Бид тав алхаад л нүд эрээлжлэм олон өнгө, харь хэлээр бичсэн хаягуудтай тааралддаг. Харин энэ хотод үндэсний бичгээр хаягжуулсан байгууллага тун ховор. Тиймдээ үндэсний бичгээ мэддэггүй хүн олширч байна. Энэ бол хэрэглэхгүй удсан юм мартагддагийн жишээ.
2018 оны тавдугаар сарын 3-нд Монгол бичгийн хэрэглээг нэмэгдүүлэх ажлыг эрчимжүүлэхээр Монгол Улсын Ерөнхийлөгч Х.Баттулга зарлиг гаргаж байжээ. Эл зарлигт "...Албан байгууллага, аж ахуйн нэгж, барилга байгууламж, гудамж, талбайн нэр хаяг, бүтээгдэхүүний шошго, бэлгэ тэмдэг, зар сурталчилгаа зэргийг үндэсний бичгээр бичиж хэвшүүлэх ажлыг зохион байгуулах; үндэсний бичгийн хэрэглээг нэмэгдүүлж, түгээн дэлгэрүүлэхэд чиглэсэн уг үйл ажиллагаа, аливаа идэвх санаачилгыг хөхүүлэн дэмжиж, урамшуулж ажиллахыг бүх шатны Засаг дарга нар, холбогдох төрийн байгууллагуудад чиглэл болгосугай" гэсэн байв.
Улмаар Хэлний бодлогын үндэсний зөвлөлөөс албан байгууллагуудад долдугаар сарын 1-ний өдөр гэхэд байгууллагынхаа хаяг болон доторх өрөөний хаяг, тэмдэглэгээг монгол бичгээр зэрэгцүүлэн бичсэн байх санал хүргүүлжээ. Тухайн үед Завхан аймаг Үндэсний бичгээр хаягжуулах ажилд тэргүүлсэн байна. Мөн Баянхонгор аймгийн Галуут сумын иргэд бүх хашааныхаа хаягийг үндэсний бичгээр бичжээ.
Үндэсний бичгээрээ гангарсан Нийслэлийн "жишиг" байгууллагууд
1.Монцамэ агентлаг
2.Гуравдугаар сургууль
3. "Хөвсгөл нуур" зочид буудал
4.Татварын ерөнхий газар
5. Боловсрол шинжлэх ухааны яам
6. МУИС
7. Д.Нацагдоржийн нэрэмжит Улаанбаатар хотын нийтийн номын сан
8. Нийслэлийн нэгдүгээр “Өргөө” амаржих газар
9. Зоос гоёл
10. Улаанбаатар дулааны сүлжээ ХХК
11. Хил хамгаалах ерөнхий газар
12. Хан-Уул дүүрэг
13. Монголын үндэсний музей
14. "Чингис хаан" нисэх онгоцны буудал
15. МУБИС
