Бодлогын хүүг хэвээр үлдээлээ

2019 оны 6 сарын 202019-06-20
Бодлогын хүүг хэвээр үлдээлээ

 

Монгол банкны Мөнгөний бодлогын хорооны өчигдрийн ээлжит хурлаар бодлогын хүүг 11 хувьд хэвээр хадгалахаар шийдвэрлэв. Инфляц зорилтот түвшний орчимд тогтворжих хандлага хэвээр, уул уурхайн салбарын өсөлт энэ оны эхний улиралд хүлээлтээс давж, бизнесийн зээл тогтвортой өсөж, хөрөнгө оруулалт, төсвийн зардал нэмэгдсэнээр эдийн засаг тэлж буйг тус банкныхан тэмдэглэв. Цаашид гадаад худалдааны нөхцөл муудаж болзошгүй бөгөөд уул уурхайн томоохон төсөл хэрэгжүүлж дуусах, гадаад өрийн өндөр дүнтэй эргэн төлөлт эхлэх хугацаатай давхцаж байгаа аж. Иймээс макро эдийн засгийн бодлогыг дотоод, гадаад тэнцвэрийг хадгалахад чиглүүлэх, улс, аймаг, орон нутаг, байгууллага, өрх гэр, хувь хүн хуримтлал, санхүүгийн нөөцөө нэмэгдүүлэх шаардлага тавигдаж буйг мөн дурдлаа. Гадаад орчны болзошгүй эрсдэлийг хохирол багатай даван туулж, эдийн засгийн дунд, урт хугацааны тогтвортой байдлыг хангахад төсвийн сахилга бат, банкны салбарын эрсдэл даах чадвар чухал гэв. Макро эдийн засгийн өнөөгийн байдал, ирээдүйн төлөв, гадаад, дотоод орчны тодорхой бус байдал, эрсдэлийг харгалзсанаар бодлогын хүүг ийн хэвээр хадгалахаар шийдвэрлэжээ.

Санал болгох

Таван сая төгрөгийн дөрвөн азтан тодорлоо

Нийслэл Улаанбаатар хотоос нийт 22496 хүн азтан болсон байна.

18 өдрийн өмнө
Ноолуурын үнэ Сүхбаатар аймагт хамгийн өндөр буюу 61.5 мянган төгрөг байна

2020 оны дөрөвдүгээр сард цагаан ноолуурын 1 кг-ын дундаж үнэ Сүхбаатар аймагт хамгийн их буюу 61.5 мянган төгрөг, Баян-Өлгий аймагт хамгийн бага буюу 35.5 мянган төгрөг байна.

23 өдрийн өмнө
Д.Занданбат: Аудитаар 9 их наяд 57 тэрбум төгрөгийн алдаа зөрчил илэрсэн

УИХ-ын Төсвийн байнгын хорооны өнөөдрийн (2020.05.12) хуралдаан гишүүдийн 52.6 хувийн ирцтэй эхэлж, Төрийн аудитын байгууллагын үйл ажиллагаатай холбоотой таван асуудал хэлэлцэж, Нэмэгдсэн өртгийн албан татварын тухай хуульд нэмэлт оруулах тухай хуулийн төслийн анхны хэлэлцүүлгийг хийсэн.

24 өдрийн өмнө
Нэг сая орчим иргэний ногдол ашгийг үнэт цаасны төвлөрсөн хадгаламжийн төв рүү шилжүүлсэн

И баримт аппликэйшнээр НӨАТ буцаан олголт авдаггүй иргэд заавал хувьцааны дансаа нээлгэж, банкны дансаа мэдүүлсний дараа ногдол ашгаа авах боломж бүрдэнэ.

25 өдрийн өмнө