Х.Нямбаатар: Цахим гав ашиглаж зорчих эрхийг хязгаарлах ялыг ирэх оноос хэрэгжүүлнэ

2
2020 оны 9 сарын 162020-09-16
Х.Нямбаатар: Цахим гав ашиглаж зорчих эрхийг хязгаарлах ялыг ирэх оноос хэрэгжүүлнэ

Засгийн газрын хуралдаанаар хэлэлцэж шийдвэрлэсэн асуудлын талаар Хууль зүйн сайд Х.Нямбаатар мэдээлэл хийлээ.

Тэрээр "Зорчих эрхийг хягаарлах ялыг хэрэгжүүлэх тогтоолыг баталсан. Одоогийн хуулинд 197 заалтад зорчих эрхийг хязгаарлах ялыг оногдуулахаар заасан байдаг. Нэгдүгээрт, цахим гав бугуйвч болон хөлдөө зүүсэн бугуйвчийг зүүснээр оршин суугаа газраасаа гарахгүй байх хязгаарлалтад орж болно. Хоёр дахь нь тодорхой маршрутад зорчих маршрутыг баталж болно. Гурав дахь нь тодорхой нэг хүнтэй уулзахгүй байх хязгаарлалтыг тогтоож болно. Энэ хууль 2015 онд батлагдсан. Хэрэгжилтийг 2021 оны нэгдүгээр сарын 1-нээс хэрэгжүүлэх нь зүйтэй гэж Засгийн газрын шийдвэр гарсан.

Энэ ял хэрэгжиж эхэлснээр гэр бүлтэйгээ элэг бүтэн байж, тодорхой ажил хөдөлмөр эрхэлж болохоор байгаа. Анх удаа хөнгөн гэмт хэрэг үйлдсэн, болгоомжгүй байдлаас болж анх удаа үйлдсэн гэх мэт гэмт хэрэгт энэ төрлийн ялыг оногдуулна. Хүнд гэмт хэрэгтнүүдэд энэ төрлийн ял өгөхгүй.

Улаанбаатар хотод мэдээллийн хяналтын ганц төв ажиллана. Эхний тооцоолллоор 2021 онд ойролцоогоор 1080 орчим хүнд энэ төрлийн ялыг оногдуулах статистик тооцооллоор энэ ялыг хэрэгжүүлэхээр бэлтгэж байна.

Энэ өөрөө повер банктай. I-watch-тай адилха загвартай. Дотроо ган металл оосортой. Үүнийг таслах боломжгүй. Ямар нэг байдлаар эвдэлж, маршрутаас гарвал хорих ялаар шийтгэнэ.

Хориход ял эдэлж байгаа хүмүүсийн зардалтай харьцуулбал 60 хувьтай тэнцэнэ. Улсын төсөвт 3 орчим тэрбум төгрөгийн хэмнэлт хийгдэнэ" гэлээ.

Санал болгох

Ерөнхийлөгч Х.Баттулга Орхон, Сэлэнгэ, Дархан-Уул аймгийн иргэдтэй уулзана

Монгол Улсын Ерөнхийлөгч Халтмаагийн Баттулга есдүгээр сарын 28-30-ны өдрүүдэд Орхон, Сэлэнгэ, Дархан-Уул аймагт ажиллаж, иргэдтэй уулзана.

15 цагийн өмнө
УИХ-ын ээлжит чуулган ирэх сарын 1-нд эхэлнэ

Монгол Улсын Үндсэн хуульд ноднин 11 дүгээр сард оруулсан нэмэлт, өөрчлөлтөөр УИХ-ын ээлжит чуулган ажлын 75-аас доошгүй өдөр чуулахаар заасан. Энэ дагуу УИХ-ын намрын ээлжит чуулган жил бүрийн 10 дугаар сарын 1-нд, хаврын чуулган 3 дугаар сарын 15-нд эхлэх юм.

16 цагийн өмнө
Төрөөс мөнгөний бодлогын талаар 2021 онд баримтлах үндсэн чиглэлийн төслийг УИХ-д өргөн барив

Улсын Их Хурлын дарга Г.Занданшатарт өнөөдөр (2020.09.25) Төрөөс мөнгөний бодлогын талаар 2021 онд баримтлах үндсэн чиглэлийн төслийг Монголбанкны ерөнхийлөгч Б.Лхагвасүрэн өргөн барив.

3 өдрийн өмнө
Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга Зэвсэгт хүчний Жанжин штабт ажиллалаа

Зэвсэгт хүчний удирдах бүрэлдэхүүний 2020 оны заах аргын цугларалтын нээлтэд оролцож, үг хэлэв.

3 өдрийн өмнө