"500 саяын авлигын" гэж Н.Номтойбаярын тодотгосон тогтоол хүчингүй болжээ

1
2020 оны 3 сарын 312020-03-31
"500 саяын авлигын" гэж Н.Номтойбаярын тодотгосон тогтоол хүчингүй болжээ

 

Н.Номтойбаяр УИХ-ын гишүүнээр ажиллаж байхдаа 2019 оны нэгдүгээр сард, “Ерөнхий сайд У.Хүрэлсүхийн авлигын баримт надад бий. Хөшигийн хөндийн нисэх онгоцны буудлын төсөл 10 дахь жилдээ хэрэгжиж байна. Засгийн газар нэг ААН-тэй л шууд гэрээ хийх эрхийг 2018 оны долдугаар сарын 9-ний Засгийн газрын хуралдаанаас гаргажээ. Ингээд үүнээс 14 хоногийн дараа буюу долдугаар сарын 23-ны өдөр Ерөнхий сайд тухайн ААН-ээс 500 сая төгрөгийг бэлнээр авсан. Уг нь Үндэсний хөгжлийн газар газрын тос нийлүүлэгчийг уралдаант шалгаруулалт явуулж, сонгох нь зөв гэж үзсэн юм билээ.

barimt.jpg

ЗГХЭГ-ын ажлын алба мөн хуулийг үндэслэл болгон, уралдаант шалгаруулалт явуулах ёстой гэсэн тогтоолын төслийг Засгийн газрын хуралдаанд оруулсан. Гэвч Ерөнхий сайд У.Хүрэлсүх шууд гэрээ байгуулах шийдвэр гаргажээ. Энэ маш ноцтой асуудал. Энэ асуудлыг би хуулийн байгууллагад шалгуулна” хэмээн мэдэгдэж байв.

KHAS0718-810x500.jpg

Үүний дараа “Мэргэван” ХХК-ийн захирал В.С.Лобанов  “2017 оны есдүгээр сарын 11-нд ОХУ-ын Владивосток хотод болсон олон улсын бизнес форумд Улаанбаатар хотын шинэ нисэх буудлын агаарын хөлгийн шатахуун хангамжийн байгууламжийн үйл ажиллагааг явуулах тухай олон улсын гэрээг ОХУ-ын Роснефть компанийн ерөнхийлөгч И.И.Сечин, Монгол улсын Зам тээврийн сайд Д.Ганбат нар гарын үсэг зурсан. Гарын үсэг зурахад ОХУ-ын Ерөнхийлөгч В.В.Путин, Монгол Улсын Ерөнхийлөгч Х.Баттулга нар байлцсан нь концессийн гэрээ байгуулах ажил өмнөх Засгийн газрын үед эхэлсэн гэдгийн нотолгоо болно. Ийнхүү ОХУ-ын “Роснефть” компанийн ерөнхийлөгч И.И.Сечинтэй, Монгол Улсын Засгийн газрын зүгээс сайд асан Д.Ганбат, сайд асан Ж.Бат-Эрдэнэ, Я.Содбаатар, Шадар сайд Ө.Энхтүвшин нар удаа дараа дээд түвшний Засгийн газар хоорондын уулзалтуудыг хийсний үр дүнд энэхүү олон улсын гэрээ байгуулагдсан юм. Энэ концессын гэрээ нь "Хөшигийн хөндий”-н бүтээн байгуулалтыг авсан Японы концессын гэрээтэй яг ижил хэлбэрээр байгуулагдсан. Манай компанийн дүрэмд хөрөнгө оруулагч, төлөөлөн удирдах зөвлөл, гүйцэтгэх захирлын хийх ажил үүрэг, хариуцлага маш тодорхой заагдсан байдаг тул манай хөрөнгө оруулагч “Сод Монгол” групп ХХК манай үйл ажиллагаанд оролцох эрх байхгүй” хэмээн няцаасан.

043002.jpg

Тэгвэл Засгийн газар гуравдугаар сарын 11-ны хуралдаанаар Улаанбаатар хотын Олон улсын нисэх онгоцны шинэ буудлын шатахуун хангамжийн байгууламжийн менежмент төслийг Концессын зүйлийн жагсаалтаас хасчээ. Энэ нь хөрөнгө оруулах-ашиглах-шилжүүлэх концесс байсан бөгөөд шууд гэрээ байгуулах шийдвэр гарч байсан юм. Мөн маргаан дагуулсан 223 дугаар тогтоолыг хүчингүй болгожээ.

zdfgsdfgsdfg.JPG

Содмонгол группийн оролцоотой гэгддэг “Мэргэван” компани нь Монгол Улсад нисэх онгоцны шатахуун импортолдог ОХУ-ын компани бөгөөд Буянт-Ухаа нисэх буудалд нисэх онгоц шатахуунаар сумлах үйл ажиллагаа явуулдаг бөгөөд нислэгийн тасалбар буурахгүй байгааг авиа компаниуд нэг компаниас, нэг улсаас хараат байгаатай холбоотойгоор тайлбарлаж иржээ.

p;'i;o;io.JPG

Удаан хугацаанд маргаан дагуулсан Олон улсын нисэх онгоцны шинэ буудлын шатахуун хангамжийн байгууламжийн менежмент төслийн ажил концессоос хасагдсан шалтгааныг албаныхан тайлбарлаагүй байгаа юм.

Санал болгох

Ё.Баатарбилэгийн бантан

Улстөрчдийн туслахын ажилласан жилийг төрийн захиргааны байгууллагад ажилласнаар тооцно гэж хууль боловсруулжээ. Ё.Баатарбилэг ээ, Төрийн албаны хуулиар ингэж тоглож болохгүй. Төрийн албанд томилгоо хийдэг дарга нарт учир байна уу, хуульд нь учир байна уу гэдгээ эхлээд судла.

2 сарын өмнө
Бөх, харваачдыг онцлон өршөөвөл Үндсэн хууль зөрчихийг УЕПГ анхаарууллаа

Наадам бол тусгаар тогтнол, соёл, уламжлал гэж байсан УИХ-ын гишүүд монгол бөхийг устгаж буй допингийг өөгшүүлж болохгүй.

4 сарын өмнө
Хонгил нурах уу: Цагдаагийн дөрвөн ч дарга МАН-д элслээ

Араа санаж, алсаа бодож цагдаа нар гэмт хэрэгтэй хэрэгтэй ажилладаг, дарга нар нь дэвших, дэвжихээ бодоод улстөрчидтэй сүжирдэг болчихвол цагдаагийн цагаан шонхор хараах байлгүй дээ. Ийм учраас наанадаж цагдаа, цэрэгт байсан, прокурор, шүүхэд байсан хүмүүсийг улс төрийн албан тушаалд томилохыг хориглох шаардлагатай. Тэгэхгүйгээр хуулийнхан улстөрждөг, улстөрчидтэй сүжирдэг, чиглэл авдаг гэх яриа багасахгүйгээр үл барам өнөө цагт хамгийн их ярьдаг “Шударга бусын хонгил” гээч нурахгүй.

8 сарын өмнө
Шинэ Засгийн газарт Ерөнхийлөгчийн өгсөн даалгавар

Намрын чуулганы төгсгөлд Засгийн газраа чирч огцорсон У.Хүрэлсүхийн шийдвэр Ерөнхийлөгчийн сонгуулийн улстөр албан ёсоор эхэлснийг бидэнд сануулав. УИХ-ын индрээс “Олон нийтийн бухимдлыг улс төрийн үйл ажиллагаанд ашиглаж, санхүүжүүлсэн Ерөнхийлөгчтэй хариуцлага тооцох ёстой гэж МАН-ын даргын хувьд үзэж байна” гэв. Бэлтгэл хурандаа У.Хүрэлсүх окопноосоо ирэх гуравдугаар сарын 1-нд тохиох Эх орончдын баяраас наана гарч ирэхгүй нь тодорхой болов. Ардын хувьсгалын 100 жилийн ойн нээлт, гуравдугаар сарын 15-нд эхлэх УИХ-ын хаврын ээлжит чуулган дээр У.Хүрэлсүхийн юу хэлэх нь сонин байна.

9 сарын өмнө