Үерийн гамшигт нэрвэгдсэн Эрхүү мужаас 42 хүүхэд Монголд амрахаар ирлээ

2019 оны 7 сарын 182019-07-18
 Үерийн гамшигт нэрвэгдсэн Эрхүү мужаас 42 хүүхэд Монголд амрахаар ирлээ

ОХУ-ын Эрхүү мужид олон хоног дараалан орсон аадар борооны улмаас 2019 оны 6 дугаар сарын 27-ны өдрөөс эхлэн тус мужийн баруун хойд нутгууд болох Тайшет, Нижнеудинск, Чуинск, Тулун, Зиминск район үерт автаж тус бүс нутгийн олон ард иргэд хохирол амсаад байгаа билээ.

Монгол Улсын Ерөнхийлөгч үерийн гамшигт нэрвэгдсэн Эрхүү мужийн иргэдэд хүмүүнлэгийн тусламж үзүүлэх уриалга гаргасны дагуу иргэд, олон нийт, төрийн болон төрийн бус байгууллага, аж ахуйн нэгжүүдээс үзүүлж буй хандив, тусламж, дэмжлэгийг Гадаадад төгсөгчдийн нэгдсэн зөвлөлөөс зохион байгуулан ажиллаж байгаа юм.

Тус аяны хүрээнд Нижнеудинск болон Тулун районы 42 хүүхэд багшийн хамт өнөөдөр Олон Улсын Хүүхдийн “Найрамдал” Цогцолборт хүрэлцэн ирлээ. Эрхүү мужийн үерийн гамшигт нэрвэгдсэн бүс нутгийн хүүхдүүд гамшгийн хор уршгийг арилгах, сэргээн босгох ажиллагаа явагдах хугацаанд буюу 2019 оны 7-р сарын 16-наас 8-р сарын 25-ны өдөр хүртэл 40 хоног Олон Улсын Хүүхдийн “Найрамдал” Цогцолбор болон “Эрдэнэт үйлдвэр” ТӨҮГ-ын харьяа “Сэлэнгэ” амралтын баазад амрах юм.

Санал болгох

Сүхбаатарын талбайн Хонхтой цэцэрлэгт хүрээлэнг тохижуулна

Хонхтой цэцэрлэгт хүрээлэн нь 1,6 га талбайг хамардаг бөгөөд 85 метрийн урттай 14 метрийн өргөнтэй хөгжмийн аялгуутай усан оргилуур, 800 кв.метрийн хэмжээтэй дугуйн талбайтай, хоёр нийтийн бие засах газар байгуулж тохижуулахаар төлөвлөжээ.

3 цагийн өмнө
Өнжмөл өвс шатаасан айл өрхүүдэд хариуцлага тооцно

Нийслэлийн Онцгой байдлын газраас  ахуйн болон ой, хээрийн гал түймрээс урьдчилан сэргийлэх зорилгоор ногоон бүс, зуслангийн чиглэлд хяналт, шалгалтыг тогтмол зохион байгуулан ажиллаж байна.

8 цагийн өмнө
Нэг албан бичиг хүргүүлэх зардал 1500 төгрөг байсныг цахимаар солилцож хэмнэх боломжтой боллоо

Аж ахуйн нэгж байгууллагууд хоорондоо болон нийслэлийн 1050 байгууллагуудтай цахимаар албан бичиг солилцох боломжтой

8 цагийн өмнө