Шунхлай группийн 8 компани “ТОП-100”-д шалгарлаа

2019 оны 5 сарын 172019-05-17

Монгол Улсын Засгийн газар, Монголын үндэсний худалдаа аж үйлдвэрийн танхим хамтран жил бүр нийгэм, эдийн засагт жинтэй хувь нэмэр оруулсан “Топ 100” аж ахуйн нэгжийг шалгаруулдаг уламжлалтай. “Топ 100” аж ахуйн нэгжүүдийг эрэмбэлэхдээ ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилдаг.

2018 онд амжилт, бүтээлээрээ тэргүүлсэн шилдэг аж ахуйн нэгжүүдийг тодруулах үйл ажиллагаа энэ сарын 17-нд Төрийн ордонд болж, Шунхлай группийн 8 компани шилдэг аж ахуйн нэгжээр шалгарч, бахдам амжилт үзүүллээ. Мөн групп компаниудын шалгаруултанд Шунхлай групп 7 компанийн үзүүлэлтээрээ оролцож, Монгол Улсын хэмжээнд шилдэг 5-д эрэмбэлэгдэж, өнгөрсөн оны амжилтаа хадгалж чадлаа.

Шилдэгт багтсан Шунхлай группийн 8 компани нь нийт 2700 гаруй ажилтантай бөгөөд 2018 оны борлуулалтын хэмжээ 1,67 их наяд төгрөг, улсад төлсөн татвар хураамжийн хэмжээ нь 348 тэрбум төгрөгт хүрч байна.

2018 ОНЫ “ТОП 100” ЖАГСААЛТАД “ШУНХЛАЙ ГРУПП”-ИЙН КОМПАНИУД:

Монгол улсын ууган компаниудын нэг болох “Шунхлай групп” нь 1993 онд бизнесийн гараагаа эхэлж, өнөөдрийн байдлаар бизнесийн 5 чиглэлд 20 орчим охин болон хараат компанид 4000 орчим ажилтан ажиллагсадтай Монголын тэргүүлэх групп компанийн нэг болтлоо өргөжин тэлжээ.

Тус групп нь үүсэн байгуулагдсан цагаасаа хойш Монгол Улсын татварын хууль тогтоомжоор хүлээсэн үүргээ тогтмол биелүүлж, улс орон нутгийн төсөв бүрдүүлэхэд хувь нэмрээ оруулж, иргэдийг тогтвортой ажлын байраар хангаж, нийгмийн өмнө хүлээсэн хариуцлагаа чандлан биелүүлж ирсэн билээ.

Сүүлийн 5 жилийн хугацаанд “Топ-100” аж ахуйн нэгжийн борлуулалтын орлого өссөөр буй бөгөөд 2017 оны тоо баримтаар 25,5 их наяд төгрөгт хүрсэн нь Монгол Улсын дотоодын нийт бүтээгдэхүүний 93.7 хувийг эзэлж байна.

 

 

Санал болгох

Хятадын эдийн засаг ба нааштай төлөв

Олон улсын валютын сангийн таамгаар 2020 онд дэлхийн эдийн засгийн өсөлт цар тахлын улмаас -4.9 хувьтай гарахаар байна. Эхний хагас жилийн байдлаар цар тахлын үзүүлсэн эдийн засаг дахь нөлөөлөл таамаглаж байснаас хүнд туссан, буцаж сэргэх явц ч таамагласнаас удаан байна гэжээ.[1]

7 өдрийн өмнө
Талх чихэр  ХК  818 сая төгрөгийн ашигтай ажиллажээ

Монголын хөрөнгийн биржид бүртгэлтэй аж ахуйн нэгжүүд энэ оны эхний хагас жилийн санхүүгийн тайлангаа ирүүлсээр байна. Тус биржиийн нэгдүгээр ангилалд бүртгэлтэй “Талх Чихэр” компани тайлант хугацаанд борлуулалт болон ашгийн хэмжээгээ өмнөх оны мөн үеийнхээс өсгөж чаджээ.

11 өдрийн өмнө
ОПЕК: Нефть олборлох хэмжээг өдөрт 7.7 сая баррель болгон буурууллаа

Нефьт экспортлогч орнуудын байгууллага буюу ОПЕК өчигдөр мэдэгдэл хийж, ОПЕК болон газрын тос олборлогч ОПЕК-ийн бус орнууд наймдугаар сараас эхлэн үйлдвэрлэлээ өдөрт 7.7 сая баррель болгон бууруулахаар тохиролцов.

23 өдрийн өмнө
Я.Содбаатар: Эм, эмнэлгийн хэрэгслийн шууд худалдан авалт хийх санал боловсруулна

Монгол Улсын Шадар сайд Я.Содбаатараар ахлуулсан цагдаа, онцгой, Cангийн яамны холбогдох албаныхнаас бүрдсэн Улсын онцгой комиссын бүрэлдэхүүн эрүүл мэндийн салбарын бэлтгэл, бэлэн байдлыг шалгалаа.

23 өдрийн өмнө