А.Туяа: Эрчүүдийг хүлээх хэрэггүй, түрүүлж хайраа илчил

9
2020 оны 9 сарын 242020-09-24
А.Туяа: Эрчүүдийг хүлээх хэрэггүй, түрүүлж хайраа илчил

"Single ladies-4" уран сайхны кино хэдхэн хоногийн дараа нээлтээ хийнэ. Бид киноны гол дүрийн жүжигчин А.Туяатай цөөн хором ярилцлаа. Тэрээр 30 насны ганц бие эмэгтэйн дүрийг гаргаж байгаа бөгөөд энэ удаагийн цувралд эсрэг дүрд тоглосон байна. 

-Юуны түрүүнд киногоо нээх гэж буйд баяр хүргэе. 

-Баярлалаа. 

-Та өмнөх цувралууд дээр үзэсгэлэнтэй, айлгүй, тачаангуй төрлийн эмэгтэйн дүрд тоглосон шүү дээ. Энэ удаагийн таны гаргах дүр ямар байв?

"Single Ladies -4"-ийн дэлгэцнээ хэзээ ч харж байгаагүй цоо шинэ Туяа гарч ирэх болно.

Эмэгтэйчүүд амьдрал дээр хайртай хүндээ сэтгэлээ нээж чаддаггүй шүү дээ. Хайртай хэрнээ хайраа илчилж, таалагддаг залуудаа чи гоё шүү, би чамайг крашладаг гээд сэтгэлээ нээгээд хэлж чаддаггүй. Эрчүүдийг л хүлээгээд байдаг. 

"Single ladies-4" дээр үүнийг эвдэж эмэгтэйчүүдийн шийдэмгий байдал, түрүүлж сэтгэлээ илчилж сонголтыг гартаа авах талаар гарах болно. Миний хувьд урд нь эсрэг дүрд тоглож байгаагүй. Энэ удаад эсрэг нэг тийм зэвүүн дүр бүтээсэн байгаа. Киноны дараа эсрэг дүрд тоглох сонирхолтой болсон. Өөрийгөө өөр талаас нь харуулж байгаадаа баяртай байна.

А.Туяа1.jpg

-Ер нь бүх ангид тоглох ямар байсан бэ. Эхний хэдэн ангиасаа юугаараа онцлог байв?

-"U Flim" буюу Ундармаа эгчтэй хамтарч ажиллаад долоон жил болж байна. Долоон жил гэдэг чинь урт хугацаа шүү дээ. Надад яг одоо их сургуулиа төгсөж байгаа юм шиг мэдрэмж төрж байна. Догдлол, баяр баясгалан, жоохон гуниг гээд л.

Хамт олон маань халуун дулаан болохоор хамтарч ажиллахад сайхан байдаг. Бидний долгион таардаг учраас уран бүтээлүүд маань ч чанартай сайн болдог байх.

"Single Ladies"-4  уран бүтээлийн ерөнхий найруулагч Бат-Амгалан ахтай анх удаа хамтарч ажиллаж байгаа. Найруулагч маань дүрийн талаар ярьж өгөхөд би ерөөсөө ойлгохгүй байсан. Яг ямар учир утгатай дүр гэдгийг хүн хүнээс асуухад өөр өөрөөр тайлбарлаад, бүр толгой эргэчихсэн. Тэгээд ойлгохгүй явж байгаад эхний зураг авалтаар Дундговь аймагт очиод мэдсэн. Өмнө нь эсрэг дүрд тоглож байгаагүй болохоор жоохон хэцүү байсан. 

-Ойрын уран бүтээлийн санаа юу байна. Эсрэг дүрийн санал ирэв үү? 

-Хоёр уран бүтээлийн санал ирсэн. Гэхдээ өмнөхөөсөө арай өөр дүр бүтээхийг бодож цензур тогтоож байгаа. Мөн жүжгийн санал ирсэн. Миний дотроо бодож байгаа эсрэг дүр бол солонгос киноны хатдын дүр юм. Солонгосын олон ангит кинонуудын эсрэг дүр эерэг дүрээсээ илүү сайн байдаг шүү дээ. Тиймээс тиймэрхүү эсрэг дүрд тогломоор санагдаад байгаа. 

-Түүхэн кинонд тоглох бодолтой гэж ойлгох уу? 

-Түүхэн хатны дүрд тогломоор санагдаад байгаа. Хамгийн сүүлд С.Жаргалсайханы хатны тухай ном уншсан. Ер нь бүх зүйл намайг хатны дүрд тоглохыг өдөөгөөд байгаа. Тэр нь эсрэг дүр байвал бүр гоё. 

 

 

Санал болгох

Хөшигийн хөндий рүү чиглэсэн тууш замыг хурдны замтай андуурч эрхээ хасуулах тохиолдол гарч байна

Тээврийн цагдаагийн албаны Орон нутгийн замын хяналтын хэлтсийн тууш замын хяналтын тасгийн зохицуулагч, дэслэгч Б.Ариунбат: Зөвшөөрөгдсөн хурднаас 50 хувиас дээш хурд хэтрүүлсэн бол жолоочийн эрхийг гурван сараар хасах хуулийн зохицуулалттай.

3 өдрийн өмнө
"SM" гоо сайхны эмнэлгийн мэс заслаас болж гурван хүүхэд өнчирлөө

“Тод Каннам” эмнэлэгт өөх соруулах мэс засалд орж байсан 29 эмэгтэй нас барсан харамсалтай хэрэг 2019 оны 4-р сард гарч, хэрэг шүүхээр эцэслэн шийдэгдээгүй байна.Тэгвэл энэхүү эмнэлгийн буурин дээр “SM” гоо сайхны эмнэлэг үйл ажиллагаа явуулж байгаа ч, дахин нэг эрэгтэй хамрын мэс засал хийлгэх явцад хүндэрч нас баржээ. Хохирогч Улсын нэгдүгээр төв эмнэлэгт өндөр халуунтай хүргэгдэж нас барсан байна. Бид хохирогчийн ах М.Баяраагаас мэдээллийг тодрууллаа.

9 өдрийн өмнө
Э.Цэндбаатар: Дэлхийн дэвжээ хэнийх вэ гэдгийг харуулна

МУГТ Э.Цэндбаатартай ярилцаж түүний байр суурийг сонслоо. 

9 өдрийн өмнө
Х.Чулуунбаатар: Хүсэл нь байхад хөлгүй байсан ч хүрнэ

Харамсалтай нь 2017 онд нүүрс тээврийн хүнд даацын автомашин жолоодож явах үедээ бусдын болгоомжгүй хурд хэтрүүлсэн үйлдлээс болж автомашинтайгаа онхолдож улмаар тулгуур эрхтнээ тайруулан суумгай болсон юм.

9 өдрийн өмнө