Нуранги үүссэн уурхайд хятад эзэд нь хүчээр ажиллуулсны улмаас гурван иргэн амь насаа алджээ

1.7 мянга
1
5 өдрийн өмнө
Нуранги үүссэн уурхайд хятад эзэд нь хүчээр ажиллуулсны улмаас гурван иргэн амь насаа алджээ

 

2019 оны 4 сарын 20 оны өдөр Налайх дүүрэгт байрлах "Эрдэнийн хөгжил" компанийн уурхайд осол гарч 3 хүн амь насаараа хохирч, нэг хүн хүнд гэмтсэн хэрэг гарчээ. Уг хэргийн хохирогчдын ар гэрийнхэн болон өмгөөлөгч Ц.Монгол нар мэдээлэл өглөө.

Хохирогчдын өмгөөлөгч Ц.Монгол "Осол гарсан "Эрдэнийн хөгжил"  компани нь  БНХАУ-ын хөрөнгө оруулалттай, хятад эзэдтэй компани. Осол гарахаас  өмнө компанийн үйл ажиллагааг Налайх дүүргийн мэргэжлийн хяналтын газраас шалгаж, үйл ажиллагааг нь зогсоосон байсан. Гэтэл компанийн удирдлагууд нь дур мэдэж үйл ажиллагаа эхлүүлсэн. 4 сарын 18-ны өдөр бригадын дарга Оргил уурхайн нэгдүгээр салбарт нуралт үүсэж байгаа учир уурхайчдаа ажиллуулахаас татгалзсан байдаг. Гэтэл тус бригадын даргыг эзгүй үед буюу 4 сарын 20-ны өдөр уурхайн хятад дарга ажилчдыг нуралт үүссэн салбарт  ажиллахыг  албадсан. Ингээд осол гарч гурван хүний амь насаа алдаж , нэг хүн хүнд бэртсэн.

Хэргийн харьяаллыг 24 цагийн дотор тогтоохоор Прокурорын ерөнхий газарт шилжүүлсэн боловч 15 хоног гацаасан. Тэр хооронд уурхайн хятад захирал хил гарч зугтаасан. Шүүх хяналтын  байгууллагаас одоо болтол эрүүгийн хэрэг үүсгээгүй тус компанийн хөрөнгийг ч битүүмжлээгүй байгаа" гэж мэдэгдлээ.

           

Санал болгох

Эко аялал жуулчлалыг хөгжүүлэхэд Азийн Хөгжлийн банкнаас 38 сая долларын санхүүжилт олгоно

Хөвсгөл нуурын болон Хэнтийн аймгийн Онон-Балжийн байгалийн цогцолбор газруудад эко аялал жуулчлалыг хөгжүүлэх, эдийн засгийн хүртээмжтэй хөгжлийг болон байгаль хамгааллын загварыг бий болгох зорилготой 38 сая ам.долларын хөнгөлөлттэй зээлийн хэлэлцээрт Монгол Улсын Засгийн газар болон Азийн хөгжлийн банк гарын үсэг зурлаа. 

7 цагийн өмнө
Хугацаанаасаа өмнө суллагдсан 816 хүнд хяналт тавьж байна

Улсын Ерөнхий Прокурорын Газрын Ял эдлүүлэх ажиллагаанд хяналт тавих хэлтсээс "Хорих ялаас хугацаанаас өмнө суллаж, хяналт тогтоосон хүмүүсийн оргон зайлсан шалтгаан, тэдэнд тавих хяналт хуульд заасны дагуу явагдаж байгаа эсэх"-ийг 2018, 2019 оны 1 дүгээр улирлын байдлаар улсын хэмжээнд шалгажээ.

8 цагийн өмнө