Г.Амартүвшин: Хөгжлийн банкнаас авсан чанаргүй зээлүүдийг төлүүлж байгаа

9.0 мянга
2 сарын өмнө
Г.Амартүвшин: Хөгжлийн банкнаас авсан чанаргүй зээлүүдийг төлүүлж байгаа

Монгол Улсын Хөгжлийн банкны гүйцэтгэх захирлаар  Г.Амартүвшин өнгөрсөн сарын 21-нд томилогдсон билээ. Тэгвэл Хөгжлийн банкны гүйцэтгэх захирал энэ хугацаанд хийсэн болон цаашид хийх ажлаа танилцууллаа.

Тэрээр "Миний бие Засгийн газрын урилгаар Хөгжлийн банкны гүйцэтгэх захирлын албан тушаалд тус банкны бодлогыг зөв голдиролд оруулах, шаардлагатай төслүүдийг санхүүжүүлэх, үйл ажиллагаанд нь хийсэн шалгалтуудаар илэрсэн зөрчлийг арилгах гэх мэт үүрэгтэйгээр ирсэн.

Ажлаа авсан даруйдаа Сангийн яам болон Монголбанкны ерөнхийлөгчтэй уулзаж, санал солилцсон бөгөөд зээлийн багцын чанар дээр анхаарч ажиллаж байгаа. Хөгжлийн банк тойрсон гурван том асуудал байгаа гэж болно. Нэгдүгээрт их хэмжээний дүнтэй чанаргүй зээлийг төлүүлэх, хөгжлийн банкны санхүүжүүлэх төсөл хөтөлбөрийн бодлогыг өөрчлөх, зээлийн багцыг чанаржуулах тухай юм.

2019 оны нэгдүгээр улирлын байдлаар манай банкны  нийт актив 4 их наяд 244 тэрбум, зээлийн багц 2 их наяд 577 тэрбум, эрсдэлийн сан 336 тэрбум, чанаргүй зээлийн хэмжээ 292 тэрбум байна. Өрийн хөрөнгө нэг их наяд 133 тэрбум төгрөг байгаа.

Чанаргүй зээлдэгчдийн зээлийг эргэн төлүүлэх тал Засгийн газартай хамтарсан ажлын хэсэн байгуулсан. Жишээ нь: Эрэл компани 2015 оноос хойш зээлийн төлөлтөө хийгээгүй учраас төрийн өмчит компани болгох эсэх талаар ярилцаж байгаа. Төрийн өмчит хамтарсан компани байгуулахгүй бол шүүхийн шугамаар асуудлыг шийднэ.  Мөн Мон лаа компанитай эвлэрлийн гэрээ байгуулаад эхний төлбөрийг төлүүлж эхэлсэн ба энэ жилдээ багтаан зээлээг нь төлүүлж дуусгана" гэлээ.

Санал болгох

Гэр хорооллын иргэдэд “Ногоон зээл” олгоно

Гэр хорооллын иргэдэд цахилгаан халаагуур, байшин, сууцны дулаалга, эко жорлонгоо шийдэхэд нь дэмжлэг болох “Ногоон зээл”-ийн гэрээг БОАЖЯ, Орчны бохирдлыг бууруулах үндэсний хороо арилжааны гурван банктай өнөөдөр байгууллаа.

7 өдрийн өмнө
ЖДҮ-ийн төслийн сонгон шалгаруулалт явагдаж байна

70-аас дээш онооны босго давсан 59 төсөл, төсөл сонгон шалгаруулах хорооны хурлаар орж байна

7 өдрийн өмнө
“Оюу толгой” компани хоёрдугаар улирлын гүйцэтгэлийн тайлангаа танилцууллаа

“Оюу толгой” компани 2019 оны зургаадугаар сарын 30-наар дуусгавар болсон II улирлын гүйцэтгэлийн тайлан болон шинэчилсэн тойм мэдээгээ өнөөдөр танилцууллаа.

14 өдрийн өмнө