“Хан-Уул дүүрэг “Бойжуулах байр”-тай боллоо

1.3 мянга
21 өдрийн өмнө
 “Хан-Уул дүүрэг “Бойжуулах байр”-тай боллоо

            Хан-Уул дүүргийн Засаг даргын 2017-2020 оны үйл ажиллагааны хөтөлбөрийн хүрээнд Жижиг дунд үйлдвэрлэлийг дэмжих төв үйлдвэрлэл эрхлэгчдийн “Бойжуулах байр”-тай болжээ.

Тус төвийн үйл ажиллагааны талаар Жижиг дунд үйлдвэрлэлийг дэмжих төвийн дарга Н.Дорждулам болон ажлын байртай болсон оёдолчид сэтгэгдэлээ илэрхийллээ.  Бид бүхний хийж, бүтээхийг зорьж, мөрөөдөж байсан ажлын нэг. Бид бүхний зорилго, мөрөөдөл болсон “Бойжуулах байр” маань ийнхүү бий болж, нээлтээ хийж байгаад туйлын их баяртай байна.

Дүүргийн иргэд, тэр тусмаа зорилтот өрхийн иргэд, өрх толгойлсон эмэгтэйчүүд болон залуу бизнес эрхлэгчдийг ажлын байртай болгох, амьдрал ахуйг нь дээшлүүлэх зорилтын дор бүтээн байгуулагдсан “Бойжуулах байр”-нд нийт 12 бойжигч, тэр дундаа зорилтот өрхийн 3 иргэн үйл ажиллагаа явуулж байгаа бөгөөд эдгээр баялаг бүтээгчид байртай байгаагаа илэрхийллээ. Манай Жижиг дунд үйлдвэрлэлийг дэмжих төвийн зүгээс цаашид эдгээр үйлдвэрлэл эрхлэгчиддээ ажлын захиалга олж өгөх, үйлдвэрлэлийг нь тасруулахгүй үргэлжлүүлэх зорилт тавин ажиллаж байна. 

            Бойжигч: Оёдлын технологич Инженер, мастер оёдолчин, МУ-ын зөвлөх багш С.Бадамханд: Та бүхэнд энэ өдрийн мэндийг хүргэе ээ. Биднийг “Бойжуулах байр”-аар хангаж, ийм сайхан боломжийг олгож байгаа дүүргийн удирдлагууд болон Жижиг дунд үйлдвэрлэлийг дэмжих төвийн дарга Н.Дорждуламдаа маш их баярлалаа.  Бид энд ирээд ажлын байрнаас гадна олон төрлийн сургалтад хамрагдаж, дүүргийнхээ бусад Жижиг дунд үйлдвэрлэл эрхлэгчиддээ үлгэрлэж, манлайлах боломж бүрдээд байна.

Би оёдлын технологи, арга ухааны ном гаргаж, оёдлыг үндэс сууриас нь эхэлж судалсан хүн. Энд байгаа бусад оёдолчиддоо өөрийн ажлын туршлага, оёдлын арга барилыг зааж, сургах бүрэн боломжтой юм.  

            Бойжигч: Ноос, ноолууран эдлэлийн сүлжигч Д.Пүрэвцэцэг: Энэ өдрийн мэндийг хүргэе. Би ноос, ноолууран эдлэлээр юм хийдэг. Гэрээрээ 5 жил үйлдвэрлэл эрхэлж байна.

“Бойжуулах байр”-нд ирээд ахмад оёдолчдоосоо суралцаж, залуу оёдолчидтойгоо санаа нийлэн, нэгэн баг хамт олон болоод үйлдвэрлэл явуулж байгаадаа туйлын их баяртай байна. Энэ бойжуулах байрыг бүтээн байгуулахад маш олон хүний сэтгэл шингэсэн. Бидний үеийн залуу хүмүүст ажлын байр түрээслээд үйлдвэрлэл явуулахад маш хүндрэлтэй байдаг. Бидэнд үнэ төлбөргүй ажлын байртай болох боломж олгосонд баяртай байна хэмээлээ.

Хан-Уул дүүргийн Жижиг дунд үйлдвэрлэлийг дэмжих төвийн “Бойжуулах байр” нь үйлдвэрлэл эрхлэгчдээс талбайн түрээс, урсгал зардлын төлбөр авахгүйгээр “Үнэ төлбөргүй”-ээр байрлаж, ажиллах боломж олгож байгаагаараа онцлог юм байна.

  

“Бойжуулах байр”-нд одоогийн байдлаар оёдол эсгүүр, ноос ноолууран эдлэлийн чиглэлээр үйл ажиллагаа явуулдаг жижиг дунд үйлдвэрлэл эрхлэгчид хамрагдаад байна. Эдгээр үйлдвэрлэл эрхлэгчид нь мэргэжил, ур чадварын шалгалт өгч, тэнцсэн тохиолдолд 6-12 сарын гэрээ байгуулан үйл ажиллагаагаа явуулна гэх нөхцөлтэй юм байна.    

            Жижиг дунд үйлдвэрлэл эрхлэгчид “Бойжуулах байр”-нд хамрагдснаар дан ганц ажлын байраар хангагдаад зогсохгүй хууль эрх зүй, хөдөлмөрийн аюулгүй байдал, эрүүл ахуйн болон хувь хүний хөгжлийн олон сургалтад хамрагдаж давхар өөрсдийгөө хөгжүүлэх боломжтой ажээ.

            Бизнесийн үйл ажиллагаа явуулж байгаа жижиг, дунд үйлдвэрлэл эрхэлдэг иргэд, аж ахуй нэгжийн өмнө Хан-Уул дүүргийн Жижиг дунд үйлдвэрлэлийг дэмжих төвийн үүд хаалга үргэлж нээлтэй хэмээн зохион байгуулагч нарын зүгээс онцоллоо.


 

 

 

Санал болгох

Тусгай зөвшөөрөлгүй үйл ажиллагаа явуулж байсан эмнэлгүүдийн үйл ажиллагааг зогсоолоо

Сүхбаатар дүүрэгдэх мэргэжлийн хяналтын хэлтсээс дүүргийн нутаг дэвсгэрт байрлах эмнэлгүүдэд хяналт шалгалт явууллаа.

9 цагийн өмнө
Г.Билгүүн: Нийслэлийн захирагч Бээжин хотод айлчлах үеэрээ тус шар хайсыг үзэж, танилцсан юм билээ

Төв зам дагуу байрлуулсан хязгаарлах хайсыг нийслэлийн засаг даргын захирамжаар манай улс 4850 метрийг 700 сая төгрөгөөр урд хөршөөс импортолжээ.

3 өдрийн өмнө
Олон улсын Ардын урлагийн их наадам үнэ төлбөргүй, нээлттэй болж байна

Монгол Улсын Ерөнхий сайд У.Хүрэлсүхийн ивээл дор олон улсын Ардын урлагийн их наадам Улаанбаатар хотноо энэ сарын 12-16-ны өдрүүдэд болж байна. 

4 өдрийн өмнө
Ном унших шинэ соёл

Хан-Уул дүүргийн 120 мянгатын цэцэрлэгт хүрээлэнд үнэгүй ном унших боломжтой “УБ-Гудамжны номын сан”-г байгуулжээ.

5 өдрийн өмнө