З.Нарантуяа: Монгол Улсын хөгжлийг дараагийн 20 жилд авч явах улс төрийн хүчин бол Ардчилсан нам

22
2019 оны 6 сарын 242019-06-24
З.Нарантуяа: Монгол Улсын хөгжлийг дараагийн 20 жилд авч явах улс төрийн хүчин бол Ардчилсан нам

Ардчилсан намын Үзэл баримтлалыг таниулах сургалт, сурталчилгааны үндэсний III аян Завхан аймагт амжилттай зохион байгуулагдлаа. Аяны хүрээнд УИХ-ын гишүүн, Ардчилсан намын дарга С.Эрдэнэ, УИХ-ын гишүүн, Ардчилсан намын Дэд дарга З.Нарантуяа, Завхан аймгийн Засаг дарга Т.Батсайхан, Завхан аймгийн Ардчилсан намын дарга Булган нарын хүмүүс иргэдтэй уулзаж, өнөөгийн нийгэм, эдийн засгийн байдлын талаарх бодит мэдээллийг хүргэж, санал солилцсон юм.

Уулзалтын эхэнд Ардчилсан намын дарга С.Эрдэнэ хэлсэн үгэндээ “Ардчиллын цэнхэр тугийг өндөрт өргөсөн Завханчууддаа талархлаа илэрхийлье. Хүндхэн сорилтыг Завхан аймгийн Ардчилсан нам, гишүүд, дэмжигчид туулж байгаа. Гишүүдийн оролцоотой, бодлогын нам байхын төлөө ажиллаж байна. Эрх баригчдад монголын ард түмэн хангалттай эрх мэдлийг өгсөн. Ардчиллын үлгэр болсон Завханчууд цаашид илүү хичээж ажиллаарай” гэв.

УИХ-ын гишүүн, Ардчилсан намын Дэд дарга З.Нарантуяа “Монголын эдийн засгийн гадаад нөхцөл байдал маш таатай байгаа. Гэвч эрх баригчид эдийн засгийн хөгжлийн зөв  моделийг бий болгож чадсангүй. Иргэдийн амьдралын чанарыг сайжруулж чадаагүй. Улс төрийн нам гэдэг бол маш бодитой, тооцоо, судалгаатай хөгжлийн загвартай байх ёстой. Улс төрийн орчинд шинэчлэл хийе гэвэл улс төрийн намууд шинэчлэгдэхээс өөр гарц байхгүй. Тиймээс ч улс орны  хөгжлийг түүчээлэх улс төрийн намын хувьд бодлоготой нам байх ёстой. Намын бодлого гэдэг бол нэг хүний бодлого биш. Намын бодлого гэдэг бол Үзэл баримтлал, Үндсэн дүрэмд суурилсан хөгжлийн бодлого юм. Хэн дарга байхаас үл шалтгаалж нам шинэчлэгдэх ёстой. Монгол Улсын хөгжлийг дараагийн 20 жилд авч явах улс төрийн хүчин бол Ардчилсан нам” гэлээ.

Санал болгох

Өнөө орой УИХ-ын гишүүдийн танилцах үдэшлэг болно

2020 оны УИХ-ын сонгуульд Монгол Ардын нам 62, Ардчилсан нам 11 суудал авсан юм. Харин бие даан нэр дэвшигчдээс Н.Алтанхуяг, Та бидний эвслээс С.Ганбаатар, Зөв хүн электорат эвслээс Т.Доржханд нар ялалт байгуулж, парламентад суудал авсан билээ. 

1 өдрийн өмнө
Халдашгүй байдлын дэд хорооны даргаар Н.Энхболдыг сонголоо

Улсын Их Хурлын гишүүний халдашгүй байдлын дэд хороо анхны хуралдаанаа хийж, дэд хорооны даргаар Улсын Их Хурлын гишүүн Н.Энхболдыг сонголоо.

2 өдрийн өмнө
Ерөнхий сайд У.Хүрэлсүх Монгол Улсын Ерөнхийлөгч Х.Баттулгад бараалхлаа

Үндсэн хуулийн Гучин есдүгээр зүйлийн 3 дахь хэсэгт заасны дагуу Ерөнхий сайд өнөөдөр Засгийн газрын бүтэц, бүрэлдэхүүний талаарх зөвшилцөх саналаа холбогдох хуулийн төслүүдийн хамт Монгол Улсын Ерөнхийлөгчид ирүүлэв.

2 өдрийн өмнө
УИХ-ын Халдашгүй байдлын дэд хорооны гишүүдийг баталлаа

Олонхийн саналаар дэмжсэн тул УИХ-ын Халдашгүй байдлын дэд хорооны гишүүнээр Н.Энхболд С.Батболд, Б.Бат-Эрдэнэ, С.Бямбацогт, Ц.Мөнх-Оргил нарыг сонголоо. 

2 өдрийн өмнө