Б.Алтанцэцэг: Хүүхдээ цэцэрлэгт хамруулснаар эцэг эхийн цалин 6-15 хувь өсдөг

2020 оны 9 сарын 72020-09-07
Б.Алтанцэцэг: Хүүхдээ цэцэрлэгт хамруулснаар эцэг эхийн цалин 6-15 хувь өсдөг

МУИС-ийн Эдийн засгийн тэнхимийн багш нар “Эмэгтэйчүүдийн хөдөлмөр эрхлэлт, хүүхдийн эрүүл мэнд, хөгжилд улсын цэцэрлэгийн үзүүлэх нөлөө” судалгааны үр дүнг өнөөдөр танилцууллаа.  Судалгааг БШУЯ, Нийслэлийн боловсролын газар, Боловсролын хүрээлэнтэй хамтран хэрэгжүүлж, 2017-2020 оны хооронд нийслэлийн 4000 мянга гаруй өрхийг гурван удаагийн түүвэр судалгаанд хамруулжээ.

Судалгааны гол үр дүнгүүдээс товчхон танилцуулахад:

  • Улсын цэцэрлэгийн хөтөлбөр нь ээж, аавын хөдөлмөр эрхлэлтийг дэмжиж, өрхийн орлогыг нэмэгдүүлж байна.
  • Бага насны олон хүүхэдтэй ээжүүдэд илүү их эерэг нөлөө үзүүлж байна. 
  • Элсэлтийн эхний жил бага насны хүүхдүүдийн өвчлөл нэмэгдэж байгаа нь харагдсан.Харин дараагийн жилээс өвчлөл багассан. 
  • Сугалаагаар элсэлтийн тасалбар аваагүй хүүхдүүд цэцэрлэгт хамрагдсан байсан. 

ЭЦЭГ ЭХИЙН ХӨДӨЛМӨР ЭРХЛЭЛТЭД ҮЗҮҮЛСЭН НӨЛӨӨ

  • Хүүхдээ цэцэрлэгт өгсөн ээжийн тухайн үеийн ажил эрхлэлт 8.3 хувиар, аавынхыг 2.9 хувиар өсдөг
  • Ээж, аавын цагийн цалин 6 хувиар өсдөг /Таваас доош насны нэгээс олон хүүхэдтэй ээжийн цагийн цалин 15.5 хувиар өсдөг/
  • Ээжийн албан секторт ажиллах магадлал буюу хөдөлмөрийн гэрээтэй ажиллах магадлал 10.8 хувиар өсдөг
  • Хүүхдээ цэцэрлэгт өгсөний дараа аавын ажил эрхлэлт 3 хувиар нэмэгддэг.

ХҮҮХДИЙН ЭРҮҮЛ МЭНДЭД ҮЗҮҮЛСЭН НӨЛӨӨ

  •  Ханиад томууны тохиолдол 9.5 хувиар өссөн
  • Эмнэлэгт үзүүлсэн тоо нь 15.5 хувиар өссөн
  • Халдварт өвчний тохиолдол 33 хувиар өссөн
  • Эмчилгээ, эм уух давтамж нь 37 хувиар өссөн.

МУИС-ийн Эдийн засгийн тэнхимийн дэд профессор Б.Алтанцэцэг “Улсын цэцэрлэгт хамрагдах нь богино хугацаанд хүүхдийн эрүүл мэндэд сөрөг нөлөөтэй. Харин дунд хугацаанд эрүүл мэндэд үзүүлэх сөрөг нөлөө алга болсон. Мөн бид судалгаанаас хоёр настай хүүхдэд хүрч байгаа цэцэрлэгийн үйлчилгээ эерэг нөлөө авчирч байна гэж харж байгаа. Учир нь өрхийн орлогод сайнаар нөлөөлж байна. Гэхдээ хүүхдийн эрүүл мэнд талаас нь харвал эхний жилдээ өвчлөл өндөр байгаа юм. Элсэлтийн эхний жилд өвчлөл яагаад өндөр байгааг цаашид нарийвчлан судлах шаардлагатай байгаа" хэмээв.

Санал болгох

Б.Сүндаръяа: Ц.Анандбазарын бэлгийн дарамтад өртсөн 1000 гаруй эмэгтэй надад хандсан

Бэлгийн дарамт учруулсан тухайгаа цахим хуудаст мэдээлснээс хойш өнгөрсөн 20 жилийн хугацаанд Ц.Анандбазартай холбоотой түүнд дарамтлуулсан 1000 гаруй эмэгтэй надад хандсан. Энэ хүмүүс мэдүүлэг өгөхөд бэлэн байгаагаа хэлсэн. Багадаа хүчирхийлэлд өртөж байсан гэх мэт. Ямартай ч хуулийн байгууллага үнэн зөв шийдэж өгөх байх" гэлээ.

2 цагийн өмнө
Иргэн Б.Сүндэръяа ЦЕГ-т өмгөөлөгчийн хамт албан ёсоор гомдол гаргалаа

Иргэн Б.Сүндэръяа өөрийн цахим хуудаснаа хүчирхийлэлд өртсөн тухайгаа дөрөвдүгээр сарын 11-ний өдөр мэдээлсэн. Өнөөдөр тэрээр үүнтэй холбоотойгоор цагдаагийн байгууллагад гомдол гаргаж байна. Ингэхдээ гурван гэмт хэргийн шинжтэй үйлдлийн талаар гомдол гаргаж байгаа тухай түүний өмгөөлөгч хэллээ. 

2 цагийн өмнө
ЭМЯ: Вакцин хийлгэсэн 2304 хүн халдвар авч, гурван хүн нас барсан

ЭМЯ-наас өгсөн мэдээллээр, вакцины эхний тунгаа хийлгэсэн 2304 хүн халдвар авч, гурван хүн нас баржээ.

4 цагийн өмнө
Вакцин хийлгэж ковидоор нас барсан ГУРВАН ТОХИОЛДОЛ гарчээ

Ихэнх иргэд дархлаажуулалтад хамрагдсанаас хойш 21 хоногийн хугацаанд халдвар авсан болох нь тогтоогджээ. Вакцин хийлгэж ковидоор нас барсан гурван хүний хоёр нь Синофарм, нэг нь Файзер үйлдвэрийн вакцин хийлгэсэн байжээ.

4 цагийн өмнө