Х.Баттулга: Монгол түмний дэлгэр цэнгэл өндөрлөж, өрнүүн хөдөлмөрийн цаг айсуй

2019 оны 7 сарын 132019-07-13
Х.Баттулга: Монгол түмний дэлгэр цэнгэл өндөрлөж, өрнүүн хөдөлмөрийн цаг айсуй

Монгол Улсын Ерөнхийлөгч Х.Баттулга Тулгар төрийн 2228, Их Монгол Улсын 813, Ардын хувьсгалын 98 жилийн ой Үндэсний их баяр наадмыг хааж үг хэллээ.

МОНГОЛ УЛСЫН ЕРӨНХИЙЛӨГЧ Х.БАТТУЛГА ҮНДЭСНИЙ ИХ БАЯР НААДМЫГ ХААЖ:

Монголчууд аа,

Дэлхий даяарт тархан суурьшсан монгол туургатнууд аа,

Монгол оронд морилон ирсэн эрхэм зочид, жуулчид аа

Дээдсийн сүр сүлдийг баясгаж, түмэн олны цог золбоог мандуулсан монгол наадам өндөрлөж байна.

Наадамчин олон хоёр өдрийн туршид хурдан хүлгийн тоосонд хийморио сэргээж, эрхий мэргэдийн уухайн дуунд саруулсаж, хүчит бөхчүүдийн уран мэхэнд баясаж сайхан наадлаа.

Дараа жилийн наадам илүү сайхан болохын ерөөлөөр энэ жилийн наадмаа жаргаая.

Монгол Улс, монгол үндэстэн байсан цагт монгол наадам жилээс жилд өргөжин дэлгэрч, хүн зоныг баясган цэнгүүлж, өв уламжлалыг бадраан бататгаж байх нь дамжиггүй ээ.

Монгол түмний дэлгэр цэнгэл өндөрлөж, өрнүүн хөдөлмөрийн цаг айсуй.

Мөнх тэнгэрийн дор Монгол наадам жаргаж байна.

Баярлалаа” гэлээ.

Монгол Улсын Ерөнхийлөгч Х.Баттулгыг үг хэлж дууссаны дараа Төрийн есөн хөлт, цагаан тугийг Төрийн ордонд ёслол төгөлдөр заллаа.

 

Санал болгох

ТБХ: Хуулийн төслүүдийн анхны хэлэлцүүлгийг дэмжиж, санал, дүгнэлтээ нэгдсэн хуралдаанд танилцуулахаар тогтов

Импортоор оруулж байгаа хөдөө аж ахуйн зориулалттай шинэ трактор, комбайн, машин механизм, усалгааны тоног төхөөрөмж, ойн болон шувууны аж ахуйн техник, тоног төхөөрөмж, бордоо, ургамал хамгааллын бодист ногдуулах гаалийн албан татварыг 2022 оны нэгдүгээр сарын 1-ний өдрийг хүртэлх хугацаанд хөнгөлж, хөдөө аж ахуйн үйлдвэрлэл эрхлэгчдийг татварын бодлогоор дэмжих нь зүйтэй хэмээн үзэж Засгийн газраас уг хуулийн төслийг боловсруулж, өргөн мэдүүлээд байгаа юм.

28 минутын өмнө
Хөл хориог сунгах эсэх шийдвэр өнөөдөр гарна

Хөл хориог сунгах эсэх шийдвэр өнөөдөр гарах тухай өчигдөр УОК-оос мэдээлсэн. Одоо УОК-ын хуралдаан болж байгаа. Үүний дараа Засгийн газар ээлжит бусаар хуралдана гэж ЗГХМОНХГ-ын дарга, УОК-ын гишүүн Ц.Ганзориг мэдээллээ.

34 минутын өмнө
АНУ-ын Конгресст “Гуравдагч хөршийн худалдааг дэмжих тухай хууль”-ийн төслийг дахин өргөн барив

АНУ-ын Конгресс дэх Төлөөлөгчдийн танхимын гишүүн Монгол-Америкийн Бүлгийн хамтран даргалагч Д.Тайтус, Д.Янг нар “Гуравдагч хөршийн худалдааг дэмжих тухай хууль”-ийн төслийг хамтран санаачилж, өчигдөр Конгрессын Төлөөлөгчдийн танхимд дахин өргөн барив.

38 минутын өмнө
Баттулгын Намуун: Ерөнхийлөгчийн үндсэн эрхэнд халдаж ҮХЦ-ийн дүгнэлтийг хүссэнээрээ гаргуулсан

Ерөнхийлөгч Х.Баттулгын охин Намуун ҮХЦ-ийн асуудалд байр сууриа илэрхийлжээ. Тэрээр "“Тэд” Монгол Улсын Үндсэн хуулийн үзэл санаа, суурь зарчмыг элдвээр мушгин, дур зоргоороо тайлбарлаж, Цэцийн гишүүдийг намын нөлөөллөөр томилох, чөлөөлөх, үүрэг даалгавар өгч гүйцэтгүүлэх ажлыг хийж чаддаг юм байна. Улсынхаа Ерөнхийлөгчийн үндсэн эрх, эрх чөлөөнд халдаж, шахан хавчиж, Цэцийн дүгнэлтийг шуурхай хэлэлцэж, хүссэн шийдвэрээ гаргуулдаг юм байна.

1 цагийн өмнө