Н.Төгсцогтын тулаан Монголд албан ёсны эрхтэйгээр гарна

1
2020 оны 9 сарын 142020-09-14
Н.Төгсцогтын тулаан Монголд албан ёсны эрхтэйгээр гарна

Энэ долоо хоногт “King Tug” WBC холбооны аваргын бүсийн төлөө дахин хүч үзэхийн тулд Кобиа Брийдиг ялах ёстой.

Мэргэжлийн боксын IBO холбооны аварга, МУГТ “King Tug” хочит Нямбаярын Төгсцогт энэ оны эхээр мэргэжлийн боксын рингэн дээр 12 дахь тулаанаа хийсэн билээ. Тэрээр WBC холбооны аварга Гари Расселлтай 12 раундын турш тулалдаж, мэргэжлийн бокс руу шилжсэн цагаасаа хойш анхны ялагдлаа хүлээсэн. Харин одоо энэ долоо хоногийн сүүлээр буюу 09-р сарын 20-нд АНУ-ын Конниктикет мужийн Анкасвилл хотын Мохегон Сан Казинод ээлжит тулаанаа хийх гэж байна. Хэрэв тэрээр энэхүү тулаандаа ялвал WBC холбооны аваргын бүсийн төлөө Гари Расселлтай дахин тулалдах эрхтэй болно.

Түүний энэ удаагийн өрсөлдөгчөөр Барбадос улсын тамирчин Кобиа Брийди байх болно. Одоогоор 28 настай тэрээр 2014 онд мэргэжлийн бокс руу шилжиж, нийт 15 тулаан хийснээс бүх тулаандаа ялалт байгуулсан. Тэр дундаа 5 өрсөлдөгчөө хүнд цохилтоор буулган авсан юм. 

Анхны гарсан төлөвлөгөөний дагуу Н.Төгсцогттой Мексикийн боксчин Эдуардо Рамирес тулалдах байсан боловч, харамсалтай нь тэрээр тулаанаас 2 долоо хоногийн өмнө коронавирус тусч тулалдах боломжгүй болсон билээ.

09-р сарын 20-ны өдөр Улаанбаатарын цагаар 09:00 цагаас эхлэх энэхүү тулаан Монголд албан ёсны эрхтэйгээр гарах бөгөөд Юнивишний хэрэглэгчид 88-р сувгаар, ДДишийн хэрэглэгчид 900-р сувгаар, бусад кабелийн хэрэглэгчид LookTV аппликейшнээр хүлээн авч үзэх боломжтой юм. Тулааныг дээрх сувгуудаар үзэх үнэ 6000₮ байх ажээ.

Санал болгох

Монгол Улсын гавьяат тамирчин М.Уранцэцэг Доха мастерсаас хүрэл медаль хүртлээ

Жин тус бүрийн дэлхийн чансааны эхний 32-т эрэмбэлэгддэг шилдгүүд чуулсан уг тэмцээний эмэгтэйчүүдийн 48 кг-ийн жинд барилдсан Монгол Улсын гавьяат тамирчин М.Уранцэцэг хүрэл медаль хүртсэн байна.

16 өдрийн өмнө
Хакүхо М.Даваажаргал коронавирусийн халдвар авчээ

Мэргэжлийн сүмогийн их аварга Хакүхо М.Даваажаргал COVID-19 халдвар авсныг NHK мэдээлжээ.

23 өдрийн өмнө
Хөлбөмбөгийн шилдгүүдийг цахимаар шалгаруулна

Монголын хөлбөмбөгийн холбоо 2015 оноос Монголын шилдэг хөл бөмбөгчдийг тодруулах "Алтан бөмбөг" ёслолын ажиллагааг эхлүүлсэн түүхтэй. Тэгвэл энэ жил цаг үеийн нөхцөл байдлаас шалтгаалан SPS телевизтэй хамтран Виртуал хэлбэрээр зохион байгуулахаар болжээ.

2 сарын өмнө
Нийслэлийн 381 жилийн ойд зориулсан барилдаанд  М.Бадарч түрүүллээ

Нийслэлийн өдөрт зориулсан уламжлал болгон зохион байгуулагддаг тус барилдаанд шинэ аварга П.Бүрэнтөгсөөр магнайлуулсан 256 бөх авхаалж самбаа, хурд хүчээ сорин барилдсанаас Архангай аймгийн Цэнхэр сумын харьяат, Бөхбилэгт дэвжээний бөх, улсын шинэ заан М.Бадарч 8 даван түрүүлж, Төв аймгийн Баянчандмань сумын харьяат, Дүнжингарав дэвжээний бөх аймгийн хурц арслан Э.Ууганбаяр үзүүрлэв. Харин их шөвөгт Ховд аймгийн Зэрэг сумын харьяат, Ховд дэвжээний бөх, улсын харцага Б.Бат-Өлзий, Хөвсгөл аймгийн Их –Уул сумын харьяат,  Хөвсгөлийн Хүчтэн дэвжээний бөх, улсын начин Б.Даваа-Очир нар шалгарлаа.

3 сарын өмнө