Б. Бат-Эрдэнэ
Редактор

Коронавирус, кембриж, түгжрэл...

2020 оны 8 сарын 212020-08-21
Коронавирус, кембриж, түгжрэл...

Сургууль хоёр цагаар хичээллэнэ, хоёр настнуудыг цэцэрлэгт авахгүй гээд энэ хичээлийн шинэ жил төвөгтэй эхлэх бололтой. Цэцэрлэггүй үлдсэн 77 мянган хоёр настнуудыг хэн харах вэ, хоёрхон цаг хичээллэх хүүхдүүдээ хэн зөөх вэ гээд толгойны өвчин улам  нэмэгдэж таарах нь. Дээрээс нь нэмээд замын түгжрэл, боловсролын чанар, багш нарын цалин гээд уламжлалт асуудлууд ч ар араасаа урган гарч ирэх нь тавилан юм.

Хоёр цаг тутам ээлж солигдож буй сургуулийн сурагчдыг зөөнө гэхээр замын түгжрэл улам нэмэгдэнэ. Өглөө, өдөр, орой гэсэн түгжрэлийн давтамж хоёр цаг тутам болж нэмэгдэж таарна. Жигдэрч ядаж байсан сургуулийн автобусууд ч энэ жил холион бантан болох нь дамжиггүй.  Нэг ангид 20-оос доошгүй хүүхэд буюу 60 хүүхэдтэй ангийг гурав хувааж хичээллүүлнэ гэснээр энэ балай хоёр цагаар хичээллэх зохицуулалт үүссэн шүү дээ. Уг нь анхнаасаа л нэг ангид 60 биш 20-25 хүүхэд суралцах боломжтой хангалттай олон сургууль байсансан бол...

Дээр нь нэмээд ажил, цэцэрлэг тарах цагаар түгжрэл нь таг гацаа болж хувирдаг. Хамгийн хэцүү асуудал нь эцэг эхчүүд цэцэрлэгийн хүүхдээ 18.00 цагаас өмнө авахын тулд ажлаасаа нэг цаг тасалдаг байдал. Энэ асуудлыг шийдэх хэрэгтэй гэдгийг Ерөнхийлөгч Х.Баттулга хэдэн жилийн өмнө хэлж байсан санагдана. Төрийн албан хаагчдын ажлын цаг, цэцэрлэгийн тарах цагийг зөрүүлж чадахгүй байгаа Боловсролын яам илүү том асуудлыг шийдэж чадахгүй шүү гэж хэлж байсныг ч тод санаж байна.

Ингээд доодос бид хүүхдээ яаж зөөх вэ, замын түгжрэл гэж санаа зовж суухад харин дээдсүүд кембрижийн хөтөлбөр, боловсролын системийн шинэчлэл гэх мэт том том юм ярьсаар л...

Саалиа бэлдэхээр саваа бэлд гэдэг дээ. Элдэв том хөтөлбөр ярихын өмнө эхлээд ядаж нэг ангид 60 хүүхэд чихцэлдэх шаардлагагүй хангалттай олон сургуулийн барилга бариад өгсөн бол ч өдийд тэд тасарч хичээллэнэ, эд хувааж хичээл орно гээд сууж байхгүй л байсан байх.

Цэцэрлэг тарах цагийг ажил тарах цагаас зөрүүлээд, орон сууцны хороолол бүрд хүүхэд нь хангалттай багтахаар цэцэрлэг, сургууль барьдаг болчихвол кембриж байтугай тус болох гээд байна шүү.

Ташрамд дурьдахад, нэг сурагчид ногдох хичээллэх талбайг 6 м.кв-аас дээш гэж заасан байдаг. Энэхүү стандартаар соц үеийн сургуулийн барилгын нэг анги танхимд 20-25 хүүхэд л хичээллэх боломжтой юм.

Санал болгох

Метаверс ба эрх зүйн зохицуулалт

Метаверс хэмээх үгийг анх 1992 онд шинжлэх ухааны уран зөгнөлт зохиолч Нил Стефенсон “Цасны сүйрэл” романдаа хэрэглэсэн нь өдгөө дэлхий даяар тархаад буй 3D виртуал ертөнцөд суурилсан нийгмийн харилцааны сүлжээний нэршил болоод байна. Mетаверс нь “Meta”+“Verse” гэсэн үгсийн нэгдэл бөгөөд “Орчлон ертөнцөөс цааш” хэмээх утгыг илэрхийлдэг.

5 өдрийн өмнө
Дэлхийн хямралт цаг үе ба эрсдэлийг сөрөх Ерөнхийлөгчийн санаачилга

НҮБ-ын ХХААБ-ын тооцооллын дагуу 2022 онд дэлхийд өлсгөлөн, шим тэжээлийн дутагдалд орох эрсдэлтэй хүний тоо 7.6 сая, 2023-2024 онд 13.1 сая хүнээр нэмэгдэх эрсдэл байна.

10 өдрийн өмнө
Өнгөт хувьсгалд тролл ашиглах нь

Сошиал сүлжээ нь сайн санаа агуулж нийгэмд тулгамдаж буй бэрхшээлтэй асуудлыг шийдвэрлэхэд ач холбогдолтой хүчтэй хэрэгсэл хэдий ч  өөр санаа агуулсан хүмүүс санаатай болон санамсаргүйгээр нийгмийн сэтгэл санааг зохиомлоор тогтворгүй болгож, энэ нь  даамжирч эмх замбараагүй, нийгэмд аюултай байдалд  хүргэх эрсдэлтэй юм.

14 өдрийн өмнө
ҮХНӨ ба “өнгөт хувьсгал”-ын хамаарал

Их гүрнүүд өөрийн нөлөөний “буфер” улсад нөлөөгөө улам бэхжүүлэх, өөрийн ашиг сонирхлыг гүйцэлдүүлэх таатай хөрс бий болгохыг эрмэлздэг. Нөгөө тохиолдолд их гүрнүүд өрсөлдөгч гүрнийхээ нөлөөний “буфер‘ улсад тогтворгүй байдал үүсгэх замаар тэр хоёрын дунд урт хугацааны хурцадмал байдлыг бий болгохыг мөн эрмэлзэж байдаг. Аль нь ч байсан “буфер” улсын улстөр, эдийн засаг, нийгмийн тогтолцоог бүрэн хамарсан хямралд байнга байлгах замаар “өнгөт хувьсгал” хийх хөрсийг хадгалдаг, шаардлагатай тохиолдолд бие биеийн эсрэг ээлжлэн “өнгөт хувьсгал” хийдэг байна.

16 өдрийн өмнө