Бантсан Батзандан балайрав

3
2019 оны 7 сарын 12019-07-01
Бантсан Батзандан балайрав


ШИНЭ намын дарга Ж.Батзандан анхны томилолтоосоо л "поп тоглолтыг" утгаар нь үзүүлж эхэллээ. Баян-Өлгийн иргэдтэй уулзах үеэрээ "Оспан баатар байгаагүй бол" хэмээн хоолойгоо шахан орилсон нь олны шүүмжлэлд өртөөд байгаа. Үүнийхээ араас тайлбар нэртэй фэйсбүүк LIVE цацсан нь байдлыг бүр дордуулж орхилоо. Түүний хийсэн тайлбараас хоёр үгийг онцолъё.

"Казахууд Оспан баатар гэдэг учраас тэгж хэлсэн. Казах иргэдтэй уулзаж байгаа тохиолдолд Оспаныг алуурчин байсан, дээрэмчин байсан гэдгийг хэлэх боломжгүй байлаа..."

Түүний тайлбарлаж байгаачлан, Оспаныг Баян-Өлгийн иргэдэд сайлж магтсан нь үндэсний цөөнхтэй харьцах бодлого байсан гэж бодъё. Үнэхээр Улсын их хурлын гишүүнийхээ хувиар үндэсний цөөнхдөө доль үсрээд амаа олохгүй магтсан гэж үзье. Харин дараа нь сошиалаар алуурчин, дээрэмчин гээд нийтэд зарласан нь яг эсрэгээрээ үндэсний цөөнхөө дорд үзсэн хэрэг боллоо.

"Казах хүмүүсийн нүдээр Оспаныг Оспан баатар гэж хэлээд байгаа юм. Монголчууд бид Оспаныг ямар хүн байсныг нь бүгдээрээ мэднэ ээ. Оспаныг дээрэмчин гэж хэлсэн бол Казахстан Монгол улсын найрамдалт харилцаанд сэв сууж, жинхэнэ утгаараа дайн дэгдэх байсан" гэх үг.  Энэ үг нь Казах иргэдийг монголоос тусдаа хүмүүс гэх ойлголтыг өгч байх шиг. Монгол улсад үндэсний цөөнх казахууд ч мөн багтдагийг Батзандан гишүүн ойлгодоггүй бололтой.

Бантсан хүн балайрна гэгчээр Ж.Батзандан гишүүн өөрийнхөө үгэнд ороогдож, казах иргэдтэй найрамдах уу байлдах уу дээрээ тулан, балай зүйл ярьж яваа нь энэ.

Б.Бат

Санал болгох