Есийн тооны эрэлд

1.3 мянга
25 өдрийн өмнө
Есийн тооны эрэлд

Аравтын орны нэг их тоо нь есийн тоо болно. Энэ тооны нэрийг бүтцээр нь задалбал, ЙИ-СҮ-Н (9), ЙЭ-РЭ-Н (90) язгуур нь ЙИ-, ЙЭ- болно. Энэ язгуураас үүссэн өөр нэг үг бол ЙЭ-КЭ буюу ИХ гэсэн үг гол утгыг нь илэрхийлэх бөгөөд ЕС гэсэн үгийн үндсэн утга бол ИХ тоо гэсэн утга юм. Үнэхээр монголчуудын шүтдэг тэнгэр онгодын тоо нь голдуу ЕС байдаг. Тайлга тахилгаар тахидаг ЕСӨН догшин тэнгэр, өчиг сацлаар тахидаг ЕРЭН зөөлөн тэнгэр (буриад. Юhэн ехэ хилмангууд, ерэн ехэ зэлмэнгүүд гэдэг), нийлээд ЕРЭН ЕСӨН Мөнх тэнгэр, тэнгэр хангайдаа өргөдөг ЕСӨН сацал, буриад бөөгийн ЕСӨН чанар, энэ чанарын ёслолд өргөдөг ЕСӨН дэрвэлгэ (хус мод), онгодын 999 цэргийг төлөөлсөн ЕСӨНЧИН [юhэншэн], билгийн тооллын есөнтэй өдрүүдэд ёсолдог ЕСӨНГӨӨ хийх [юhэнгээ хэхэ], хорчин бөөгийн ЕСӨН даваа, дархад бөөгийн ЕСӨН хайрхан, монгол төрийн ЕСӨН хөлт цагаан туг, тэнгэр газарт ЕСӨНТӨӨ мөргөх гэхчлэн тоочоод үл барах хийгээд ЕС-ийн тоо бол тэнгэрийн утгат их тоо болно.

Ийм учраас ЕС-ийн тоо нь маш олон, тоолж баршгүй олон гэсэн утгыг бас илэрхийлдэг. “Монголын нууц товчоонд” “ЕСӨН хэлтэн иргэн” гэсэн хэллэг гардаг нь тоолшгүй олон улс гэсэн санаа. Түүнчлэн ЕСӨН зүйлийн амьтан гэвэл, маш олон төрлийн амьтан, ЕСӨН хүсэл гэвэл, хүний бүх хүсэл мөрөөдөл гэсэн утга билээ. Ингээд миний нүүр номын найзуудын есөн хүсэл нь бүтэх болтугай!

Доктор, профессор С.Дулам

Санал болгох

Монгол Улсын цагдаагийн байгууллага, дотоодын цэргийн үүсэж хөгжсөний 98 жилийн ой өнөөдөр тохиож байна

Монголын цагдаагийн байгууллагын үүсэл хөгжил нь 1865 онд анх Монголд арван тавны цагдаа бий болсноор эхэлсэн түүхтэй.

13 цагийн өмнө
Танилц: Өнөөдрийн цахилгаан таслах хуваарь

Долоодугаар сарын 19-ний баасан гарагт цахилгаан түр хязгаарлаж, засвар хийх хуваарийг танилцуулж байна. 

15 цагийн өмнө
Дулааны аргаар мах, махан бүтээгдэхүүн боловсруулах үйлдвэрийн үйл ажиллагааг шалгана

Мах, махан бүтээгдэхүүн экспортлох хүсэлт гаргасан аж ахуйн нэгжийн мал төхөөрөх, дулааны аргаар мах, махан бүтээгдэхүүн боловсруулах үйлдвэрийн үйл ажиллагаанд хамтарсан хяналт, шалгалт хийж, үүсч болох эрсдэлээс урьдчилан сэргийлэхээр ажлын хэсэг байгуулжээ.

1 өдрийн өмнө
 “Их хурд -8″ наадам энэ сарын 20-21 өдөр Хүй долоон худагт болно

Монголын хурдан морины олимп шигшмэл морьдын “Их хурд -8″ наадам энэ сарын 20-21 өдөр Хүй долоон худагт зохион байгуулах гэж байна.

1 өдрийн өмнө