Зэвсэгт хүчний Соёмбо сонин
Монгол Улсын Зэвсэгт хүчний сонин

"Аравт"-д оролцохоор Казахстан, Киргиз улсын багууд ирлээ

1
2019 оны 7 сарын 222019-07-22
"Аравт"-д оролцохоор Казахстан, Киргиз улсын багууд ирлээ

“Аравт” олон улсын морин цэргийн уралдаан анх удаагаа Монгол Улсад ирэх сарын 3-8-ны өдрүүдэд болох гэж байна. Энэхүү олон улсын уралдаанд оролцохоор ОХУ-ын цэргийн алба хаагчид энэ сарын 18-ны өдөр ирсэн бол өнөөдөр Казахстан, Киргиз улсын багууд хүрэлцэн ирлээ. Хоёр улсын баг тамирчдыг "Аравт" олон улсын морин цэргийн уралдаан зохион хорооны ажиллагааны ахлах, ЗХЖШ-ын Ажиллагааны удирдлагын газрын мэргэжилтэн, дэд хурандаа Ч.Бат-Эрдэнэ "Чингис хаан" олон улсын нисэх буудлаас угтан авсан юм. Тэрээр хоёр орны цэргийн алба хаагчдад "Та бүхэн манай сайхан оронд тавтай морил. Анх удаагаа Монгол Улсад зохион байгуулагдах гэж байгаа олон улсын уралдаанд оролцохоор хүрэлцэн ирсэнд ЗХЖШ-ын даргын нэрийн өмнөөс талархал илэрхийлье" гээд уралдаандаа амжилт үзүүлэхийг хүслээ. Үүний дараа хоёр орны баг тамирчдыг Зэвсэгт хүчний Сургалтын нэгдсэн төвд "Аравт" олон улсын морин цэргийн уралдаан зохион байгуулах хорооны штабын дарга, Зэвсэгт хүчний Хуурай замын цэргийн штабын дарга, хурандаа С.Дашзэвэг тэргүүтэй удирдлагууд хүлээн авлаа. 

"Аравт"-д найман орон оролцох бөгөөд үндсэн оролцогчоор Монгол, ОХУ, Казахстан, Киргиз улс, ажиглагчаар БНХАУ, АНУ, Зимбабве, Вьетнам зэрэг дөрвөн улс оролцох юм. Уралдаан ирэх сарын 3-8-ны өдрүүдэд Зэвсэгт хүчний Сургалтын нэгдсэн төвд явагдана. Тэр хүртэлх хугацаанд дөрвөн орны тамирчид морьтой дадлага сургалт хийж, соёл урлаг, спортоор "өрсөлдөж", Монгол Улсын зан заншил, түүх уламжлал, адууны өв соёлтой танилцах юм.

Гэрэл зургийг О.Мөнхбат

Санал болгох

 “Дөргөн” нуурт живсэн автомашиныг шуурхай татан гаргажээ

Тухайн автомашин нуурын эргээс 10 метр зайтай живсэн бөгөөд нуурын гүн 5 метр байжээ. Машин мөсөнд цөмөрч ороход жолооч, зорчигч 2 өөрсдөө гарсан байжээ.

1 цагийн дараа
Коронавируст халдварын 310 тохиолдол бүртгэгдлээ

Шинээр халдварласан тохиолдлын 3 нь зөөвөрлөгдсөн бол 144 нь нийслэлд, 152 нь хөдөө орон нутагт батлагджээ.

1 цагийн өмнө
Дэлхийн хотуудын олон улсын VI олимпиадад Улаанбаатар хотын баг оролцож байна

Мөн олон улсын 30 хотын багууд тоо, мэдээлэл зүй, хими болон физик гэсэн дөрвөн төрлөөр өрсөлдөж буй.

1 цагийн өмнө
“e-Mongolia” систем 4,8 тэрбум төгрөгийг улсын төсөвт төвлөрүүлжээ

Төрийн цахим үйлчилгээний нэгдсэн систем “e-Mongolia” 2020 оны аравдугаар сарын 01-нд олон нийтэд танилцуулагдсан цагаас хойш 1 жил гаруй хугацаа өнгөрчээ.

1 цагийн өмнө