“Хөхүүрийн айраг” наадмыг гурав дахь жилдээ зохион байгууллаа

5 сарын өмнө
“Хөхүүрийн айраг” наадмыг гурав дахь жилдээ зохион байгууллаа

 

Тулгар төр байгуулагдсаны 2228, Их Монгол улс байгуулагдсаны 813, Ардын хувьсгалын 98 жилийн ой, Үндэсний их баяр наадмын үеэр “Хөхүүрийн айраг” наадмыг гурав дахь жилдээ буюу долдугаар сарын 11-12-ны өдрүүдэд Хүй долоон худагт зохион байгууллаа.

Энэхүү наадам нь хөхүүрийн шилдэг айргыг шалгаруулж ардын уламжлалт ёс, зан үйлийг сэргээх, Үндэсний уламжлалт баяр наадмыг ёслол төгөлдөр, өргөн дэлгэр болгох, ард түмэнд соёлын өв, уламжлалт мэдлэг арга ухааныг дэлгэрүүлэх, хөхүүрт айраг исгэж хэрэглэдэг уламжлалт арга, ёсыг сэргээн хөгжүүлэх ач холбогдолтой билээ.

Уг наадамд малчид уламжлалт аргаар хөхүүрт исгэсэн айргаараа оролцсоноос гадна, айрагтай холбоотой соёл, уртын дуу, магтаал, ерөөл, зан үйлийг наадамчин олонд танилцуулсан юм.

Наадмын үеэр “Сайхан айраг”, “Шилдэг хөхүүр”, “Шилдэг гэр”-ийг I, II, III байраар шалгаруулж цом, мөнгөн шагналаар шагнаж урамшууллаа.

“Сайхан айраг”-аар Булган аймгийн Сайхан сумын малчин А.Даваасүрэнгийн исгэсэн айраг шалгарсан бол II байранд Архангай аймгийн Хотонт сумын малчин О.Баяндэлгэр, III байранд Архангай аймгийн Цэнхэр сумын малчин С.Самбуудорж, тусгай байранд Архангай аймгийн Цэнхэр сумын малчин Т.Пагмадуламын исгэсэн айраг шалгарлаа.

“Шилдэг гэр” -ийн I байранд Булган аймгийн Сайхан сумын малчин А.Даваасүрэн, II байранд Архангай аймгийн Цэнхэр сумын малчин С.Самбуудорж, III байранд Архангай аймгийн Цэнхэр сумын малчин Т.Пагмадулам, “Шилдэг хөхүүр”-ийн I байранд Булган аймгийн Сайхан сумын малчин А.Даваасүрэн, II байранд  Архангай аймгийн Цэнхэр сумын малчин С.Самбуудорж, III байранд Өвөрхангай аймгийн Уянга сумын малчин С.Доржхандын хөхүүр шалгарав.

Мөн хөдөө орон нутгийн оролцогч болон наадамчин олны дунд дэмбээний тэмцээнийг 2 удаа зохион байгуулж Булган аймгийн Сайхан сумын малчин А.Даваасүрэн, Өвөрхангай аймгийн Баян-Өндөр сумын иргэн Д.Батдорж нар түрүүллээ.

Санал болгох

Хар тамхины хэрэгт холбогдсон Нигери, Монгол иргэдэд ял оноолоо

Монгол, Нигери Улсын иргэдэд холбогдох хар тамхины хэргийн шүүх хурал өчигдөр Чингэлтэй дүүргийн Эрүүгийн хэргийн анхан шатны шүүхэд боллоо.

20 цагийн өмнө
Жүр үр ХХК-ийн зориулалтын бус тээврийн хэрэгслээр тээвэрлэж байсан 118 ширхэг бялууг дотоод хяналтаар устгуулжээ

Шинэ жилийн баярыг угтсан урьдчидан сэргийлэх хяналт шалгалт хийгдэж байна

21 цагийн өмнө
“Хөхүүрийн айраг исгэх уламжлал, холбогдох зан үйл” ЮНЕСКО-ийн хүн төрөлхтний соёлын биет бус өвийн жагсаалтад бүртгэгдлээ

Бүгд Найрамдах Колумби Улсын Богота хотноо 2019 оны 12 дугаар сарын 11-ний өдөр ЮНЕСКО-ийн Соёлын Биет Бус Өвийг Хамгаалах Конвенцийн Засгийн газар хоорондын хорооны 14 дүгээр хурлаар “Хөхүүрийн айраг исгэх уламжлал, холбогдох зан үйл” өвийг ЮНЕСКО-ийн Хүн төрөлхтний соёлын биет бус өвийн жагсаалтад бүртгэх асуудлыг хэлэлцэн баталлаа.

2 өдрийн өмнө
Монгол Улс Парисын хэлэлцээрт оруулах үндэсний зорилтоо шинэчилсэн анхдагчдын нэг боллоо

БОАЖ-ын сайд Н.Цэрэнбат тэргүүтэй Монгол Улсын төлөөлөгчид Уур амьсгалын өөрчлөлтийн тухай НҮБ-ын суурь конвенцийн Талуудын 25 дугаар бага хуралд оролцож байна.

2 өдрийн өмнө