Манай сайт тавдугаар сараас эхлэн “13 асуулт” буланг хөтөлж буй бөгөөд өмнөх дугаарт орчуулагч Ж.Тэгшзаяа оролцсон юм. /ӨМНӨХИЙГ ЭНДЭЭС/
Харин бид энэ удаа дуучин "Magnolian"-ийг урилаа. Таныг ч бас урьж байна.
__________________________________________________
-Ямар ч мөнгөгүй болчихвол хамгийн түрүүнд юу хийж мөнгө олох вэ?
-Утасны дугаараа зарах байх.
-Бусдаас сонсоход урамтай үг?
-Өөртөө итгэлгүй байхад таны дуулсан дуу, хийж байгаа ажил надад урам зориг өгсөн шүү гэсэн үг сонсох хэзээд сайхан байдаг.
-Та шударга хүн үү?
-Шударга байхыг хичээдэг.
-Урам зориггүй үедээ хэрхдэг вэ?
-Хааяа тархиа унтраах хэрэгтэй үедээ “Netflix” орж кино үздэг.
-Таныхаар эд баялаг гэж юу вэ?
-Эд хөрөнгө дуусна. Харин хэн ч хулгайлах боломжгүй эд баялаг бол мэдлэг.
-Найзынхаа эхнэртэй хайр сэтгэлийн холбоотой байсан бол яах байсан бэ?
-Найзыгаа хөнөөгөөд, эхнэрийг нь авч сууна даа.
-Аминд тулсан шаардлагатай үе гарвал хулгай хийх үү?
-Хийхгүй байхаа.Гэхдээ одоо хийхгүй гэж хэлж байгаа ч цаг нь тулах юм бол хийж магад.
-Та хамгийн сүүлд хэзээ автобусанд суусан бэ?
-Бараг зургаан сарын өмнө автобусанд суусан.
-Хэрэв та Монгол Улсын ерөнхий сайд болвол хамгийн түрүүнд юу хийх вэ?
-Хотын төвд байгаа зам хаасан бүх хашааг нураана.
-Хүнээс авч байсан хамгийн хэрэггүй зүйл?
-Хурал зөвлөгөөн дээр очихоор өгдөг хэвлэсэн ном, нэрийн хуудас л юм даа.
-УИХ-ын гишүүдээс хэн нэгэнтэй нь болзоонд яв гэвэл хэнтэй нь болзох вэ?
-Надад их энгийн санагддаг учир Х.Булгантуяа гишүүнтэй болзох байсан.
-Харин репперүүдээс болзоонд явах боломж гарвал?
-Би Nmn-д дуртай ч хамт кинонд тоглочихсон учир болзоонд явбал сонин байх. Тэгэхээр эрэгтэй ч гэсэн хамаагүй реппер Энэрэлтэй болзоонд явмаар байна.
-Танд өрсөлдөгч бий юу?
-Өрсөлдөгч байхгүй.
