Н.Батсуурь: Миний идэж, уух зүйлд л эм хольж өгсөн байх

5
2020 оны 9 сарын 142020-09-14
Н.Батсуурь: Миний идэж, уух зүйлд л эм хольж өгсөн байх

Улсын аварга Н.Батсуурь допингийн асуудлаар тайлбар мэдээлэл хийлээ.

Тэрбээр "Долдугаар сарын 12-нд баяр наадмаар үзүүрлэж тод сайхан гэдэг чимэг авсан. Тэрнээс хойш хоёр сарын дараа допингийн хариу ирсэн байна. Хариу нь ирэхдээ таны биеэс предизин гэдэг эмийн бодис илэрсэн байна гэсэн. Ийм хариу ирж байгааг би хүлээн зөвшөөрч байна. Шинжилгээний хариуг үнэн зөв гэж өөрөө хэлж байна.

Энэ эмний талаар ойлголтыг өгье гэж бодож байна. Энэ бол зүрхний эм байгаа. Аптекуудаар нэг ширхэг нь 400 төгрөгөөр зарагддаг, эмчийн жоргүйгээр олгодог эм байгаа. Миний биеэс энэ эм илэрсэн.

Долоо удаа шөвгөрлөө. Бас бус тэмцээнд явж шинжилгээ өгч байсан. Нийтдээ 10 удаа допингийн шинжилгээ өгсөн байдаг юм байна. Энэ удаа илэрлээ гэхэд бөхийн салбар хороонд очиж уулзаад их гайхсан.

Их харамсч байна. Өнөөдрийг хүртэл энэ олон наадмуудад барилдахдаа үнэн шударгаар өдий зэрэгт хүрсэн. Өнөөдөр аптект 400 төгрөгөөр зарагддаг энэ эмийг уух шалтгаан надад байхгүй. Энэ эмийг би уугаагүй. Гэхдээ хариуцлагаа хүлээж, ард түмнээсээ уулчлалт гуйж байна.

Миний зүрх цоо эрүүл. Надад энэ эмийг хэрэглэх шаардлага байхгүй. Би В сорьцын шинжилгээ өгөхгүй. Яагаад гэвэл А сорьцод өгсөн шинжилгээний дээжийг В-д явуулдаг. Тиймээс А, В сорьц зөрүүтэй гарах боломжгүй. Би шээсээ өөрөө лацдаад өгсөн. Тэнд алдаа гарах ёсгүй.

Дархан аварга цолыг мөрөөдөж, зорьж яваа байж би ийм эм хэрэглэх шаардлага надад байхгүй.

Залуу бөхчүүддээ хандаж хэлэхэд ууж идэх юмандаа анхаараарай. Нэг ширхэг эмийг л миний ууж идэх юманд хольж өгсөн байх гэж бодож байна. Энэ эмийг уух шаардлага надад байхгүй. Гэхдээ миний биеэс илэрсэн нь үнэн болохоор барилдах эрхээ хасуулаад хариуцлагаа хүлээнэ" гэлээ.

Санал болгох

Монгол Улсын гавьяат тамирчин М.Уранцэцэг Доха мастерсаас хүрэл медаль хүртлээ

Жин тус бүрийн дэлхийн чансааны эхний 32-т эрэмбэлэгддэг шилдгүүд чуулсан уг тэмцээний эмэгтэйчүүдийн 48 кг-ийн жинд барилдсан Монгол Улсын гавьяат тамирчин М.Уранцэцэг хүрэл медаль хүртсэн байна.

6 өдрийн өмнө
Хакүхо М.Даваажаргал коронавирусийн халдвар авчээ

Мэргэжлийн сүмогийн их аварга Хакүхо М.Даваажаргал COVID-19 халдвар авсныг NHK мэдээлжээ.

13 өдрийн өмнө
Хөлбөмбөгийн шилдгүүдийг цахимаар шалгаруулна

Монголын хөлбөмбөгийн холбоо 2015 оноос Монголын шилдэг хөл бөмбөгчдийг тодруулах "Алтан бөмбөг" ёслолын ажиллагааг эхлүүлсэн түүхтэй. Тэгвэл энэ жил цаг үеийн нөхцөл байдлаас шалтгаалан SPS телевизтэй хамтран Виртуал хэлбэрээр зохион байгуулахаар болжээ.

1 сарын өмнө
Нийслэлийн 381 жилийн ойд зориулсан барилдаанд  М.Бадарч түрүүллээ

Нийслэлийн өдөрт зориулсан уламжлал болгон зохион байгуулагддаг тус барилдаанд шинэ аварга П.Бүрэнтөгсөөр магнайлуулсан 256 бөх авхаалж самбаа, хурд хүчээ сорин барилдсанаас Архангай аймгийн Цэнхэр сумын харьяат, Бөхбилэгт дэвжээний бөх, улсын шинэ заан М.Бадарч 8 даван түрүүлж, Төв аймгийн Баянчандмань сумын харьяат, Дүнжингарав дэвжээний бөх аймгийн хурц арслан Э.Ууганбаяр үзүүрлэв. Харин их шөвөгт Ховд аймгийн Зэрэг сумын харьяат, Ховд дэвжээний бөх, улсын харцага Б.Бат-Өлзий, Хөвсгөл аймгийн Их –Уул сумын харьяат,  Хөвсгөлийн Хүчтэн дэвжээний бөх, улсын начин Б.Даваа-Очир нар шалгарлаа.

3 сарын өмнө