Хогоо ангилаагүй иргэнийг 50 мянган төгрөгөөр торгоно

4
2020 оны 9 сарын 82020-09-08
Хогоо ангилаагүй иргэнийг 50 мянган төгрөгөөр торгоно

Нарангийн энгэр, Цагаан даваа, Морин давааны хогийн цэг. Эдгээр хогийн цэгт жилдээ 1.5 сая тонн хог хаягдал очдогоос 24 хувь буюу 344 тонн хогийг манай улс дахин боловсруулдаг байна. Бид уг нь 85 хувь буюу 1.2 сая тонныг дахин боловсруулах боломжтой аж. Харин бусад хог хаягдлыг булахад жилд жилд 2 тэрбум төгрөг зарцуулдаг байна.  

Мөн эдгээр хогийн цэг дээр 1000 орчим хүмүүс хог түүж, өдөрт 40-250 мянган төгрөгийн орлого олж байна. Тэд яагаад хогийн цэг дээрээс орлого олоод байгаа юм бэ гэж үү. Учир нь тэнд дахин боловсруулах боломжтой хог хаягдал их хэмжээгээр очоод байгаа юм. Иргэдийн ангилсан хогийг,  манай улсад үйл ажиллагаа явуулдаг 34 үйлдвэр худалдан авч, дахин боловсруулдаг байна.

Хэрэв бид гэртээ хогоо ангилж, ангилсан хогоо орцынхоо гадна мөн ангилан хийвэл хогийн цэг рүү биш дахин боловсруулах үйлдвэр рүү шууд очдог болох юм. Ингэснээр ангилан ялгаагүй хогийн цэг дээр эрүүл мэндээрээ хохирон өөрөө өөртөө ажлын байр бий болгож 1000 хүн үйлдвэр дээр ажиллах боломжтой болох юм. Мөн бид хог хаягдлынхаа 15 хувийг л хогийг төвлөрсөн хогийн цэгүүд дээр аваачихаас гадна хөрсний болон агаарын бохирдол буурах юм.

Picture1.png

ХОГИЙН ЦЭГҮҮД ДҮҮРЧИХВЭЛ...

Улаанчулуутын хогийн цэг ангилах боломжгүй хог хаягдлаар дүүрээд хаагджээ. Мөн өнөөдөр Цагаан даваа, Нарангийн энгэрийн хогийн цэг дүүрэх гэж байгаа аж. Хэрэв эдгээр хогийн цэг дүүрчихвэл бид хогоо тээвэрлээд Улаанбаатар хотоос 40-50 км явж байж хаях юм. Ингэхгүйн тулд бид хогоо ялгаж, ангилах шаардлагатай болоод байгаа юм.

Мөн нийслэлээс хог хаягдлаа ангилаагүй иргэний 50 мянга болон түүнээс дээш, АНН-ийг 300 мянга болон түүнээс дээш мөнгөн дүнгээр торгох, АНН-үүд хогоо ангилахгүй бол худалдаа үйлчилгээний гэрээг сунгадаггүй аж.

Зөрчлийн тухай хуулийн 6.1 дүгээр зүйлд:

  • 6.2 Энгийн хог хаягдлыг ангилах журмыг зөрчсөн нь эрүүгийн хариуцлага хүлээлгэхээргүй бол учруулсан хохирол, нөхөн төлбөрийг гаргуулж хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно.
  • 7.1.энгийн хог хаягдлаа ангилан ялгахагүй бол  учруулсан хохирол, нөхөн төлбөрийг гаргуулж хүнийг гучин нэгжтэй тэнцэх хэмжээний төгрөгөөр, хуулийн этгээдийг гурван зуун нэгжтэй тэнцэх хэмжээний төгрөгөөр торгоно гэсэн заалтууд байдаг аж.

ХОГОО ХЭРХЭН АНГИЛЖ ХАЯХ ВЭ?

Бид лаазыг гишгэж жижиг болгох, хуванцар савны таглааг авч гишгэж, хавтгай болгох, гялгар уут болон картон цаасыг эвхэж овор хэмжээг нь багасгах боломжтой юм.  Хог хаягдлын овор хэмжээг бууруулснаар,

  • Хог тээврийн хог ачилтын тоо цөөрч,зардал буурч, цаг хугацааг хэмнэнэ.
  • Хогийн  сав, хогийн уут амархан дүүрэхгүй 
8.jpg

ХОГ ХАЯГДЛЫН ХОР ХӨНӨӨЛ

Бидний хаясан хог хаягдал байгаль орчныг бохирдуулаад зогсохгүй, хүн болон амьтны эрүүл мэндэд сөргөөр нөлөөлж байдаг. Өөрөөр хэлбэл хог хаягдал идсэн мал, амьтны махыг бид хоол хүнсэндээ хэрэглэж, өөрсдөө давхар хордож байдаг. Улмаар хавдар, астма, харшил, халдварт өвчин, сүрьеэ, ханиад, суулгалт, гар, хөл, амны, өвчин тусдаг байна.

ХОГ ХАЯГДЛААР ЮУ ХИЙДЭГ ВЭ?

 

7.jpg

 

 

6.jpg

 

Санал болгох

Сэрэмжлүүлэг: Ихэнх нутгаар цас орж, 40 хэм хүрч хүйтэрнэ

2022 оны арваннэгдүгээр сарын 27-ны өдрөөс эхлэн ихэнх нутгаар, тэр дундаа Улаанбаатар хотод цас орж, цочир хүйтрэхийг Цаг уур, орчны шинжилгээний газраас анхааруулж байна.

1 өдрийн өмнө
ДОРНЫН ЗУРХАЙ: Үс засуулбал хэл ам, хэрүүл тэмцэл ирнэ

ӨВЛИЙН ТЭРГҮҮН ЦАГААГЧИН ГАХАЙ САРЫН ДОЛООН УЛААН ХАР МОРЬ ӨДӨР

2 өдрийн өмнө
ЦАГ АГААР: Өдөртөө 16 хэм хүйтэн байна

Өнөө шөнө төв болон говийн аймгуудын нутгийн зүүн хэсэг, зүүн аймгуудын ихэнх нутгаар, маргааш өдөр баруун аймгуудын нутгийн баруун, зүүн аймгуудын нутгийн зүүн хэсгээр цас орж, цасан шуурга шуурч, ихэнх нутгаар хүйтрэхийг анхааруулж байна

2 өдрийн өмнө
У.Хүрэлсүх: Монгол Улс Чингис хаан судлалаар дэлхийд манлайлж байх учиртай

Монгол Улсын Ерөнхийлөгч Ухнаагийн Хүрэлсүх Их эзэн Чингис хааны мэндэлсний 860 жилийн ойд зориулсан Улсын Их Хурлын хүндэтгэлийн чуулганд оролцлоо.

2 өдрийн өмнө