Залуу гэр бүлд “түрээслээд өмчлөх” хэлбэрээр байртай болох боломж нээгдлээ

15
2019 оны 6 сарын 32019-06-03
Залуу гэр бүлд “түрээслээд өмчлөх” хэлбэрээр байртай болох боломж нээгдлээ

 Гэр хорооллыг газрыг дахин төлөвлөн барилгажуулах төслийн хүрээнд Бармон ХХК нь Чингэлтэй дүүргийн 9, 10, 11 дүгээр хорооны газар нутагт 234 айлын 2 блок орон сууцны барилгын ажлыг хийж гүйцэтгэн, энэ оны 7 дугаар сард ашиглалтад оруулахаар ажиллаж байна. Гэр хорооллын нийт 3 хорооны нутаг дэвсгэрийн 32 нэгж талбайг чөлөөлж, барилгажуулсанаар 200 шахам айлын яндангаас гарах утааг алга болгон, нийслэл хотын агаарын бохирдлыг бууруулахад тодорхой хувь нэмрээ оруулна.

Мөн тус 234 айлын орон сууцны барилга ашиглалтанд орсоноор дөнгөж гэрлэсэн, гэрлэхээр зэхэж байгаа залуу хосууд болон төрийн албан хаагчид, бага орлоготой өрхийн иргэдэд хотын төвийн А бүсэд хамгийн ойрхон, хямд үнэ бүхий шинэ байртай болох боломжоор хангагдах юм.

“Бармон” ХХК-ийн захирал Ш.Үнэнбат:

Манай компаниас иргэдэд “Түрээслээд өмчлөх”-ийг санал болгож байгаа нь бусад компаниудаас онцлог юм. Энэ нь 40-өөс 60 кв метр талбай бүхий 2-4 өрөө орон сууцыг квадратаас нь хамаараад сар бүр 1 саяас 1,5 сая төгрөг хүртэл 5 жилийн хугацаанд тогтмол төлж хамтран ажилласнаар түрээсийн мөнгөөрөө үндсэн төлбөрөө төлж, өөрийн байртай болох томоохон боломж юм. Метр квадратыг нь 1,500,000 төгрөгөөр үнэлж байгаа нь хотын төвөөс 2,5 км зайтай А бүсийн байршлын хувьд маш хямд гэсэн үг.  

Дээрх төлбөрийн нөхцлийг төрийн албан хаагчид, залуу хосууд болон бусад бага орлоготой гэр бүлд зориулж гаргасан бөгөөд гэр хорооллыг дахин төлөвлөх ажилд томоохон дэмжлэг болно гэж үзэж байна. Гол нь санхүүгийн сахилга бат чухал. Анх түрээсийн гэрээ хийхдээ сар бүрийнхээ төлбөрийг тодорхой хугацаагаар төлөөгүй тохиолдолд үндсэн төлбөр бус түрээсийн төлбөр болгон суутгахаар гэрээ хийж байгаа тул иргэд санхүүгийн сахилга батыг сайтар мөрдөж, төлөлтөө алдалгүй тогтмол төлж байх нь иргэдэд манай компаниас олгож байгаа давуу тал юм гэж тус компанийн захирал Ш.Үнэнбат тайлбарлалаа.

Эхний ээлжинд газар чөлөөлсөн айлууддаа байрыг нь бүрэн олгож, үлдсэн байруудаа дээрх хэлбэрээр захиалгыг нь аваад дууссан байна. Тус байршил, орон сууцны байр нь Дэнжийн 1000 орчмын 9, 10, 11 дүгээр хорооны төдийгүй хотын төвийн бүсэд амьдрах хүсэлтэй иргэдийн зүгээс маш эрэлттэй байгаа бөгөөд дараагийн ээлжийн барилгууд ч захиалгаа авч дуусаад байна.

 

Санал болгох

Эцэг, эхчүүдэд хүүхдэдээ тавих хараа хяналтаа сайжруулах хэрэгтэйг онцлов

Дулааны улирал эхэлсэнтэй холбоотойгоор голын усанд иргэдийг осолдохоос урьдчилан сэргийлэх чиглэлээр өнөөдөр нийслэлийн Онцгой байдлын газрын Гамшгийн шуурхай удирдлагын хэлтсийн дарга Э.Эрдэнэбаатар, Цагдаагийн удирдах газрын Хүүхдийг гэмт хэргээс урьдчилан сэргийлэх хэлтсийн дарга, хурандаа Б.Батзориг, Гэр бүл, хүүхэд, залуучуудын хөгжлийн газрын Хүүхдийн хөгжил, хамгааллын хэлтсийн дарга П.Мягмаржав нар мэдээлэл хүргэлээ.

6 өдрийн өмнө
Нийслэлийн Хөдөлмөр эрхлэлтийн газраас 920 иргэнийг ажлын байраар хангажээ

Нийслэлийн Хөдөлмөр эрхлэлтийн газар энэ сарын 25-ны өдрийн байдлаар давхардсан тоогоор нийт 13014 иргэн, 619 ажил олгогчид үйлчилгээ үзүүлжээ. Ажил зуучлах үйлчилгээний хүрээнд 619 ажил олгогч байгууллагатай хамтран ажиллаж 4821 ажлын байрны захиалгыг төвлөрүүлж, 1885 ажил хайгч иргэнийг шинээр бүртгэн, 920 иргэнийг ажилд оруулсан байна.

6 өдрийн өмнө
Баянхошуунд Нийслэлийн нэгдсэн үйлчилгээний төв үйл ажиллагаагаа явуулж эхэллээ

Улаанбаатар хотын Ерөнхий төлөвлөгөөнд хотын хөгжлийг тэнцвэртэй болгох хүрээнд зургаан дэд төвтэй байхаар тусгасан. “Гэр хорооллыг хөгжүүлэх хөрөнгө оруулалтыг дэмжих хөтөлбөр” төсөл нь уг дэд төвүүдийг бий болгох суурь “Дэд бүтэц”-ийн ажлуудыг хийж байна.

7 өдрийн өмнө
Ч.Хүрэлбаатар: 7009 айлын түрээсийн орон сууц барина

ТОСК-иас хэрэгжүүлж буй эдгээр гурван төслийн хүрээнд баригдах хорооллуудад 7000 гаруй айл түрээсийн орон сууц хөтөлбөрт хамрагдан оршин суух боломжтой болох юм.

7 өдрийн өмнө