Засаг дарга нарыг ажлаас нь чөлөөлөхөөр болжээ

2020 оны 6 сарын 292020-06-29
Засаг дарга нарыг ажлаас нь чөлөөлөхөөр болжээ

Ерөнхий сайд У.Хүрэлсүх зургаан аймгийн Засаг дарга болон Нийслэлийн Засаг дарга С.Амарсайханыг албан тушаалаас нь чөлөөлөхөөр болжээ. Нийслэлийн Засаг дарга чөлөөлөгдөхөөсөө өмнө Баянгол, Багануур дүүргийн Засаг дарга нарыг ажлаас нь чөлөөлөх юм байна.

Учир нь, шинээр сонгогдсон парламентын гишүүд тангараг өргөж, бүрэн эрхээ хэрэгжүүлэхээсээ өмнө УИХ-ын тухай хуулиар хавсран гүйцэтгэхийг зөвшөөрөөгүй ажил, албан тушаалаасаа чөлөөлөгдөх шийдвэр гаргуулсан байх ёстой. 

Тодруулбал:

  1. Дорноговь аймгийн Засаг дарга Төмөртогоогийн Энхтүвшин
  2. Сүхбаатар аймгийн Засаг дарга Жамбын Батсуурь
  3. Өвөрхангай аймгийн Засаг дарга Гочоогийн Ганболд
  4. Өмнөговь аймгийн Засаг дарга Нанзадын Наранбаатар
  5. Төв аймгийн Засаг дарга Жигжидийн Батжаргал
  6. Орхон аймгийн Засаг дарга Дамбын Батлут
  7. Нийслэлийн Засаг дарга Сайнбуянгийн Амарсайхан
  8. Багануур дүүргийн Засаг дарга Цэндийн Сандаг-Очир
  9. Баянгол дүүргийн Засаг дарга Салдангийн Одонтуяа нар нь УИХ-ын 2020 оны парламентын анхдугаар чуулганыг нээхээс урьтаж, Ерөнхий сайд, хотын даргын шийдвэрээр ажлаасаа чөлөөлөгдөх ёстой юм.

Олны яриагаар өнөөдөр УИХ-ын гишүүний үнэмлэхийг шинээр сонгогдсон гишүүдэд олгосон тул тангаргийг энэ долоо хоногт өргүүлэх магадлалтай байгаа юм. Тэгэхээр дээрх есөн Засаг даргаас гадна НИТХ-ын төлөөлөгч Энхтайваны Бат-Амгалан УИХ-ын гишүүн болсон тул уг албан тушаалаа бас өгөх нь ээ.

Санал болгох

Өнөө орой УИХ-ын гишүүдийн танилцах үдэшлэг болно

2020 оны УИХ-ын сонгуульд Монгол Ардын нам 62, Ардчилсан нам 11 суудал авсан юм. Харин бие даан нэр дэвшигчдээс Н.Алтанхуяг, Та бидний эвслээс С.Ганбаатар, Зөв хүн электорат эвслээс Т.Доржханд нар ялалт байгуулж, парламентад суудал авсан билээ. 

3 өдрийн өмнө
Халдашгүй байдлын дэд хорооны даргаар Н.Энхболдыг сонголоо

Улсын Их Хурлын гишүүний халдашгүй байдлын дэд хороо анхны хуралдаанаа хийж, дэд хорооны даргаар Улсын Их Хурлын гишүүн Н.Энхболдыг сонголоо.

4 өдрийн өмнө
Ерөнхий сайд У.Хүрэлсүх Монгол Улсын Ерөнхийлөгч Х.Баттулгад бараалхлаа

Үндсэн хуулийн Гучин есдүгээр зүйлийн 3 дахь хэсэгт заасны дагуу Ерөнхий сайд өнөөдөр Засгийн газрын бүтэц, бүрэлдэхүүний талаарх зөвшилцөх саналаа холбогдох хуулийн төслүүдийн хамт Монгол Улсын Ерөнхийлөгчид ирүүлэв.

4 өдрийн өмнө
УИХ-ын Халдашгүй байдлын дэд хорооны гишүүдийг баталлаа

Олонхийн саналаар дэмжсэн тул УИХ-ын Халдашгүй байдлын дэд хорооны гишүүнээр Н.Энхболд С.Батболд, Б.Бат-Эрдэнэ, С.Бямбацогт, Ц.Мөнх-Оргил нарыг сонголоо. 

4 өдрийн өмнө