Д.Болормаа: Нумгүй гутлаас болж хүүхдүүд хавтгай тавхай өвчнөөр өвчилж байна

1
2020 оны 9 сарын 182020-09-18
Д.Болормаа: Нумгүй гутлаас болж хүүхдүүд хавтгай тавхай өвчнөөр өвчилж байна

Сүүлийн жилүүдэд хүүхдийн хавтгай тавхай буюу эцэг эхээс удамшдаг өвчин нэмэгдэх хандлагатай байна. Энэ чухам ямар өвчин болох үүнээс яаж урьдчилан сэргийлэх талаар ЭХЭМҮТ-ийн Хүүхдийн эмнэлгийн сэргээн засах эмчилгээний тасгийн эрхлэгч Д.Болормаагаас тодрууллаа.

-Хүүхдийн хавтгай тавхай өвчний талаар мэдээлэл өгөөч?

-Хүний хөлийн тавхай нумарч байх ёстой, гэтэл сүүлийн жилүүдэд хүүхдүүдийн хөлийн тавхай хавтгайрах өвчлөл нэмэгдэж байна. Хавтгай тавхай өвчин гэдэг нь хөлийн дотор талын нум үүсэхгүй байхыг хэлдэг. Энэ үзэгдэл бага насны хүүхдүүдэд хэвийн үзэгдэл ч засахгүй явсаар байвал тулгуур өвчний суурь болдог. Төрөхөөс эхлээд явж сурах хүртэл, тавхайн нум үүсээгүй байдаг. Тэрнээс цааш хөлд орж эхлэх буюу 8 сартайгаас 2 нас хүртэлх хугацаанд нум үүсдэг. Харин хүүхдийн тавхайд нум үүсэхгүй хавтгайрсан тохиолдолд 5-6 нас хүртэлх хугацаанд нум үүсгэж болдог. Товчхондоо бол эцэг эхчүүд хүүхдийнхээ хөгжилд ажиглалт хийж хөлийн тавхай хавтгайрч байвал эмчид хандах хэрэгтэй.

-Энэхүү өвчин үүсэх шалтгаан нь юу байна вэ?

-Ерөнхийдөө энэхүү өвчин нь удамшлын шинж чанартай байна. Мөн буруу хувцаслалтаас үүсч байна. Тухайлбал кет, пүүз гэх мэт хавтгай гутлаас үүдэлтэй байна. Эцэг эхчүүд зөөлөн ултай гэж сонгодог гутлууд хүүхдийн тавхайг хавтгайруулж байна.

- Эмчлэх боломжийн хувьд?

-Өвчнийг эмчлэх бүрэн боломжтой. Зургаан нас хүртэлх хугацаанд хүүхдийн хөлөнд нум үүсэж байдаг. Хэрэв хүүхдийнх нь хөл нумрахгүй байвал элс, зүлэг, хайрга дээр гишгүүлэх хэрэгтэй. Мөн дотроо нумтай гутал өмсгөх, дугуй унуулах хэрэгтэй байдаг.

-Хавтгай тавхай өвчнийг эмчлээгүйгээс ямар эрсдэл учрах вэ?

-Амь насанд халгүй ч, энэхүү өвчин тулгуур эрхтний суурь болж өгдөг. Эмчлээгүй тохиолдолд таргалах, өвдөг, нуруу, түнхэнд өөрчлөлт ордог.

-Хавтгай тавхай өвчнийг ажиглахаас өөрөөр яаж оношлох боломжтой вэ?

-Хамгийн энгийн арга гэвэл цагаан цаасан дээр хөлийн будаж гишгүүлэх байгаа. Нумтай хэсэг хоосон гарах ёстой. Харин хавтгай тавхайтай бол бүтэн ул харагдана.

 

Санал болгох

Цэргийн төв эмнэлэгт хүчилтөрөгчийн аппарат хандивлалаа

Монгол Улсад “Ковид-19” цар тахлын халдвар илэрсэн цагаас өндөр ачаалалтай ажиллаж байгаа Цэргийн төв эмнэлгийн хамт олонд Зэвсэгт хүчний 303 дугаар ангийн бие бүрэлдэхүүнээс хандив хүргүүлэв.

28 минутын өмнө
Хоёр дахь тунгаа хийлгэх иргэдийн хуваарийг хүргэж байна

Иргэд вакцины цэгт шууд очиж дараалал үүсгэх шаардлагагүй. Харъяа хорооноос иргэдтэй холбогдож, хаана, хэдэн цагт, вакцин хийлгэх мэдээлэл өгнө.

42 минутын өмнө
Улсын дээд шүүхэд хязгаарлалт тогтоосон тул нийт шүүгчид цуглах боломжгүйг ЕТГ-т мэдэгдэв

Монгол Улсын Ерөнхийлөгч Х.Баттулга 2021 оны 4 дүгээр сарын 23-ны  өдрийн 11:00 цагт Улсын Дээд шүүхэд хүрэлцэн ирж, Монгол ардын намыг тараах тухай үндэслэлийг нийт шүүгчдэд нь танилцуулж, нотлох баримт, холбогдох бусад материалуудыг хүлээлгэн өгнө гэх асуудлаар Ерөнхийлөгчийн Тамгын газраас Улсын дээд шүүхэд хандсаны дагуу Улсын дээд шүүхийн Тамгын газрын даргын албан үүргийг түр орлон гүйцэтгэгч С.Амардэлгэр  Ерөнхийлөгчийн Тамгын газрын дарга Ө.Шижиртэй ярилцжээ. 

1 цагийн өмнө
Дархлаажуулалтын цэгээс алслагдмал иргэдийг автобусаар хүргэж үйлчилнэ

Нийслэлийн хэмжээнд нийт 76 автобус хүн хоорондын зайг баримтлуулж, тухайн товлогдсон хугацаанд тохируулан иргэдийг зөөвөрлөж, вакцинд хамруулах үйлчилгээ үзүүлнэ

2 цагийн өмнө