"Өмнөговьд үйлдвэрлэе" жижиг, дунд бизнес эрхлэгчдийн экспог зохион байгууллаа

2019 оны 5 сарын 242019-05-24
"Өмнөговьд үйлдвэрлэе" жижиг, дунд бизнес эрхлэгчдийн экспог зохион байгууллаа

Өмнөговь аймаг, Даланзадгад сум – Өмнөговь аймгийн ЗДТГ, “Оюу толгой” компани, Бизнесийн инноваци хөгжлийн төв хамтран жижиг, дунд бизнес эрхлэгчдийн экспог “Өмнөговьд үйлдвэрлэе” уриан дор тавдугаар сарын 23-24-ний өдрүүдэд Даланзадгад сумд амжилттай зохион байгуулж байна. Экспод оролцож буй Өмнөговь аймгийн 100 гаруй бизнес эрхлэгчдээс нэмэлтээр бараа бүтээгдэхүүн, үйлчилгээ авах боломжтой талаар тус аймагт үйл ажиллагаа эрхэлдэг уул уурхай, барилгын 15 гаруй томоохон компанийн төлөөлөл хүрэлцэн ирж судалж, цаашид хамтран ажиллах, түншлэл үүсэх боломжуудтай танилцлаа. 

Өдөрлөгийн үеэр “Оюу толгой” компани жижиг, дунд үйлдвэрлэлийг дэмжин оролцохын зэрэгцээ “Монголд үйлдвэрлэв” бодлогынхоо хүрээнд Өмнөговийн есөн жижиг, дунд бизнес эрхлэгчтэй нийт 10.5 сая ам.доллар буюу 27.8 тэрбум төгрөгийн худалдан авалтын гэрээ байгууллаа. Гэрээ байгуулсан компаниуд дунд анх удаа Манлай сумын компани багтсан. Энэхүү есөн гэрээний дүнд орон нутагт 128 ажлын байр шинээр бий болж буй нь онцлог юм. Өмнөговь аймгийн Засаг даргын орлогч С.Мөнхбаяр уг үйл ажиллагааг нээж үг хэлэхдээ “Оролцогчдын талаас илүү хувь нь “Оюу толгой” компанийн гэрээт, туслан гүйцэтгэгч компаниуд байгаа нь тус компани орон нутагт олон ажлын байр бий болгоод зогсохгүй орон нутгийн нийгэм, эдийн засгийн хөгжилд үнэтэй хувь нэмэр оруулж байгааг харуулж байна. Бид энэ амжилтаа ахиулах, бусадтай туршлага хуваалцах, чанаржуулах зэрэг олон ажлыг хамтран хийхээр төлөвлөж байгаа” хэмээн онцлов. Өмнөговь аймгийн ЗДТГ-аас жижиг, дунд бизнес эрхлэгчдийн чадавхийг сайжруулах зорилго бүхий сургалтууд, ЖДҮ-ийг дэмжих тухай зөвлөгөөнийг холбогдох албаны хүмүүс, бизнес эрхлэгчдийн дунд зохион байгуулав.

Мөн “Оюу толгой” компанийн Худалдан авалтын газрын ерөнхий менежер Дэррик Хансэн ‘“Оюу толгой” компани жижиг, дунд үйлдвэрүүдийг түшиглэн найдвартай, өрсөлдөх чадвар бүхий дотоодын нийлүүлэлтийн сүлжээг хөгжүүлэхэд онцгой анхаарал хандуулдаг. Өмнөговь аймаг болон Бизнесийн инноваци хөгжлийн төвийн дэмжлэгтэйгээр бид орон нутгийн ханган нийлүүлэлтийн сүлжээг сайжруулахын төлөө тасралтгүй ажилласаар байх болно“ гэлээ. Өдөрлөгийн өөр нэгэн онцлох үйл явдал нь Өмнөговь аймаг, Германы олон улсын хамтын ажиллагааны нийгэмлэг (GIZ), “Говийн оюу хөгжлийг дэмжих сан” болон “Оюу толгой” компанитай хамтран байгуулсан “Бизнесийн инноваци хөгжлийн төв”-ийн Өмнөговь дахь салбарын нээлт юм. Энэхүү төвөөс орон нутгийн бизнес эрхлэгчид байгаль орчин, эрүүл мэнд, аюулгүй ажиллагаа, бизнесийн ёс зүй, бизнесийн удирдлага, ханган нийлүүлэлтийн сүлжээний менежмент зэрэг бизнесийн удирлагад өндөр ач холбогдолтой олон чиглэлээр шаардлагатай сургалт зөвлөгөө авах боломжтой болж байгаа юм.
 

Санал болгох

Өчигдөр хүчтэй мөндөр орж, малчин У-ын долоон үхэр үерт урсжээ

Өвөрхангай аймгийн Уянга сумын Шуранга багийн “Ар-Оньс” гэдэг газар энэ сарын 29-ний өдрийн 16:00 цагийн орчим хүчтэй мөндөр орсны улмаас уруйн үерт малчин У-ын 7 үхэр урссан байна.

5 өдрийн өмнө
Аялж явсан 12 хүний гурав нь Хэрлэн голын усанд осолдож, нэг нь нас баржээ

Иргэн М-ын цогцсыг олсон бөгөөд үлдсэн хоёр хүнийг эрэн хайж байна.

5 өдрийн өмнө
Энэ сарын 23-нд гэрээсээ гараад сураггүй алга болсон хоёр хүн одоо хүртэл олдоогүй байна

Таана, мангир түүхээр гэрээсээ гараад сураггүй алга болсон хоёр хүний мотоциклыг голын эргээс олжээ

6 өдрийн өмнө
Таана, мангир түүхээр гэрээсээ гараад сураггүй алга болсон хоёр хүний мотоциклыг голын эргээс олжээ

Хэнтий аймгийн Дадал сумын Балж багийн “Цагаан чулуут” гэдэг газар тус багийн харьяат малчин 39  настай эрэгтэй Б, 5 настай эмэгтэй С нар “Хёрхон” гэдэг голын эргээс таана, мангир түүхээр зургадугаар сарын 23-ны өдрийн 11:00 цагт гэрээсээ мотоциклоор гараад сураггүй болсон байна.

9 өдрийн өмнө