Угаарын хийнд хордсон дуудлага тогтмол буурч байна

2020 оны 1 сарын 312020-01-31
Угаарын хийнд хордсон дуудлага тогтмол буурч байна


Сайжруулсан шахмал түлштэй холбоотой асуудлаар болон цаг үеийн бусад асуудлаар өнөөдөр НОБГ-ын Гамшгаас урьдчилан сэргийлэх хэлтсийн дарга, хурандаа Г.Нэргүй, нийслэлийн Мэргэжлийн хяналтын газрын дэд дарга С.Даваасүрэн, нар мэдээлэл хийлээ.

НОБГ-ын Гамшгаас урьдчилан сэргийлэх хэлтсийн дарга, хурандаа Г.Нэргүй “Яаралтай түргэн тусламжийн төвд дөрвөн өрхийн 8 иргэн эмнэлгийн тусламж үйлчилгээ зөвлөмжийг өгч ажилласан. Угаарын хий мэдрэгчийг нуг удаа үнэ төлбөргүй олгох ажлын хүрээнд 70 мянган мэдрэгчийн айл өрхүүдэд суурилуулах ажлын гүйцэтгэл 98 хувьтай байна. Сайжруулсан шахмал түлшийг гэр хорооллын иргэд түлж эхэлснээс хойш угаарын хийнд хордлоо гэх дуудлага аравдугаар сард 20 дуудлага бүртгэгдэж байсан бол арван нэгдүгээр сард 18 болж, арванхоёрдугаар сард 8 болтлоо буурч зарим өдөр дуудлагагүй хоносон байна. Онцгой байдлын газрын албан хаагчид, төрийн албан хаагчид гээд бүгд өдөр шөнөгүй ажиллаж байгаа. Сургууль цэцэрлэг ажиллахгүй байгаа энэ цаг үед эцэг эхчүүд хүүхэддээ тавих хараа хяналтаа сайжруулах шаардлагатай байна”гэлээ.

Нийслэлийн Мэргэжлийн хяналтын газрын дэд дарга С.Даваасүрэн “Нийслэлд түүхий нүүрс нэвтрүүлэхгүй байх чиглэлд хяналт шалгалтыг зохион байгуулж ажилладаг. Хяналт шалгалтын үед 1.6 тонн нүүрс тээвэрлэн явсаныг тогтоож зөрчлийн хэрэг үүсгэн торгуулийн арга хэмжээ авсан байна. Мөн иргэд угаарын хий мэдрэгч дохио өгсөнийг үл тоон угаартах эрсдэлтэй байна.Угаар мэдрэгч дохио өгсөн бол агаар сэлгэлт хийх шаардлагатай гэдгийг онцгойлон анхааруулмаар байна. Хичээл сургууль түр хаагдсан учраас ахмад настан,хүүхэд багачууд гэрт үлдэж байгаа болохоор ажиллагааны заавар зөвлөмжийг сайн дагах хэрэгтэй байна” гэлээ.

Нийслэлийн нутгийн захиргааны 120 байгууллага, ерөнхий боловсролын 197 сургууль, 237 цэцэрлэгт мэдэгдэл хүргүүлж, иргэд олон нийтэд халдварт өвчнөөс урьдчилан сэргийлэх зөвлөмж мэдээллийг хүргэн ажиллаж байна. Сургууль цэцэрлэгийн үйл ажиллагааг түр зогсоосон үед хүүхдийн аюулгүй байдлыг хангаж хараа хяналтаа сайжруулахыг албаныхан санууллаа.

НЗДТГ-ын Хэвлэл мэдээлэлтэй харилцах хэлтэс

Санал болгох

Алслагдсан дүүрэг, хороодын иргэд хотоос гарахдаа бичиг баримт, тодорхойлолтоо шалгуулна

Туул тосгон, Био комбинат, Өлзийт хороолол, 361-ийн гарам зэрэг газрын оршин суугчдыг хотоос орж гарахад иргэний бичиг баримтын хаяг, тээврийн хэрэгслийн гэрчилгээний хаяг, ажлын газрын үнэмлэх хаяг зэргийг шалгана.

3 өдрийн өмнө
"Санитол" үйлдвэрлэх нөөцийн асуудлыг шийдвэрлэв

Хотын захирагч С.Амарсайхан Багануур дүүрэгт үйл ажиллагаа явуулдаг "Монхимо" ХХК-ий эмийн үйлдвэрт ажиллалаа.

3 өдрийн өмнө
Нийслэлээс гарах, орох замын хөдөлгөөнийг хаалаа

Нийслэл тойрсон 8 хяналтын цэгт авто замын орох, гарах чиглэлийн хөдөлгөөнийг хаалаа.

3 өдрийн өмнө