Увсад жирэмсэн эмэгтэйчүүд тээвэрлэж явсан эмнэлгийн машин цасанд суусныг гаргажээ

2020 оны 3 сарын 242020-03-24
Увсад жирэмсэн эмэгтэйчүүд тээвэрлэж явсан эмнэлгийн машин цасанд суусныг гаргажээ

 

Увс, Баян-Өлгий зэрэг аймагт өчигдөр цас орж, Ховд аймагт бороо орсон.

Өчигдөр Баян-Өлгий аймгийн Бугат сумын 5 дугаар багийн “Англах” гэдэг газар /аймгийн төвөөс зүүн хойл зүгт 40 км, сумын төвөөс урд зүгт 40 км/ Иргэн Ж /22 настай, эрэгтэй/, С /14 настай, эрэгтэй/ нар 21:30 цагийн үед малдаа яваад сураггүй болсон тухай дуудлагыг онцгойгийнхон 23:12 цагт хүлээн авсан. Тус аймгийн Онцгой байдлын газрын Гал түймэр унтраах, аврах 31 дүгээр ангийн 5 алба хаагч, 1 автомашин, Бугат сумын мэргэжлийн ангийн 5 иргэн, ар гэрийн 2 иргэн, 2 автомашин, нийт 12 хүн, 3 автомашинтай 02:10 цагаас эрэн хайх ажиллагааг эхлүүлсэн байна.

Мөн Увс аймгийн Тариалан сумын Бургастай багийн нутаг “Зостын хөтөл” гэдэг газар /аймгийн төвөөс урд зүгт 40 км, сумын төвөөс зүүн зүгт 30 км/ Ховд сумаас Улаангомын чиглэлд явж байсан аймгийн Эрүүл мэндийн төвийн 2 жирэмсэн эх авч явсан Пургон загварын автомашин цасанд суусан дуудлага өнгөрсөн шөнө 01:30 цагт иржээ. Тус аймгийн Онцгой байдлын газрын Эрэн хайх, аврах салбарын 4 алба хаагч, 1 автомашинтай 40 км замыг туулан 02:50 цагт очиж 10 минут ажиллаж автомашиныг татан гаргасан байна.

Түүнчлэн Увс аймгийн Тариалан сумын Хар толгой багийн нутаг “Шүүж” гэдэг газар /аймгийн төвөөс урд зүгт 20 км/ малчин Г /45 настай, эрэгтэй/, А /22 настай, эрэгтэй/ нар малтайгаа хамт цасанд боогдсон дуудлагыг өнгөрсөн шөнө 03.24-ний өдрийн 02:55 цагт хүлээн авсан. Тус аймгийн Онцгой байдлын газрын Эрэн хайх, аврах салбарын 4 алба хаагч, 1 автомашинтай 20 км замыг туулан 04:10 цагт очиж “Шүүж” гэдэг газраас иргэн Г, А нарыг эсэн мэнд олжээ.

Маргааш буюу 25-нд баруун, төв, зүүн аймгуудын нутгийн зарим газраар, 26-нд зүүн аймгуудын нутгийн зарим газраар хур тунадас орно. Бусад хугацаанд хур тунадас орохгүй. Салхи 25-нд ихэнх нутгаар, 26-нд говь, талын нутгаар түр зуур секундэд 16-18 метр хүрч цасан болон шороон шуурга шуурна. Ихэнх нутгаар хүйтэрч Увс нуур болон Завхан голын эх, Идэр, Тэс голын хөндийгөөр шөнөдөө 25-30 градус, өдөртөө 10-15 градус, Хангай, Хөвсгөл, Хэнтэйн уулархаг нутаг, Хүрэнбэлчир орчим, Эг-Үүр, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Халх голын хөндийгөөр шөнөдөө 17-22 градус, өдөртөө 6-11 градус, говийн бүс нутгийн өмнөд хэсгээр шөнөдөө 4-9 градус хүйтэн, өдөртөө 3-8 градус дулаан, бусад нутгаар шөнөдөө 11-16 градус, өдөртөө 2-7 градус  хүйтэн байна. 28-наас ихэнх нутгаар дулаарна гэдгийг албаныхан мэдээллээ.

Санал болгох

Өчигдөр хүчтэй мөндөр орж, малчин У-ын долоон үхэр үерт урсжээ

Өвөрхангай аймгийн Уянга сумын Шуранга багийн “Ар-Оньс” гэдэг газар энэ сарын 29-ний өдрийн 16:00 цагийн орчим хүчтэй мөндөр орсны улмаас уруйн үерт малчин У-ын 7 үхэр урссан байна.

5 өдрийн өмнө
Аялж явсан 12 хүний гурав нь Хэрлэн голын усанд осолдож, нэг нь нас баржээ

Иргэн М-ын цогцсыг олсон бөгөөд үлдсэн хоёр хүнийг эрэн хайж байна.

5 өдрийн өмнө
Энэ сарын 23-нд гэрээсээ гараад сураггүй алга болсон хоёр хүн одоо хүртэл олдоогүй байна

Таана, мангир түүхээр гэрээсээ гараад сураггүй алга болсон хоёр хүний мотоциклыг голын эргээс олжээ

6 өдрийн өмнө
Таана, мангир түүхээр гэрээсээ гараад сураггүй алга болсон хоёр хүний мотоциклыг голын эргээс олжээ

Хэнтий аймгийн Дадал сумын Балж багийн “Цагаан чулуут” гэдэг газар тус багийн харьяат малчин 39  настай эрэгтэй Б, 5 настай эмэгтэй С нар “Хёрхон” гэдэг голын эргээс таана, мангир түүхээр зургадугаар сарын 23-ны өдрийн 11:00 цагт гэрээсээ мотоциклоор гараад сураггүй болсон байна.

9 өдрийн өмнө