэжээ

Өнөө өглөө ЭМЯ коронавирусийн дахин нэг тохиолдол нэмэгдсэн тухай мэдээлсэн. Мөн 21 иргэн эдгэрсэн сайхан мэдээ дуулгасан.

41 минутын өмнө
Улаанбаатар-Арвайхээр чиглэлийн авто замын засварыг энэ сард эхлүүлнэ

Баруун аймгуудыг нийслэл хоттой холбодог гол авто замын сүлжээ Улаанбаатар-Арвайхээр чиглэлийн авто замын хэсэг болох Хүйтний хөндий-Арвайхээрийн 57.56 километр авто замын их засварын ажлыг энэ сард эхлүүлэх гэж байна

1 цагийн өмнө
Н.Энхбаярын нэхэмжлэлтэй шүүхийн урьдчилсан хэлэлцүүлэг хойшиллоо

Урьдчилсан хэлэлцүүлгийн үеэр нэхэмжлэгч талаас шинэ нотлох баримт гаргуулах ЦЕГ-т гаргасан шаардлагыг нэмэгдүүлсэн тул холбогдох ажиллагааг явуулахаар урьдчилсан хэлэлцүүлгийг хойшлууллаа.

1 цагийн өмнө