Ерөнхийлөгчийн "юм"-ыг наадмаас ч өмнө өчнөөн дэмжжээ

1
2020 оны 7 сарын 32020-07-03
Ерөнхийлөгчийн "юм"-ыг наадмаас ч өмнө өчнөөн дэмжжээ

Төрийн мөнгөөр өөрсдийгөө тэтгэсэн гишүүдийг шүүмжилсэн Ерөнхийлөгч Х.Баттулгын хамаарал бүхий төслүүдэд төрийн хайр халамж хангалттай л очиж байна.

Хамгийн сүүлд Төрийн наадмыг өөрийнх нь 13 дугаар зуун цогцолборын ойролцоо 3 тэрбум төгрөг зарцуулан хийж, Херо энтертайментаар нэвтрүүлэг бэлтгүүлнэ гэсэн мэдээлэл гарлаа.

Үүнээс өмнө Майдар хотыг нийслэлийн дагуул хот болгох Засгийн газрын тогтоол гарсан. Түүнээс өмнө Монголын үндэсний кино үйлдвэрийн шавыг энэ хотод буюу Төв аймгийн Эрдэнэ сумын нутагт тавьсныг иргэд санаж байгаа байх.

Ерөнхийлөгч Х.Баттулгын УИХ-ын гишүүн байхдаа санаачилсан Их майдар төслийн бүтээн байгуулалт өнгөрсөн нэг жилийн хугацаанд чамгүй урагштай яваа нь бас л төртэй холбоотой.

50 метр өндөр Цонжинболдогийн Чингисийн морьт цогцолборт Улаанбаатарт ирсэн дотоод, гадаадын жуулчдын аялалын хөтөлбөрт заавал ордог. Тэгвэл Их майдар төслийн хүрээнд хэрэгжүүлэх 108 метр өндөр суварга, 54 метр бурханы баримал бүхий Майдар цогцолбор нь түүнээс ч илүүгээр жуулчдын сонирхлыг татах нь гарцаагүй. Засгийн газрын хуралдаанд Ерөнхий сайд У.Хүрэлсүх төслийг дэмжиж, Их майдар төсөл хэрэгжих 12 мянган га талбайг улсын тусгай хамгаалалтад авсан. Бүр өнгөрсөн оны есдүгээр сарын 5-нд дахин дэмжиж БНХАУ-аас 23 ажилчин оруулж ирэх зөвшөөрлийг нь өгчээ. Ерөнхий сайд У.Хүрэлсүх, Ерөнхийлөгч Х.Баттулга хоёрын хүчээ нэгтгэж буй Майдар төсөлд ажиллах 23 хятадыг ажиллах хүчний татвараас хараахан чөлөөлөөгүй юм.

chinaa.jpg

Legalinfo.mn сайтад байршуулсан “Ажиллах хүч, мэргэжилтэн авах тухай” Засгийн газрын 279 дүгээр тогтоолоор “Их майдар сан”-гийн захиалгат 23-аас гадна Сүхбаатар аймгийн Түмэнцогт суманд хайлуур жонш олборлох, баяжуулах үйл ажиллагаа эрхлэх “Монголжүюаньли” ХХК-ийн 8, Дундговь аймгийн Баянжаргалан суманд Мануултын жоншны уурхайд далд аргаар олборлолтын үйл ажиллагаа эрхлэх “Үнэн анд” ХХК-ийн 8, Боловсрол, соёл, шинжлэх ухаан, спортын яамтай байгуулсан гэрээний дагуу ерөнхий боловсролын сургуулиудын англи хэлний багш нарын мэргэжил дээшлүүлэх сургалт явуулах Америкийн Нэгдсэн Улсад төвтэй “Англи хэлний институт” төрийн бус байгууллагын 1, Өмнөговь аймгийн Гурвантэс сумын Хүрэншандын нүүрсний уурхайг түшиглэн нүүрс угаах үйлдвэр ажиллуулах “Өсөх зоос” ХХК-ийн 30 гадаадаас авах ажиллах хүч, мэргэжилтэнд Монгол Улсад 2018 онд хөдөлмөр эрхлэх зөвшөөрлийг зохих журмын дагуу олгохыг Хөдөлмөр, нийгмийн хамгааллын сайд С.Чинзоригт зөвшөөрч, эрүүл мэндийн үзлэгч хамруулахыг Эрүүл мэндийн сайд Д.Сарангэрэлд даалгажээ.

“Их майдар сан” ТББ нь Их майдар төсөлдөө ажиллуулахаар БНХАУ-аас ийнхүү 233 ажилтан оруулж ирэх зөвшөөрөл аваад байна.

Тухайлбал, Засгийн газрын 78 дугаар тогтоолоор 2014 онд “Төв аймгийн Сэргэлэн суманд Их майдар бурханыг бүтээх ажил гүйцэтгэх” зориулалтаар 50 ажилтан оруулж ирсэн.

chinaaa.jpg

Түүнээс өмнө 2013 онд Засгийн газрын 184 дүгээр тогтоолоор “Төв аймгийн Сэргэлэн сумын нутаг дэвсгэрт 54 метр өндөр Их майдар бурхныг төмөр бетон суурин дээр угсарч суурилуулах ажлыг гүйцэтгэх” зориулалтаар 60 хятад ажилтан оруулж ирж байжээ.

china.jpg

Санал болгох

Хонгил нурах уу: Цагдаагийн дөрвөн ч дарга МАН-д элслээ

Араа санаж, алсаа бодож цагдаа нар гэмт хэрэгтэй хэрэгтэй ажилладаг, дарга нар нь дэвших, дэвжихээ бодоод улстөрчидтэй сүжирдэг болчихвол цагдаагийн цагаан шонхор хараах байлгүй дээ. Ийм учраас наанадаж цагдаа, цэрэгт байсан, прокурор, шүүхэд байсан хүмүүсийг улс төрийн албан тушаалд томилохыг хориглох шаардлагатай. Тэгэхгүйгээр хуулийнхан улстөрждөг, улстөрчидтэй сүжирдэг, чиглэл авдаг гэх яриа багасахгүйгээр үл барам өнөө цагт хамгийн их ярьдаг “Шударга бусын хонгил” гээч нурахгүй.

2 сарын өмнө
Шинэ Засгийн газарт Ерөнхийлөгчийн өгсөн даалгавар

Намрын чуулганы төгсгөлд Засгийн газраа чирч огцорсон У.Хүрэлсүхийн шийдвэр Ерөнхийлөгчийн сонгуулийн улстөр албан ёсоор эхэлснийг бидэнд сануулав. УИХ-ын индрээс “Олон нийтийн бухимдлыг улс төрийн үйл ажиллагаанд ашиглаж, санхүүжүүлсэн Ерөнхийлөгчтэй хариуцлага тооцох ёстой гэж МАН-ын даргын хувьд үзэж байна” гэв. Бэлтгэл хурандаа У.Хүрэлсүх окопноосоо ирэх гуравдугаар сарын 1-нд тохиох Эх орончдын баяраас наана гарч ирэхгүй нь тодорхой болов. Ардын хувьсгалын 100 жилийн ойн нээлт, гуравдугаар сарын 15-нд эхлэх УИХ-ын хаврын ээлжит чуулган дээр У.Хүрэлсүхийн юу хэлэх нь сонин байна.

2 сарын өмнө
Ц.Насанбат: Хөөн хэлэлцэх хугацааг нь сэргээж шүүхээр шийдүүлсэн хэрэг байхгүй

Өмнөх парламентын үед 2017 онд Хууль зүйн байнгын хорооны дарга байхдаа Ш.Раднаасэд гишүүн санал гаргаж, Хууль зүйн байнгын хорооны хурал дээр Дээд шүүхийн шүүгчээр томъёолол хэлүүлэн хөөн хэлэлцэх хугацааг Эрүүгийн хуулиар өөрчлөх эхлэлийг тавьсан. Ингэснээр авлига, албан тушаалын олон гэмт хэрэг хөөн хэлэлцэх хугацааны цоорхойгоор хүчингүй болох үр тарив.

3 сарын өмнө
Нисдэггүй бор морь буюу Хэвлэлийн эрх чөлөөний хууль

ҮАБЗ-ийн гурван гишүүний хэвлэлийн эрх чөлөөг бэхжүүлэх тухай үгс улиг болжээ. Хэвлэлийн эрх чөлөөний тухай хуулийн төсөл яав аа. Өнөө УИХ, Засгийн газар нь нисдэг бор морийг нь ид гээд явуулсан юм уу, нисдэггүй бор морийг нь идээд ир гэсэн юм уу.

4 сарын өмнө