Импортын саримс, улаан лооль, өргөст хэмхний үнэ өснө

1
2020 оны 4 сарын 272020-04-27
Импортын саримс, улаан лооль, өргөст хэмхний үнэ өснө

 

УИХ-ын гишүүн Х.Болорчулуун, А.Сүхбат хоёр хүнсний ногоо, тэжээлийн таримлын үрийг импортын татвараас чөлөөлөх тухай УИХ-ын тогтоолын төсөл санаачилсан.

Х.Болорчулуун Дорнод гурилын эзэн, А.Сүхбат Гацуурт компанийн бөх явсныг олон нийт мэднэ. Хоёул ЖДҮ-гийн асуудалд холбогдсон, хоёул УИХ-ын Хөдөө аж ахуйн байнгын хорооны дарга, гишүүд. Гэлээ гэхдээ сонирхлын зөрчлийг нь тооцохгүйгээр тариаланчид үүнийг дэмжиж байгаа.

Нөгөө талаар импортын төмс, лууван, манжин, байцаа, бууцай, броколи дээр нэмж саримс, тарвас, улаан лооль, өргөст хэмхний татварыг 30 болгож нэмэх саналыг тэд гаргажээ. Бас л монгол тариаланчдаа дэмжих алхам.

Тухайлбал, Ховдоос сонгогдсон О.Батнасан импортын тарвасны татварыг 30 хувь, газар тариалангийн бизнестэй А.Сүхбат, Х.Болорчулуун нар импортын саримс, улаан лооль, өргөст хэмхний татварыг 30 хувь болгох санал гаргав. Одоо дээрх ногооны татвар 20 хувь байгаа юм.

Татвар нэмэгдэхээр үнэ өснө. Монголд Завханы улаан, Ховдын цагаан саримс тарьдаг ч өндөр үнэтэй. Өмнөговийн Булган сумын улаан лооль алдартай, Дэвшил трэйдийн өргөст хэмх сайхан боловч өвөл, хаврын цагт ховорддог. Мартын 8-нд монгол байтугай хятад улаан лооль, өргөст хэмхний үнэ яаж нэмэгддэг билээ. Нийлүүлэлт багатай, өвлийн хүлэмжгүй, зоорь агуулах цөөхөнтэй байж импортын ногооны татварыг нэмэх нь хавар үнэтэй ногоо идэхийн цондон биш үү. Хятад ногооны татварыг нэмэхэд монгол ногооны үнэ өсөх үү, буурах уу. Тариаланчдын амьжиргаа хятад ногооны татвартай нягт холбоотой юу. Коронавирусийн үед БНХАУ, ОХУ дотооддоо хүнсээ нөөцөлж байгаа нөхцөлд дээрх улсуудаас орж ирэх хүнсний ногооны үнэ татвараас үл шалтгаалан нэмэгдэх хандлагатай байгаа.

Санал болгох

Хөрөнгийн биржид өнөөдөр 1.5 сая хувьцаа арилжжээ

Монголын Хөрөнгийн биржид өнөөдөр, 1 дүгээр сарын 12-нд энгийн арилжаагаар 34 ХК-ийн 357,807,419.87 төгрөгийн үнийн дүнтэй 1.5 сая хувьцаа арилжив.

5 өдрийн өмнө
Ройтерс: Оюу Толгойн далд уурхайн төслийг цуцлах асуудлыг Туркойз Хилл хэлэлцэж байна

Энэ мэдэгдлийн дараагаар тус компанийн хувьцаа 20 хувиар буурсан тухай Ройтерс тэргүүтэй олон улсын хэвлэлүүд онцолж байна.

6 өдрийн өмнө
Гадаад валютын нөөц 4.5 тэрбум ам.долларт хүрч түүхэн өндөр түвшинд хүрлээ

Гадаад валютын албан нөөц (ГВАН) 2020 оны урьдчилсан гүйцэтгэлээр түүхэн дээд хэмжээнд буюу 4.5 тэрбум ам.долларт хүрч өмнөх оны мөн үеэс 4.2 хувиар нэмэгдэж импортын 11 сарын хэрэгцээг хангах түвшинд хүрч өслөө.

18 өдрийн өмнө
ЖДҮ, уул уурхайн бус экспортыг дэмжихэд 250 хүртэлх тэрбум төгрөг зарцуулна

Жилийн инфляци 2020 оны 11 дүгээр сард улсын хэмжээнд 3.5 хувь, Улаанбаатар хотын хэмжээнд 4.3 хувьтай байна.

1 сарын өмнө