Манай энхийг сахиулагчид Конго Улсын бага сургуулийг засварлажээ

2019 оны 6 сарын 262019-06-26
Манай энхийг сахиулагчид Конго Улсын бага сургуулийг засварлажээ

 

Монгол Улсын VIII мотобуудлагын батальоны бие бүрэлдэхүүн Кумагон бага сургуулийн засварыг дотоод нөөц бололцоог ашиглан хийжээ. Ширээ, сандал, хаалга, цонхыг нь засаж, 6 хичээлийн танхим, багш нарын ажлын өрөө, цэцэрлэгийн зориулалтаар ашиглах боломжтой тус бүр  нэг танхим хүлээлгэн өгсөн байна. Мөн Рувейнг Хоп цэцэрлэгт шинээр хичээлийн гурван танхим бүхий барилгыг барьж, бие засах газрыг шинэчлэн, хүүхдийн тоглох тоглоомын талбайг сэргээн засварлаж, ус зайлуулах шугаман дээр хүртэл явган хүний гүүр байгуулжээ.                                               

Ийнхүү тус бага сургуулийн засварласнаар 250 хүүхдийг сурч боловсрох нөхцөл бололцоогоор бүрдэж байгаа юм.

Рувейнг Хоп цэцэрлэгийн барилгыг хүлээлгэн өгөх үед  БНӨСУ-ын хүүхдийн хөгжил, соёл урлагийн яамны Муж хариуцсан дарга Абрехэм Атуол  “Монгол Улсын VIII мотобуудлагын батальоны бие бүрэлдэхүүнд маш их баярлалаа. Өнөөдрийн үйл явдал бол бидний ирээдүй болсон хүүхэд багачуудад оруулж байгаа маш том хөрөнгө оруулалт байлаа” гэж хэлсэн бол тус цэцэрлэгийн захирал Жон Нгугк “Өнөөдрийн арга хэмжээнд маш их баярлаж байна. Манай цэцэрлэгийн хүүхдүүдийг шинэ хичээлийн танхим, сурч боловсрох ширээ сандал, тоглох тоглоомын талбайтай болгосон Монгол цэргүүддээ маш их баярлалаа гэдгээ дахин хэлмээр байна” гэлээ.

Энэ үеэр нутгийн хүүхдүүдэд хичээлийн хэрэгсэл, тоглоом гардуулан сурлага хөдөлмөрт нь амжилт хүсээд Монголын үндэстний урлаг соёл, үлээвэр найрал хөгжмийн хэсэгчилсэн тоглолтыг сонирхуулжээ.

 

Санал болгох

Коронавирусын эсрэг вакциныг АНУ тавдугаар сард үйлдвэрлэж эхэлнэ

Шинэ коронавирус 2019 буюу 2019-nCoV (мөн Ухань коронавирус гэж нэрлэгдэж байгаа) нь вирусээр үүсгэгддэг халдвар. Хүний өвчлөлийн хамгийн анхны тохиолдол албан ёсоор 2019 оны 12 дугаар сарын 31-нд ДЭМБ-д мэдээлэгдсэн боловч хүний өвчлөл 12 сарын эхний 7 хоногт гарч эхэлсэн байна. Өвчтөнөөс авсан дээжинд хийсэн геномын секвенсийн үр дүнд дан утаслаг бүхий РНХ-ээс тогтсон коронавирусээр үүсгэгдэж байгаа болохыг тогтоосон байна.

1 өдрийн өмнө
ЭМЯ: Шинэ коронавирусийн халдварын эрсдэлийн зэрэглэл “Дунд” гэж дүгнэж байна

Шинэ коронавируст халдварын нөхцөл байдлын шинэчлэгдсэн мэдээлэл 2020.01.24-ний өдрийн 0800 цагийн байдлаар

6 өдрийн өмнө
Ж.Коизүми: Миний хүү цөмийн эрчим хүчнээс татгалзахад түлхэц үзүүлж чадна

Одоогийн Ерөнхий сайд Шинзо Абэгийн залгамжлагч хэмээгдээд буй Коизүми Жүничиро нь 4 дэх үеийн улс төрч юм

2 сарын өмнө